* كتب- طارق العبودي:
أصدر سمو رئيس نادي الهلال الأمير محمد بن فيصل بن سعود قراراً (سرياً) وعاجلاً يقضي بإيقاف مهاجم الفريق الكروي الأول عبدالله الجمعان حتى إشعار آخر ومنعه من دخول النادي مع تهديده باسترجاع (مقدم العقد) الذي سلمته له الإدارة الاسبوع الماضي اثناء توقيعه لعقده الاحترافي الجديد بعد ان تتم مخاطبة الجهات المسؤولة والمعنية بالامر في الاتحاد السعودي لكرة القدم والجهات الاخرى ذات العلاقة.
ويأتي هذا القرار عقاباً من الإدارة لإخلال اللاعب ببرنامجه العلاجي وتغيبه عن الحصص المقررة دون عذر التي كان آخرها يومي الخميس والجمعة بل إغلاقه لكل وسائل الاتصال امام الجهاز الاداري الذي حاول جاهداً الاتصال به لمعرفة اسباب غيابه.
وكان لاعب النادي السابق ونجمه الدولي الكابتن محمد الجمعان (حميد) والد عبدالله قد حضر في ساعة مبكرة أمس الى مقر النادي والتقى الجهاز الاداري قبل ان يلتقي بسمو الأمير محمد بن فيصل في محاولة منه للاعتذار نيابة عن ابنه.
تجدر الاشارة الى ان رئيس الهلال حرص كثيراً منذ توليه مهام منصبه على اعادة عبدالله الجمعان الى قائمة المحترفين ووقع معه الاسبوع المنصرم عقداً جديداً لاربع سنوات وسمله جميع مستحقاته.. وكان اللاعب مرشحاً لقيادة الهجوم الازرق غداً امام الاتفاق قبل ان يتعرض يوم الثلاثاء لاصابة في فخذه تحتاج الى اكثر من 10 ايام لعلاجها لكنه لم ينتظم في البرناج العلاجي مما اغضب الإدارة ودفعها لاتخاذ هذا القرار الصارم.

يستاهل من ذا وزود ما ضيع الهلال الا اشكاله
خلاص زمان الدلع راح يا ولد حميد
ياخوي ماتستحي على وجهك هذا كبرك وابوك يجي يعتذر عنك ؟؟

يستاهل والله قلنا تزوج كبر بس الي عقله صغير يظل صغير

شكرا لصقر المحبه ،، waal

ولا المشكله شين وقوي عين مقفل وسائل الاتصال .

صحيح مثل ما يقولون المصاريه الي اختشوا ماتوا .

نحن نؤيد رئيس النادي في هذا الاجراء ونتمنى ان يطبق النظام على جميع اللاعبين المستهترين والغير مقدرين لمن يلعبون ومن يمثلون .انه زعيم اسيا.وهم لاعبين محترفين ويجب تطبيق انظمة الاحتراف عليهم وبصرامه.
صدقوني ياجماعه ترى لاعبين الهلال فيهم دلع اذا لم يعجبهم المدرب حاولوا يسقطوه والضحيه جماهير الزعيم وسمعة الزعيم والذي بسبب تخاذل اللاعبين خرج من التصنيف العالمي للانديه.تكفى يارئيس النادي شد عليهم لانريد في الهلال الا الذي يحب الهلال والهلال فقط.

وين حواري يجي متى مابغى ويغيب متى مابغى

قرار سليم 200% من الامير محمد

والله قلناها من زمان....هذا المستهتر ما فيه فايده...يعني طرده من النادي أحسن...بس هم يستردون منه مقدم العقد ثم يقولون له مع السلامه؟؟؟

الله يهديه بس وان شاء الله يرجع مثل اوووووووووووول

ياشباب والله من عرفنا الجمعان وهو يوم يطلب مقدم عقد ويتغيب عن التدريبات ويقطع جميع الاتصالات ويسكر جميع الابواب و..... الخ
ويوم الادارة توقع مع الجمعان واللاعب يبداً صفحة جديدة مع النادي ويلتزم في التدريبات ( يومين بس ) يعني على عيون الضالين آمييييييييييييييييين .
ويوم الجمعان يتعرض لتمزق في عضلة الفخذ الخلفية (....) ويحتاج الى برنامج علاجي مكثف لمدة ستة أشهر الى سنه والعضلة مارجعت لحالتها الطبيعية .
ويوم الجمعان يقاطع البرنامج العلاجي ( طبعاً اذا قربت مباراة النصر او الاتحاد ) ويقطع جميع الاتصالات .
ويوم الادارة تحول الجمعان الى هاوي وترفع فيه الى الاتحاد السعودي للنظر في حالته المأسوية .
ويوم الادارة تبحث مع أعضاء الشرف في الاجتماع رصد المبالغ المالية للتوقيع مع الجمعان بمقدم مليون ريال استرليني .
وآخر يوم الادارة توقع مع الجمعان لمدة اربع سنوات بمقدم .... وبعدها تنتهي السنه ولم يستفد الفريق من الجمعان ومع بداية الموسم الجديد يبدأ مرحلة أول يوم من الايام المذكورة أعلاه ( وهلم جر ) .

الجمعـــــــان أرحــــــــــل غير مأســوف عليــــــــــــك ... ماعندك الا ثبتوا الكورة وانا بشوووووت وياليت تشوت صح ... أقـــــــول على الادارة الهلالية انها تعرض الجمعان على قائمة الانتقال لعلها تأخذ فيه على الأقل
صـــــــــــــــــــــــــرة ملــــــــــــــــــــــــــــــــــــــح ( أعتقــد انكــم فهمـتـــوا كلامــــــــــــــــــــــــي )

احسنت يا ابو فيصل .. قرار سليم لا غبار عليه .. المطلوب من الجماهير الوقوف مع الادارة في قرارها هذا بصراحه زودها .. ورساله اوجهها الى ابو فيصل رئيس الزعيم اتمنى منك ان تكون حازما مع الجميع صغيرا كان او كبير وان تكون سياستك مع اللاعبين الدكتاتورية (بصراحه لم يبقى غير هذا الاسلوب ربما يجدي معهم ) والله يوفقك يا ابو فيصل

ذبحه العرق ياجماعه مامنه فايده

اللي يبغي عبدالله الجمعان يروح لحي غبيره ، لأنهم جالسين يضبطون الدوري في رمضان وعلى فكرة المجموعة اللي فيه حي غبيره هي على النحو التالي (حي العود ، حي الصالحية ، حي منفوحة ).....
يعني بصراحة أنسو يرجع عبدالله الجمعان إلا بعد شهر رمضان ما يخلص بيرجع ينتظم في التدريبات مع الفريق ...

اشـــــــــــــــــــــــــــــاعـــــــــــــــــــــه مغـرضه

كلام فاضي من صحفي فاضي