يا سامي البس شعار الاهلي - نادي الهلال السعودي - شبكة الزعيم

الذهبي سامي · #1 30/10/2004, 02:53 AM

بسم الله الرحمن الرحيم

كما هو متوقع خرج الفريق الهلالي بنتيجة كبير قوامها سبعة اهداف في شوط ، رغم تأخر هذه الاهداف من قبل نجوم الهلال ، والتي كانت بحاجه لهدف وحيد لتنفر السبحه الهلاليه بالأهداف الاول تلو الآخر 00

ومن خلال شوط المباراة الاول وتأخر الاهداف الهلاليه الذي زاد من درجة التوتر لدى (( الجمهور )) الحاضر للمباراة 00

فكما هو معلوم كل مشجع ينتظر الهدف بفارغ الصبر 00

لكن مادعاني للإستغراب حقيقه !! هو ما تلفظت به الجماهير الهلاليه على نجومها وبالأخص (( ســـــــــامي الجــــــابــــر )) !!!!

لا لشئ ولكن لتأخر الهدف عن الدقيقه ( 6 )

لن اقول للأخوة الكرام بأن سامي ساهم بالبطولات الهلاليه السابقه ، واذكر تاريخه السابق ، و لكن للذكرى فرصيد سامي من الاهداف هذا الموسم << 8 >> اهداف من اصل << 5 >> مباريات [ قبل ] لقاء اليوم الذي زينه سامي بتسجيله للهدف {التاسع } له هذا الموسم 0

وعودة للموضوع فإنني اغبط الجماهير اللاهلاليه ، وذلك من خلال وقفتها مع نجومها في وقت (( الشدائد ))

فجميعنا رأينا ما فعلته الجماهير الاهلاويه مع نجمها طلال المشعل والذي هو بعيد عن مستواه من الموسم الماضي !!

وما تفعله الجماهير الاتحاديه مع نجميها حمزه ادريس والحسن اليامي ، وبمناسبة الذكر للإتحاد فأذكر بأنني قد حضرت مباراة للهلال امام فريق الشباب وقد احرز هدفاً في تلك المباراة اللاعب (( احمد بهجا )) فما كان من احد الجماهير الا ان رماه بالولاعة حينما اتى لتحية الجماهير بهدفه !!

وحينما انتقل للإتحاد وجد (( الدعم )) من جمهوره فحقق لقبي هداف الدوري وهداف العرب ، وجميعنا نتذكر عبارة (( هوه )) التي كانت تطلق من بهجا وجماهير الاتحاد 00

واليوم ومن مباراة تعتبر تحصيل حاصل بعض الجماهير الهلاليه تقذف سامي بأبشع الاوصاف وتردد الجمله المعروفه للجميع !!!!!!!!!

واتمنى ان ينتهي هذا المسلسل الى نهاية الموسم 00

والســــــــــــــلام خيــــــر ختــــــــــــــام

moon-soul · #2 30/10/2004, 02:56 AM

مشكور اخوي ذهبي على المشاركة الحلوة...اما عشان اللي تكلمت عنهم..بذكّرك بالمثل اللي يقول دع القافلة تسير......الخ

ولد الدمام · #3 30/10/2004, 02:58 AM

كلام جميل وكلام كبير من عقل كبير وياريتك كل الجاهير تفكر مثلك يالغالي
اشكرك وتسلم يمناك

Cʜɑᴙᴉƨᴍɑ · #4 30/10/2004, 03:06 AM

يعطيك الف عافيه ..

والمشكله مايعاني منها سامي وبس .. كل اللاعبين ..

والله يعين كل واحد بعد اي مباراه هلاليه .. لأن بعض الجمهور يختار كم لاعب ويبداء حش وانتقاد على غير سنع ..
كأنه ماراح يصير كاتب معروف في الشبكه ولااحد بيرد عليه الا إذا انتقد وحش في احد اللاعبين ...

مااقول الا ياليتني اشوف كل واحد مايعجبه العجب من الجمهور مكان من ينتقد عشان يعرف ان الله حق ..

والله يبعد كل الجماهير اصحاب العقول السخيفه .. والصغيره .. عن الزعيم

ab_kd3000 · #5 30/10/2004, 03:19 AM

التوقيع يعبر عن كل كلاااامي وكلامك وكلام كل من على شاكلتنا .... ,, من محبي ساامي ...,,

اااااه يانواف · #6 30/10/2004, 03:26 AM

فيه ناس يكرهووووون سامي لانهم ماشجعوا الهلال الا قريب
لكن سامي

كبييييييييييييييييييييييييير
غصبا عنهم

راسن · #7 30/10/2004, 03:30 AM

الجمهووور الهلالي ذوووواق .. وما عنده هالحركــات

واللي يسوي كذا إطلاقاً مو هلالي .. هذولي المندسين دس الله وجيههم في الترااااب

والا ليش سامي ما عبرهم وجميع اللاعبين حتى ؟! ودايماً اشادة ومن قلب في الجمهور الهلالي ؟!

صدقني اللاعبين يميزون ومو اغبياء

..

سراب الدمع · #8 30/10/2004, 03:31 AM

مساء الوررررررررررررد

وأنا أخوك هالألفاظ السوقية حكايتها حكاية

سواء مع سامي ولا مع غيره

والله العظيم أني كرهت الروحة للملعب بسبب هالألفاظ القذرة

والمشكلة الثانية أن البعض الله يهديهم يحطون لك 60 خطة في الشوط الأول

( أنا بصراحة سميتهم نُقاد الفصفص

)

ياليتهم يتفاعلون مع الرابطة ويشجعون الهلال أو يسكتون أفضل

تحياتي

abdullah suliman · #9 30/10/2004, 03:47 AM

أؤيدك في ماكتبته كاملاً..
وأختلف مع من قال بأنهم مندسين..
المندس لايحضر مباراه للهلال..
المندس ان حضر لا يجلس في مدرج الجماهير الهلاليه
المندس لا يجلس بين جماهير الهلال..
من يفعل ذلك مجموعه من جماهير الهلال..
مجموعه جماهير تفصفص وتسب اللاعبين وما أحد يسلم من لسانهم..
الغريب حقاً أن النوعيه هذي ما نشوفها في مدرجات النصر والأتحاد والأهلي والوحده وحتى الدرعيه..

المـمــلـــوح · #10 30/10/2004, 04:26 AM

أؤيدك في ماكتبته كاملاً..
وأختلف مع من قال بأنهم مندسين..
المندس لايحضر مباراه للهلال..
المندس ان حضر لا يجلس في مدرج الجماهير الهلاليه
المندس لا يجلس بين جماهير الهلال..
من يفعل ذلك مجموعه من جماهير الهلال..
مجموعه جماهير تفصفص وتسب اللاعبين وما أحد يسلم من لسانهم..
الغريب حقاً أن النوعيه هذي ما نشوفها في مدرجات النصر والأتحاد والأهلي والوحده وحتى الدرعيه..

عجوبي · #11 30/10/2004, 05:23 AM

ياخوي ترى الي يسب لاعب من لاعيبة الهلال هذا يحتسب فقط هلالي وهو اصلا لا يبت للهلاليين بصلة ولكن يود يشوه سمعتهم وترى نادي الهلال من أكثر الاندية الي تعاني من هؤلاء الغائرين ويودون تشوهون سمعة هذا الكيان ..

راسن · #12 30/10/2004, 06:01 AM

اللي يتكلم عن حضور المندسين في المدرج الهلالي !!!!! ياخي في هلالييين ولانهم يجون مع اقارب نصراويين
يجلسون في المدرج النصراوي ....كيف تقول غير هلالي ما يجي مع الهلاليين ؟؟!!!!
بعدين الهلالي بيكون مكتوب على جبهته ؟؟!!! بالله مهما لعب اللاعب يظل يشتم فيه هذا بالله في قلبه ذرة معزة للهلال ؟؟!!! ولو لاعب ميتديء نقول .. الجمهور الهلالي عنده طريقة تربية للعيبته الله يصلحه .. بس هنا يكون على نجوم و ليس نقد عادي الا تجريح وقلة ادب .. والله والله انا اقولها ما يقولها واحد يحب الفريق وترى موب مرة ولا ثنتين يعني الحالة مستمرة !! والسب دايم حتى والفريق يفووز !!! وانا ما اقول كل اجمهور متفق على لاعب .. اطلاقاً لكن ما ظن اجمهور الهلالي لأنه ما يفضل اللاعب الهلالي الفلاني يروح يشرشحه هذا شي مفروغ منه استحالة يسويها .. وارجع واقول خصوصاً لما يكون من ماركة سامي او حتى الدوخي .. يا اخوان لا تصدقون هذا جمهور كورة .. اخلاق الجمهور من اخلاق الفريق .. وما في احد في الفريق الهلالي يشتم ولا فيه احد يتكلم على التحكيم ولا فيه احد يغلط على لعيبة الخصم .. اتحدى جمهور يشجعهم تكون اخلاقه مختلفة هالاختلاف الكبير عنهم
اتأسف على الاطالة .. لكن مقولة ان ما فيه مندسين في مدرج الجمهور الهلالي ترفع الحرارة ..
كل 7/0 وانتم بخيررررر

الكـalkaserـاسر · #13 30/10/2004, 06:31 AM

إقتباس

الرسالة الأصلية كتبت بواسطة راسن


	الجمهووور الهلالي ذوووواق .. وما عنده هالحركــات واللي يسوي كذا إطلاقاً مو هلالي .. هذولي المندسين دس الله وجيههم في الترااااب والا ليش سامي ما عبرهم وجميع اللاعبين حتى ؟! ودايماً اشادة ومن قلب في الجمهور الهلالي ؟! صدقني اللاعبين يميزون ومو اغبياء ..

الفن كله سامي · #14 30/10/2004, 06:55 AM

مشكور اخوي على هذا الموضوع المفيد

والله اخوي هذي جماهير محسوبة علينا والله ماتقدر

لكن مانقول الا حسبي الله عليهم ناكرين الجميل

هلالي مكة · #15 30/10/2004, 10:03 AM

كلام جميل وكلام كبير من عقل كبير وياريتك كل الجاهير تفكر مثلك يالغالي