هلا وغلا اخوي ابو ريان والف حمد لله على السلامه وانشاء الله فالك العافيه اليوم ودوم
وبصراحه موضوع رائع لكن استوقفك عند نقطه وتضل وجهة نظر بالنسبه لقولك اننك تفضل البرقان على الغامدي في في قولك
((((((((من الانسب بجوار الغنام ... الغامدي ام البرقان ؟؟؟ من وجهة نظري البرقان ...))))))))))
انا اقولك اخوي ابو ريان اذا لعب البرقان والغنام فدورهم دفاعي بحت حيث ان الاثنين يكملون الدور الدفاعي اكثر من الهجومي واكبر دليل مباراة الامس نشاهد انا من صنع الهدف الاول الغامدي طبعا هو اللي انفرد بالمرمى بتمريرة الذيب
والهدف الثاني اللي صراحه يحسب لاول والاخير لعمر الغامدي الذي كسر ظهور الدفاع الشبابي حينما عكس الكوره خلف المدافعين
يعني عمر كان دوره اكثر هجومي ويقوم بالموازنه بين الوسط والدفاع والهجوم وهذا الدور ما اعتقد يجيده غير عمر الغامدي لان مثل ماقلت الغنام والبرقان دورهم دفاعي
والمباره القادمه امام الوحده ستلاحظ هذا الفرق لان عمر ما راح يلعب
وجهة نظر
وتقبل تحياتي
والف حمد لله على السلامه مره اخرى
يبقى الاختلاف في وجهات النظر لا يفسد للود قضية ...
ولو تعود الى كأس الامير فيصل بن فهد يرحمه الله في العام الماضي لشاهدت كيف استطاع البرقان ان يلعب دوراً مزدوجاً ... فهو محور دفاعي وفي نفس الوقت صانع العاب ... وقد صنع العديد من الاهداف .... واذا جينا للصراحة فاسباب لعب الغامدي معروفة ... وانا لا انكر انه مبدع في المباريتين الاخيرة ... ولكنني ارى ان البرقان افضل منه بمراحل ....
أما وصيفه المصون !! ولست معك في قولك جهزوا الكأس من الحين ,, مالفائدة إذا فزنا على المتصدر ووصيفه وهزمنا من المتأخر والمتعثر ,, ولكن نقول إن شاء الله بداية الإنطلاقة ,,
... سعد مظلوم في الخانة التي يلعب بها والفريق مظلوم به !! يفترض أن يبقى إحتياطيا للشلهوب ,, أما غير ذلك فلا ,,
... نعم أنا معك في هذه النقطة ,, فكليهما جيد ويستحقون الإستمرار وعلى الأقل وجه تعرفه ولاوجه تنكره ,,
كلاهما نجم ويقدمان مايفيد الفريق ,, وبالتأكيد لولا المجموعة كاملة لما رأينا هذا التفوق ,,
بداية موفقة ,, ولكن السؤال هل سيعطى الفرصة لإثبات نفسه ؟
الغامدي قدم مستوى جيد في المباريات الماضية ,, ولكن بعد خروجه كان من المفترض أن يلعب البرقان ,,
,,, دائما وأبدا لك حبي وتقديري ياروح المنتدى ومبدعه ,, يعطيك العافية ومن تألق إلى تألق دمت بخير وصحة ,, وشكرا لك ,,
كل اللي قلته طبيعي هذا الهلال ياحبيبي
الله يعطيك العافيه يبو ريان والله ماقصرت ياغالي
بلانصر بلاشباب جيبوا الاتحاد ياهوووووووووه
الفريق فعلا بدا التجانس والانسجام واضح بين اللعيبه
المدرب وعرف الفريق ماعدا عزيز الغفله
اتمنى من المدرب يعطي الحوطي فرصه
الهلال من دون الدوخي ولا شي نبي لاعب احتياط للدوخي قريب من مستواه ولو شي بسيط
نقطة بس مزعلتن على المدرب وهي غياب الجري المفاجئ
عموما الله يوفق الفريق وانشالله يستمر الى الكاس مروووووووووورا بالمربع طبعا
وبالنسبه للضابط يابو ريان انا حصل لي موقف في استاذ الملك فهد في مباراة الهلال والزمالك
كان فيه عسكري حولي ماخلى احد ماتطاق معه
المهم جلست اسولف معه ,,,, الرجال حبيب ونعم بس اللي قاهره يوم سالته ليه معصب وتحارش هالعالم ,,,,, قام الرجال واشر على عسكري وقال شفت هاك الضابط محرضنا تحريض ومستقعد لنا
قلت له الضابط نصراوي شكله قال مدري عنه
انا مادري هو نفسه والا لا
وغير كذا في مباراة الشباب والهلال الاخيره تاخرت على الملعب ومادخلت الا بعد ربع ساعه من المباراة وانا مفصل علم كبير رفضوا يدخلونه حسبي الله ونعم الوكيل
يابو ريان العالم ماتحضر ويشهد علي ربي انه من سبة تعامل العساكر
وهذا كلام مشجع لي وانا مااعرفه كبير في السن هو قال والله ماعاد احضر
وش تبي غير الحلف يبو ريان دليل على سوء التعامل
الله يكون بالعون بس
تحياتي ياغالي واسف للاطاله
هلا وغلا نورت المنتدى
انا معك في الاجانب مستواهم عالي العال خصوصا اذا ما تقدم تفاريس
بس السؤال المحير الروسي بيلعب بدال مين..
كماتشو غلطانين...........
تفاريس مااتوقع لانه مسجل اسمه في البطوله العربيه وباكيتا متمسك فيه ومراهن عليه
يعني مافيه الا ديسلفا والله راح وطي................
على العموم يقدم الروسي مستوى جميل
وان شاء الله نقرأ مواضيعك سعيدين بالفووووووووووز على الدرك والوحدة
وبالتوفيق للهلال مع الدرك والوحدة .......................................................................