السلام عليكم ورحمة الله وبركاته
لا جديد ففريقنا ما زال يفرط بالنقاط وما توجد أي بوادر لانقاذ الفريق
فالمدرب مازال يعبث دون حسيب او رقيب !!
ممكن يرد علي احد ( المقتنعين بهذا المدرب ) ويقول المشكله من اللآعبين
راح اجاوب واقول له صحيح ولكن من اختارهم للفريق 
* من بداية الدوري ما قدرنا نثبت على تشكيله وحده او على الاقل تشكيله فيها تغيير بسيط
* اليوم دخول سته لآعبين اساسين ما كانوا مشاركين في المباراة الماضيه ( الخثران * الغامدي * الدوسري * الغنام * الهليل * العلي ) معقوله ياناس 
* مجاملة اللآعبين البرازيلين .. والله قهر ياناس وانا اشوفهم اقول يا زينك يا سيسيه انت وتراوري
* الاصرار على مشاركة سامي كراس حربه !! مع انه اتوقع الكل يوافقني انه سامي راح يعطي اكثر خلف المهاجمين .
* تناقضات غريبه تصير قدامنا مثلاً :
مضواح اللي قامت الدنيا وقعدت عليه وينه دام الجري ما راح يلعب من المفروض مكانه اكيد مضواح .
* استبشرنا خير يوم شفنا العاهات برى الفريق ولكن اليوم انصدمنا رجوع جزء منهم ( الغامدي والخثران ) والقادم مذهل * كنت اسولف مع واحد بين الشوطين فيقول ما ينقص الفريق الا نواف والجمعان !!
صدق مافي راسه كوره 
* الهليل يلعب باليمين ومركزه قلب دفاع ايسر وكله علشانك يا تفاريز يهون
* ما اتوقع فيه افضل من هذي التشكيله المباراة الجايه
العتيبي
الجري -- الشريده -- الهليل -- الدوخي
البرقان - الغنام
الدوسري -- سامي
الصويلح ( كانه بخير ان شاء الله ) الجمعان
* ترقبوا المباراة الجايه عودة المفرج 
* لو انه مثل هذا التفريط في النقاط قد مر على تاريخ الزعيم كان المدرب اقيل من زمان
ولكن الظاهر اننا بنعاني كثير .
* بذمتكم هل شفتوا أي تكتيت في المباراة !! والا بس طقها والحقها !!
* نتمنى نسمع قرارات تصحيحه اولها اقالة المدرب وتسريح اللآعبين الاجانب
تحياتي
الوضع الشجري
