بصراحة استغرب من يقول بأن الهلال مو بحاجة القحطاني
وأن الهلال يملك خط هجوم ناري

على فكرة آخر مبارتين للهلال بخط هجومه الناري لم يسجل الهلال أي هدف !


الصويلح + العنبر + الموري + العلي + الجمعان + الخراشي + سامي ( حالياً )

ما فيه واحد من الاسماء اللي فوق يتفوق على ياسر القحطاني او حتى قريب من مستواه والفرق شاسع وواضح لصالح ياسر القحطاني بدون أدنى جدال

واللي يقول غير الكلام هذا اما انه مكابر
او انه يخشى ان يفقد سامي مركزه بالفريق في ظل وجود القحطاني
رغم ان سامي بإمكانه أن يلعب والقحطاني سوياً ( لا تخافون يا جمهور سامي ) :p

تخيل معي الهجوم الهلالي يضم الثلاثة معاً :

القحطاني والصويلح وسامي من خلفهم
او
القحطاني راس حربة والصويلح على اليمين والجمعان على اليسار


ياسر القحطاني حالياً هو أفضل مهاجم سعودي فكيف تقولون بأن الهلال لا يحتاجه

أريد أفهم ! أي منطق هذا الذي تفكرون فيه !!؟؟

لا والله وانااخوك مايحتاجه...قبل لاتحاسب المهاجمين ليه ماسجّلوا شف الوسط الضايع اللي مايسلم ولا كورة صح...متى اخر مره شفت فيها مهاجم هلالي ماقدامه الا الحارس؟؟؟ وكم مره شفت هدف من انفراده؟؟؟
المشكلة مافيه نصّ قوي يسلم كور صح للمهاجمين...هذي المشكلة...ولا المهاجمين ماعليهم كلام...

لافض فوك

انامعك بكل كلمه قاتها

إقتباس لا والله وانااخوك مايحتاجه...قبل لاتحاسب المهاجمين ليه ماسجّلوا شف الوسط الضايع اللي مايسلم ولا كورة صح...متى اخر مره شفت فيها مهاجم هلالي ماقدامه الا الحارس؟؟؟ وكم مره شفت هدف من انفراده؟؟؟ المشكلة مافيه نصّ قوي يسلم كور صح للمهاجمين...هذي المشكلة...ولا المهاجمين ماعليهم كلام...

كلامك مردود عليك وفيك اكثر من هدف محقق بالمباريات الأخيرة اضاعوها المهاجمين وبعضها امام المرمى وجهاً لوجهه

اتفق معك بأن الوسط الهلالي فيه خلل ولكن هذا لا ينفي ضعف الهجوم الهلالي
لأن الفرص يمكن أن يصنعها الوسط أو الهجوم فيما بينهما أو حتى المدافعين

متى اخر مره شفت فيها مهاجم هلالي ماقدامه الا الحارس؟؟؟
ج / الصويلح في مباراة امس ضد الانصار

وكم مره شفت هدف من انفراده؟؟؟
ج / لو فيه مهاجمين متميزن بالهلال كان شفت انفرادات ماهو انفراده بس



ياعزيزي
المهاجم الحقيقي هو من يصنع الفرص لنفسه او لزملاؤه وليس من ينتظر أن تأتيه كورة على طريقة أنت وضميرك

تقبل تحياتي

فهد من الرس العفو سنايدي
الرس رسك ليا الزمن صكك

غير شكل
انا معااااااك


بس لو تكمل الفيفي كماان
والله تصير قمممممممه

الله يوفق القحطاني

الفيفي ودنا بووووه
لكن المشكلة انه عنده ايقاف داخلي من ناديه الشباب

وتشكراتي على مشاركتك ومرورك

ياسر ليس أفضل من العلي
أما الصويلح فمستواه متراجع حالياً
الموري توه صغير
الجمعان ما لعب مباريات بعد عودته
الخراشي ليس مهاجم ( لاعب وسط )
سامي ما تقدر تحكم على مستواه لأنه راجع بعد فترة انقطاع
كيف حكمت على اللاعبين هكذا
خله يجي أول ونشوف مستواه ونحكم عليه
تحياتي

ياسر القحطاني ليس الا فقاعة صابون للمعلوميه الهلال قد طلب ياسر من القادسيه بمبلغ اقل من المليون الحين يصير7 مليون الدعوى خبال
العلي افضل منه
الجمعان افضل منه بمراحل

يا غالي علة الهلال بالوسط !!

لا والله وانااخوك مايحتاجه

ياسر القحطاني ظاهرة سوف تزووووووول

الله اكبر
الحين صار القحطاني ظاهرة وفقاعة صابون هههههههه
انا اخبر الضاهرة وفقاعة الصابون هي اللي تطلع مرة وحدة او فترة بسيطة وتختفي
لكن القحطاني له سنتين او ثلاث سنوات وهو مستواه ثابت وتقولون عنه ظاهرة وفقاعة صابون ياحبيلكم


بالنسبة للشباب اللي يقولون أن العلي أفضل من القحطاني احب اقولهم الشمس ما تحجب بغربال

والعلي لو عرضوه على قائمة الانتقال مستحيل سعره يوصل اكثر من مليون ( هذا ان وصل خمسمائة الف ) ما هيب 7 ملايين والمثل يقول الغالي ثمنه فيه


حتى على مستوى المنتخب ياسر هو اللي قدر يبرز ويثبت لنفسه مكانة اساسية بالتشكيلة الرسمية في وقت فشل العلي في ذلك

بعدين العلي افضل بأيش من ياسر
تعالوا نحللها :

التمركز امام المرمى الاثنين متساوين
انتهاز الفرص ياسر افضل بقليل صحيح العلي نهاز فرص لكنه بنفس الوقت يهدر فرص سانحة

المهارات الفردية ياسر افضل والعلي صفر

ضرب الكرة بالرأس ياسر أفضل والعلي صفر

الحماس والروح اثناء اللعب ياسر افضل ايضا والعلي لاعب بارد

السرعة والانقضاض ياسر افضل بمراحل والعلي بطيء جداً

التخلص من الرقابة بصراحة هذي عيب مشترك عندهم كلهم


على الطاري
ياسر القحطاني عمره 22 ربيعاً
حسين العلي كم عمره




بالنسبة للجمعان نعم الجمعان لاعب كبير ولكن لا أقارنه مطلقاً بالقحطاني لأنني لن أجلس طوال المبارة لكي انتظر تركب كورة صح على قدم الجمعان وياعالم اذا ركبت هي تجي بالباب أو بالمدرجات

تحياتي للجميع وحتى وأن إختلفنا فليس هناك مكان للزعل بيننا

الصراحه ياسر ممتاز والعلى جيد لاكن العمر له دور طبعا
الجمعان وما ادراك الجمعان هذي هي المشكله العبط والاستهتار وما يبي يتمرن ويبي مقدم عقد وهو كل سنه موقوف اقل شي شهر والا الصراحه تكوين جسماني ومهاره وضربات راس وتسديد قوى لاكن ما عرف لنفسه

ياحبيبي الوسط منتهي غير قادر على توصيل الكرات إلى المهجمين بالطريقة الصحيحه تلاحظ في مباراة الانصار سامي والصويلح دائم يخرجون من منطقة ال18 إلى الوسط لإستلام الكراات خاصة سامي ....!!

شف لاعبي الوسط واحكم : الدوسري لاعب في الشوط الاول جيد الشوط الثاني نام الا في كم هجمه
كماتشــــــــــو : لاعب في نفس خانة الدوسري وتلاحظ الدوسري لاعب يمين وهو يسار يمكن الشئ هذا اثر على مستوى الدوسري
مجرشي ، البرقان : غير قادرين على توصيل الكرات او بناء هجمه صحيحه إلى لاعبي الوسط المتقدمين كماتشو وسعد الدوسري
وتلاحظ انه الهجمات كلها عن طريق الاطراف : الدوخي ، الجري
ومن خلال وجهة نظري السابقة انه خط الوســـط كان غائب تماما عن واهم خطوط الفريق هو الوسط لأنه كما تعرفون هو همزة وصل بيـــــن الدفاع والهجوووووم

القحطاني اتمنى تواجه في الفريق وكل نادي سعودي تمنى ذلك ،، لكـــن الهلال ليس بأمس الحاجـــة إليـــه مثل عبداللطيف الغنام لأن الخانه يعاني منها الهلال منذ سنوات ...
القحطاني انضمامه يعطي لمعة وميزه قويه في خطوط الهجوم ، ومافيه فرق بينه وبيـن أي مهاجم آخرى الا اسمه فقط وكل مهاجم له مميزاته وقدراته ....!!!

طبعاً مافيه احد ينكر موهبة ياسر الكرويه بس يا أخي ان جا خير وبركه ان ماجا عودة الجمعان لمستواه تكفي اما الذئب سامي أقولك لو ما يسجل ولا هدف ولا يقدم أي مستوى يكفينا ما قدم ولو قدم زياده يون أحسن...

تحياتي لك (( تعليقات ))

7ملايين << تيري هنري على غفله