لن ولن ينصلح الحال الا بهاللاعب !!!! - نادي الهلال السعودي - شبكة الزعيم

سماوري · #1 02/10/2004, 03:13 PM

صدقوني ياجماعة الخير كل اللي قاعد يصير للهلال بسباب حوبة اخونا المسكين عبدالله سليمان
يمكن احد يطلع لي الحين ويقول والله محد طق يد عبدالله سليمان وقالة يكفل الناس والهلال مالة دخل ؟ انا والله معاكم بس شوفو كم مليون انصرف الفترة اللي راحت وكم واحد من اعضاء الشرف قادر ينقذ هالمسكين ولا هو مفكر يا اخوان والله لو تفكرون معاي ان لو اللي في السجن سامي ولا التمياط هل تتوقعون ان رجال الهلال بيتركونهم بالسجن ؟؟ لا ما اعتقد

ياجماعة الخير يا اعضاء الشرف يارجال الهلال تكفون مو معقول ناخذة لحم ونرمية عظم فكو الرجال من ورطتة يعلم الله مايدري الواحد وش ظروفة ومايدري وش هي احوال اطفالة وزوجتة ؟؟؟

ومن هذا المنطلق ارجوكم يااعضاء شبكة الزعيم بكل ماتعنية هذة الكلمات من معاني اوصلو هذا الموظوع لرئيس الهلال واعضاء شرف النادي بالتكاتف وسد دين عبدالله سليمان وفرجو عنة عسى الله يفرج عن كل مسلم ....

ولكم مني تحياتي

المستحيــل الأزرق · #2 02/10/2004, 03:22 PM

السلام عليكم ..

اخونا عبدالله سليمان في قلب كل هلالي , و الله يفك سجنه .. لكن قليل من العقلانيـــة اخوي , حوبة مين الي من السنة الي راحت ؟ من ايام ماكان عبدالله سليمان موجود والهلال فيه مشكلة ..
ثم نادي الهلال لا يحتمل اي ذنب في مشكلة سليمان , عبدالله ورط نفسه في قضية و ان شاء الله الهلال يوقف معاه

عبدالله سليمان سيفك سجنه ان شاء الله ,, لكن ضع الأمور في نصابها الصحيح وطالب كما يطالب الكل بمساعدة سليمان لكن من غير ادخال مالا دخل له

DHOOOM · #3 02/10/2004, 05:18 PM

أخوووي قل
لن ينصلح الحال إلا بعد توفيق الله

اما عبدالله سليمان او غيره مايسوون شي
وعبدالله سليماان الله يووفقه ويفك اسره

الابداع كله سامي · #4 02/10/2004, 06:19 PM

والله كم مره عدت وقلت ان عبدالله سليمان اولى به الملايين الي تصرف وانشالله ان الله بيوفقنا لوطلعنا ابوسليمان

والله يستاهل كل خير ابو سليمان

يا اعضاء الشرف تكفووون مانبي اي لاعب يجي قبل ان يطلع ابو سليمان

تكفووون يا اعضاء الشرف الرجال بامسه الحاجه

ولو يطلع ابو سليمان راح تكون افضل صفقه مرت في تاريخ الزعيم