استبشرنا خير بقبول الامير محمد بن فيصل رئاسة الهلال فهو شاب ومتحمس وقلنا اكيد انه بيعرف رغبات الحمهور واللي يفيد الفريق فبدانا نسمع عن مفاوضات قويه مع لاعبين عالميين ومحليين وبعد مدة بدات (المطرسه) فكانت البدايه بالتفاوض مع كل مدربي العالم (امزح) وكل مهاجمي الدوري البرازيلي (الصاحي منهم والطاحي) وهو بنفسه قال فاوضنا 20 مهاجم واخر شي جاءنا باكيتا (المغمور)صحيح انه فاز بكاس العالم للناشئين وعلى مااضن الشباب ولكنه يظل مغمور ويبغاله وقت علشان يتاقلم والطامه الكبرى الطاقم اللي معه اللي لو وزعته على فرق الدوري كفاهم وبعدين رجعنا للمحترفين اول شي الهلال مايحتاج مدافع عنده الشريده المفرج الهليل الخثعمي خليل وكان ذاك الوقت ابراهيم المفرج اللي مدري وش صار عليه وجاب مدافع عادي جدا احسن ما فيه شكله وهو يباصي والثاني صانع الالعاب المميز اللي مايعرف يستلم كوره والثالث لاعب لفضته الوحدة والاتفاق وفي النهايه يطلع مصاب واما اللعيبه المحليين فالهليل هو هديه من الشهيل والغنام اللي بمليون دولار عشان سنه (لوقالوا لميخاليلي كان جاء)واللي دافع قروشها عضو شرف والمرشدي اللي ماكملت فلوسه (الدعوة قطه) والبيشي اللي دفعها الامير فيصل بن سلطان مع مساعدة من الرئيس مع اني اتوقع انه مهوب لاعب والفهد اللي قالوا انه وقع ولا جاء ومضواح اللي سووا عليه صجه ولا طلع عنده شي
فاين الصفقات العالميه التي وعدت ياسمو الامير ومن متى والهلال يلعب خمس مباريات وياخذ خمس نقاط .
هل علمت الان الهلال الى اين ذاهب ؟؟
فريق بلا هويه الدفاع مفكك والنص ليس لهو هويه والهجوم ضائع
وانا لي شهرين ماكتبت ولا رديت ولا دخلت المنتدى اصلا لكن بعد اللي شفته قلت لازم اطلع اللي في قلبي وشكــــــــرا..

ايه مثل الجري سووا عليه صجة والحين هو اسوء لاعب في الهلال

اللهم احمي الهلال من هذه العينة من الجماهير

جماهير لا تعرف من كرة القدم الا الانتقاد والاختفاء خلف الكيبوردات وانتقاد الشاردة والواردة

الحين محقق كأس عالم للشباب والناشئين ومغمور

خخخخخخخخخخخ والله عجيبه ياناس ذا كاس عالم
مهيب بسيطه ولي تابع كأس العالم للشباب في دبي زين بيعرف وشو يعني كأس عالم ... انا لست مع الدرب ولا ضده ولكن لانسلب اهل الحقوق حقوقها وايضا مااقول انه ماأخطأ لابل أخطأ اخطاء فادحه جدا ولكن يضل توه جديد ماله الا شهران ولايعرف الجو السائد هنا لذلك قد نلتمس له العذر ... ولاتنسون لما جاء يوردينسكو لعب مع الهلال كأس الخليج وماحققناها رغم ان الفرق الي فيها ضعيفه بالنسبه للهلال ولم ندخل المربع ايضا فالجمهور تذمر منه في البدايه بس الصبر زين حقق مع الهلال 4 بطولات ورى بعض

إقتباس مايحتاج مدافع عنده الشريده المفرج الهليل الخثعمي خليل

[html]لم أرى هجوم اكثر من هجومكم على ادارة الامير محمد بن فيصل ..
رغم انه يصلح مافسده من قبله من ادارة الاستثمار وغيرها [/html]

وش اصلح هالاشباه محترفين اللي جابهم ولا هالاعارات للغنام والبيشي اللي بقيمتهم نقدر نجيب احسن محترف ولا الشباب والناشئين اللي تو مدربينهم يجون ولا الطاقم التدريبي (شكل باكيتا جايب عيال الحارة كلهم)
الزبدة النادي محيوس فوق تحت

وعدنا اخر الموسم بالله عليك هافريق معجبك هذا تسميه فريق. فريق يحصل خمس نقاط من خمس مباريات وانتوا قاعدين تدافعون الله بس يخلف عليكم


تنهزمون من الاهلي 3-0مع الرافه ومن الانصار وفي الرياض بعد
وتتعادلون مع القادسيه والرياض بالعافيه وجايين تقولون اصلح واصلح وحرب وقتال وفتنه
ياخي هو وعدنا وقال لاعبين عالمين وافضل الاعبين المحليين ولا اوفى وهذي كل السالفه

قسم بالله الهلال بدون أجانب ولو يوخون المدرب باكيتا ويجيبون مدرب وطني والله إنه اصرف من بزوطة هالجانب وهالفشيله الي حنا فيها

إقتباس تنهزمون من الاهلي 3-0مع الرافه ومن الانصار وفي الرياض بعد

من هزم هو الهلال لا نحن وان كنت تقصد مشجعيه فاعتقد انك تعتبر نفسك من ضمنهم ؟؟؟؟

هنا الفرق بين جمهور يشجع الهلال على الحلوة والمرة

وبين جمهور يشجع الهلال لانه خلال س من الفترات شافه يفوز كثير ويحقق بطولات كثير فقال يلا نشجعه


معك يا هلال على الحلوة والمرة

الاخ يحب الادارة السابقة والاحظ معظم الاعضاء الكبير منهم وغيره ينتقدونها لانهم يحبون ادارة الاستثمار ..

يقول اننا خسرنا مع الرأفة من الاهلي .. لا تنسى ان ادارتكم الرائعة حصلت على افضل النتائج بالخسارة مع مرتبة

شرف بـ 5 اهلاوية ..

الغنام محتاجينه فـ المحور يحتاج لـ دولي محلي وليس دولي عالمي فهل يدوم العالمي معك !!

بكل تأكيد راتبه يفوق اضعاف راتب الغنام ..

وليس هو من جلب الغنام بل هدية من والده بالعربي الفصيح ليست من خزينة الهلال..

ليتك تناظر وش سوت ادارة الاستثمار وليتك تناظر وش سوت ادارة الهلال الحالية ..

دام تفكيركم كذا ماظن الهلال يتطور الا اذا كنت دخيل ..

إقتباس الرسالة الأصلية كتبت بواسطة FhOoOoO [html]لم أرى هجوم اكثر من هجومكم على ادارة الامير محمد بن فيصل .. رغم انه يصلح مافسده من قبله من ادارة الاستثمار وغيرها [/html] وش اصلح هالاشباه محترفين اللي جابهم ولا هالاعارات للغنام والبيشي اللي بقيمتهم نقدر نجيب احسن محترف ولا الشباب والناشئين اللي تو مدربينهم يجون ولا الطاقم التدريبي (شكل باكيتا جايب عيال الحارة كلهم) الزبدة النادي محيوس فوق تحت كود: اللهم احمي الهلال من هذه العينة من الجماهير وعدنا اخر الموسم بالله عليك هافريق معجبك هذا تسميه فريق. فريق يحصل خمس نقاط من خمس مباريات وانتوا قاعدين تدافعون الله بس يخلف عليكم تنهزمون من الاهلي 3-0مع الرافه ومن الانصار وفي الرياض بعد وتتعادلون مع القادسيه والرياض بالعافيه وجايين تقولون اصلح واصلح وحرب وقتال وفتنه ياخي هو وعدنا وقال لاعبين عالمين وافضل الاعبين المحليين ولا اوفى وهذي كل السالفه

ABNalzaeem

يعلق

دنيـــــــــــــــــا امس نمدح واليوم نسب

تجريد الثقة من الفريق والادارة يعتبر عملا خاطئا جدا

كلنا مع الفريق في محنته

اما ان تكتب نقدا هادفا او تحتفظ بتشاؤمك لجلساتك الخاصه

ننتظر منك موضوعا مشجعا على عكس هذا الموضوع

الله يكون بعونك أبو فيصل

الله يعين يارجال

ياشباب ليش النرفزه خلونا نتناقش بهدوء عطوني حسنه وحده لمحمد بن فيصل النادي محيوس فوق تحت ايام ماكان النادي بدون رئيس ايام المسعد كان مرتب اكثر من كذا