هاذي قصة حاصله من يومين واحد توه شاري الكيوتيك ومستانس فيه

عاد طلع بشارع يتمشى هو واحد من اقرباه وشوي الا يجيه كم واحد معهم كامري مقشوعه لوحاته ويدبجونهم

وخذوا الجوال

وقصة ثانيه كان واحد من الشباب رايح بسيارته والا ثلاثه بدوان يأشرون له ويقولون وقف

والرجال وقف ونزل واحد منهم وقاله انه يبي يكلمون بالجوال ضروري

الرجال عيا يعطيه الجوال وصدفه كان الجوال على الحامل ويجيك ذا البدوي ويزرف الجوال ويدزون بالمكسيما!!

المهم لا تفكر انك تعطي الجوال لاحد ابددد ولا تحمل مايجيك

في حي التعاون بالرياض ..<<<التعاون والا الرائد :p

وقف عندي اثنين يبون بيت .........قلت والله ما ادري !!<<<

قالو تكفى جوالك ...شوي بندق عليهم !!<<<عطيتهم جوال مخفه

وما شفت الا غبرة سيارتهم <<<تراها اكسنت لو معي لياقة كان سبقتهم :p

الغريب ان اثنين في الحارة صارة لهم القصه ..

قام واحد منهم بعد الصلاة ونبه عن الموضوع

اشكر الاعضاء على ردودهم وتفاعله بالموضوع وراح ارد على كل واحد انشاء الله
في البدايه الله يعوضكم بجوالاتكم
نبدا بالردود
الاول
confidential
اشكرك على ردك واشرك مره ثانيه لانك اول واحد رد في الموضوع وكتب قصته

والثاني
max666


والله انك فله رقعتلي بالتكارنه
وحوله مملوحين
والثالثه
الماسه الزرقاء
عاد هذي عضوه تطوير المجلس العام يبيلها كلامن سنع
اوقل اعيش ايه بس اني اكل غيرها فهذا الي ما نبيه (مرّر على قلوبنا)

اجل يوم ايام المراهقه ما خته تكشخين فيه
(اقول لو ابقعد ارد على كل كلمه ما خلصت )
على العموم يعطيك العافيه يا عضوه تطوير المجلس العام
ويا هلالي دوم
ما اقدرالا اقولك اهم شيء سلامت بنتك
والجوال كيفه(بس المره الجايه سكر السيارة بالمفتاح)
واخوي عجبتني يوم قلت الحمدلله جت على الجوال مب على السياره
لانك حمدت الله اول الشيء وقلت وفكرت ان الجوال لو انسر اشو من سرقه السياره (يعني شيئ ولا شيئ )
وبعدهم

Fai9aL
مبسوط الى الحين ما نسرق جواله اقول يا حبيبي انتبهله زين ok
واقولك ترى ينفع تبصم
والله يحفظ جوالك

ويا ابو مها

(انا ديم اقول الحرص الزايد شين)
وصراحه لو اني بمكانك ما اخذت الجوال
بس يوم قريت قصتك اول شيء اباخذه معي الجوال

ويا prince1111
الحمد لله ما انسرق جوالك بس ترى كل جولاتنا مال حلال انشاء الله
وحاوله حزام امان شكلي برط جوالي بحزام امان

ولي انشاء الله عوده لتكمله الردود

والله السالفه سرقه جوال بس مؤ ثره بالنهايه هذا سلمكم الله ولدى اختى ساكن بالروضه ومعه الباندا وراح بالحاره حقتهم يبى يركب نغمات وشغلات من هذا القبيل الا ويجيك اثنين بدو وينادونه وهو يطلع لهم عند باب المحل ويقول له واحد منهم وراك تنفخ على اخوى الصغير وتاخذ منه خمسه ريال حقته ويمين يسار الا واحد منهم يلقط الجوال ويفقع والثانى يحتريه المهم ولد اختى يعرف واحد وذا الواحد يعرف الاثنين اللى زرفوا الجوال بعد فتره (مات واحد من اللى زرفوا الجوال وخويه اللى مشارك بالسرقه قاعد يسولف مع الولد اللى يعرف ولد اختى وقاله عن السالفه وانهم اى اهل الولد اللى توفى يبون يعطون ولد اختى اللى يبغى بس يسامحه قال الولد انا اعرف الى انسرق جواله وراح وقال لولد اختى والله ويعطونه المبلغ على داير مليم ويقولون مال الحلال ما يضيع

السلام عليكم ورحمه الله وبركاته
انا اليوم جايب لكم قصتين
الاولى
هذا واحد كان يمشي وهو بالطريق نزل له اثنين وقالوله عطني الجوال عاد الولد كان خواف وعطاِِهم علطول ولا كنه اخذ رقم السياره وبلغ الشرطه بس السياره كانت مسروقه يعني
الولد وش استفاد من رقم السياره
والثاني
في نفس اليوم جوله مجموعه شباب( بكراون فكتوريا )موديل92 وقالوه
ممكن نكلم بجوالك دقيقه لاننا مضيعين البيت عاد الولد كان سمين (تعرفون صعبه ينحاش)
المهم يوم الولد قال لاء ماني معطيك اياه عاد يوم قال لاء يقول شفت البيبان تفتحت ونزلو كلهم المهم قامو يضربونه ويطقونه ولعنو والديه
عاد الولد كلن حاط الجوال بجيبه كان منسدح على الشارع على الجهه الي فيها جواله وحاط يده على جيبه عاد المهم وهم يضربونه جت سياره الجيارن وشطفتهم عاد يوم شافو السياره انحاشو
ويقول الولد انا لا شعريا رحت لهم وقام يلحقهم
بس عاد ذولاك انحاشو

انا بصراحه جوالي ضاع مني قبل سنتين وانا كنت طالب بالثانويه يوم الاختبارات

كنو معممين انه ممنوع الجولات وتوي طاق جوال جديد ماكمل معي 24 ساعه

قمت وربطته على شرابي علشان ادخله معي والحمد لله الاختبار الاول سلكت الدعوه

ويوم تأخرت على الاختبار الثاني كنت اركض وطاح الجوال الي مكمل معي 24 ساعه وآه يالقهر

الحمد لله ما انسرق علي جوال

بس صارت لي ثلاث مواقف انسى فيها جوالي في اماكن مختلفه وكان يرجع لي

المال الحلال ما يضيع ولله الحمد

الطريقة الجديده (( لو سمحت عطني الجوال دقيقة ابي اكلم ضروري وبعدها يشيل عليها )) صارت مع شخص اعرفه وترددت من بعض الاخوه هنا

احذر تسلم >>>غباااار

انا جوالي انسرق في محطة بنزين في مكة
نزلت عشان احاسب وسمعت صوت كانه شي طاح على الأرض
وما اهتميت به وطلعت السيارة ومشيت ولمن اتكرت رجعت للمحطة
واسال السوداني عن جوالي
انكر على طول

عليك الله يا زول جوالي طاح هنا قبل 5 دقائق
ما شفته؟؟

وانا متاكد انه هو اللي اخذه
لأنه محطة كانت فاضية


وتحياتي

السلام عليكم ورحمه الله وبركاته

مره طعلنا انا والشباب نتعشى في مطعم ماما نوره الي في شارع الامير عبدالله وحنا قاعد ناكل جا خوي وشاف جوال برج العرب على يمينه وعاد قلنا يمكن الرجال راح يغسل وبيرجع المهم الرجال طول وحنا خلصنا العشاء وقلنا ما لها داعي نخلي الجوال ويجي واحد ويزرفه (يسرقه)
المهم اخذنا الجوال وحاولنا ندق على اخر رقم اندق عليه ويوم جينا بندق الا الجوال ما يدق(تعرفون مشكله ذا الحد الاتماني)
ودقينا عليه من جوال واحد من الشباب ويوم رد قلنا اننا لفينا الجوال في المطعم وتواعدنا حنا وياه المهم جانا الرجال وتشكر


(((((((عاد المهم الي انا لاحضته ان كثير من الناس اذا جو يايكاون في احد المطاعم يخلون الجوال على الطاوله وينسونه فيا شباب نصيحه لاحد يحط الجوال على الطاوله وهو يكل))))))))))))



ومعليش على الايطالة

السلام
انا قصتي مع الجوال
دخلت المحاضرة وانا حاس اني ناسي شي المهم جلست وانا بطبيعتي ماعرف اجلس الا لما اطلع الي بجيبي برة

المهم دخلت يدي بجبي طلعت المحفظة الجوال وين يالسيارة على المقعد الامامي صابتني نغزة بقلبي كل الي

عندهم جولات يعرفونها كلمت الدكتور قال الحق ياولدي المهم رحت للسيارة جري طالعت بالمثلث مهو بمكسور

قلت الحمد لله ركبت السيارة لقيت الزجاج الجانبي مكسور بالكامل 5دقائق اتصلنا بالشرطة جت عاينوا السيارة

جابوا حق البصمات كتبوا محضر ومازال البحث جاري