نادي الهلال السعودي - شبكة الزعيم - الموقع الرسمي - انت تذهب بالهلال الى المجهول ياسمو الامير

إقتباس:

استبشرنا خير بقبول الامير محمد بن فيصل رئاسة الهلال فهو شاب ومتحمس وقلنا اكيد انه بيعرف رغبات الحمهور واللي يفيد الفريق فبدانا نسمع عن مفاوضات قويه مع لاعبين عالميين ومحليين وبعد مدة بدات (المطرسه)

شاب ومتحمس هذي مانختلف عليها ..
وماقصر مع الفريق بأي شيء ..
لكن مااعتقد انه يتحمل رفض او موافقة لاعب عالمي..
فاوضوا ريفالدو واللاعب فضل اليونان .. هل يتحمل الذنب ؟؟؟ ولا بعد ريفالدو لاعب مغمور؟؟
وفاوضوا ثاني هدافين البرازيل .. وماحصل رد إلى الآن ؟؟؟؟
واللاعب العالمي يبي له فلوس وكثيره بعد .. وين أعضاء الشرف اللي يدفعون .. ولا لازم يدفع من جيبه الخاص؟؟؟

إقتباس:

فكانت البدايه بالتفاوض مع كل مدربي العالم (امزح) وكل مهاجمي الدوري البرازيلي (الصاحي منهم والطاحي) وهو بنفسه قال فاوضنا 20 مهاجم واخر شي جاءنا باكيتا (المغمور)صحيح انه فاز بكاس العالم للناشئين وعلى مااضن الشباب ولكنه يظل مغمور ويبغاله وقت علشان يتاقلم والطامه الكبرى الطاقم اللي معه اللي لو وزعته على فرق الدوري كفاهم وبعدين

ماقصروا فاوضوا مدربين كبار لكن اللي اعتذر لظروفه واللي اعتذر لإرتباطاته..
واعتقد مافيه مدرب يفوز بكأس العالم ويصير مغمور لا وفايز مرتين ؟؟؟؟؟
ومع مين مع منتخب البرازيل ؟؟؟ ومافيه مدرب مايبي له وقت عشان يتأقلم .. ولاتنسى ان الأجواء السعوديه والعادات والتقاليد تختلف 180 درجه عنهم في البرازيل .. وهذا بحد ذاته يبي له تأقلم ..

إقتباس:

رجعنا للمحترفين اول شي الهلال مايحتاج مدافع عنده الشريده المفرج الهليل الخثعمي خليل وكان ذاك الوقت ابراهيم المفرج اللي مدري وش صار عليه وجاب مدافع عادي جدا احسن ما فيه شكله وهو يباصي

الشريده رائع ولكن بطيء والمهاجمين سريعين يعني ينفع قائد داخل الملعب ويغطي منطقه معنيه فقط
المفرج لاعب مجتهد لكن قدراته ماتساعده في التطور للأفضل.. خليل ماندري عنه مالعب من زمان ..
الهليل مميز لكن يبي له زيادة ثقه والخثعمي مميز وايضاً يبي له زيادة ثقه وبنيه جسمانيه أفضل ..
لكن سؤال لو جت لمدافعين أصابه مين يلعب مكانهم ؟؟؟؟ سامي والجمعان الظاهر ..

إقتباس:

والثاني صانع الالعاب المميز اللي مايعرف يستلم كوره والثالث لاعب لفضته الوحدة والاتفاق وفي النهايه يطلع مصاب

صانع الألعاب لو يعطى فرصه أفضل من اننا نجب كل شوي لاعب بفلوس وننهي عقده وهو ماعنده اي مشكله لأن فلوسه كامله..
وأعتقد ان المهاجم الأنغولي جيد لكن الإصابه خذلته ..

لكن تخيل لو انت مكان اللاعب هذا ورحت للبرازيل ؟؟؟؟؟
كيف راح تتأقلم على الجو على العادات والتقاليد كيف راح تكون نفسياً وانت بعيد عن أهلك واقاربك وأصدقائك اللي تعودت كل يوم معاهم .. حتى الأكل يختلف .. ولغتك تختلف تبي تتأقلم في أسبوع ولا شهر؟؟؟

لاتنسى أدميلسون الكل طالب في إنهاء عقده من أول الموسم إلى نصفه وأخرتها ؟؟؟
هداف الدوري وبمستوى مميز .. ويوم راح كلل اللي قالوا انهو عقده تقريباً طالبوا في بقائه ؟؟؟؟

إقتباس:

واما اللعيبه المحليين فالهليل هو هديه من الشهيل والغنام اللي بمليون دولار عشان سنه (لوقالوا لميخاليلي كان جاء)واللي دافع قروشها عضو شرف

الغنام جاء إعاره لنهاية الموسم وبعدها ينتقل رسمي .. لا والفلوس كلها مدفوعه من عضو شرف يعني لو ان الغنام بـ 20 مليون ماهمنا لأنه جاي هديه النادي مو خسران ولا ريال
لكن لو جاك ميخاليلي كان الـ 12 مليون حقت سنه بس غير المكافأت حقت الفوز والبطوله ..
لكن الغنام يخدم النادي 10 سنين ولاعب موهوب وقائد ويلعب بعقله قبل قدمه وبـ 12 مليون وبدون أي خساره ماأعتقد فيه أي مقارنه..
لو مو حرام كان حلفت أن الغنام لو راح للإتحاد بـ ضعف المبلغ ومن خزينة النادي كان قلتوا هذا النادي والرئيس ولا بلاش اللي يدفع ... :upset:

إقتباس:

والمرشدي اللي ماكملت فلوسه (الدعوة قطه)

عادي يقطون إن شاء الله في كل لاعب بالعكس هذا دليل على وقفتهم مع الزعيم ..
أهم شيء أن اللاعب يجي وبس بقطه هديه .. ماتفرق وهذي شيء الإداره ماتستحق عليه أي أنتقا

إقتباس:

والبيشي اللي دفعها الامير فيصل بن سلطان مع مساعدة من الرئيس مع اني اتوقع انه مهوب لاعب

الله يكثر خيرهم .. وحتى مالعب يعني تعتقد يجلس العتيبي بدون بديل والدعيع مصاب ؟؟؟

إقتباس:

والفهد اللي قالوا انه وقع ولا جاء ومضواح اللي سووا عليه صجه ولا طلع عنده شي

الفهد ماعرفه لكن سمعت عنه ولااقدر احكم عليه ...
وبالنسبه لمضواح اللاعب ماجلس في الملعب مباراة كامله عشان نحكم عليه والظاهر ولاشوط كامل بعد وتقول ماطلع عنده شيء والله مااتوقع بيطلع عنده والجمهور ينتقده وهو مابعد كمل مباراة مع النادي :upset:

إقتباس:

فاين الصفقات العالميه التي وعدت ياسمو الامير ومن متى والهلال يلعب خمس مباريات وياخذ خمس نقاط .

اللاعب العالمي مو كل شيء هل اللاعب العالمي بيجي محور مكان الغنام ولا حارس مكان البيشي ولا ظهير مكان مضواح ولا مهاجم مع الصويلح ؟؟؟؟؟؟
اعتقد ان إصلاح الفريق بلاعبين محليين أفضل بكثير ...
لأن العالمي بيجلس بالكثير سنه بالفريق طيب ؟؟؟؟ الفريق ماجاب بطوله وراحت فلوس اللاعب العالمي هدر ولا أصلحوا خطوط الفريق ؟؟؟؟وش بيصير السنه الجايه؟؟؟؟؟

إقتباس:

هل علمت الان الهلال الى اين ذاهب ؟؟

اتمنى أنك تسأل نفسك انت هالسؤال عرفت الهلال وين الحين عرفت وين سمو الأمير يخطط ..

إقتباس:

فريق بلا هويه الدفاع مفكك والنص ليس لهو هويه والهجوم ضائع

شيء طبيعي كل هذا يصير لاعبين لأول مره يلعبون مع بعض لابد من التفاهم ولاعبين يحتاجون للثقه
هل شفنا نواف التمياط الله يرده بالسلامه فجأه صار نجم ؟؟؟ ابداً لعب كثير وتعب وأعطاه الجمهور الثقه وبعدها صار نجم ...

الجمهور الوفي راح يبقى مع الزعيم حتى بدون بطوله ..

يعطيك مليون عافيه اخوي

http://jare7talzmn./ALHiLaL/Thank-you.gif