16/09/2004, 09:17 PM
|
زعيــم فعــال | | تاريخ التسجيل: 12/07/2002 المكان: الرياض
مشاركات: 231
| |
وصل بنا الحال .... لها الدرجة ياهلال بسم الله الرحمن الرحيم
السلام عليكم ورحمة الله وربركاته
أرحب بالجميع
مباراة الامس لم ارى ولا هجمة لفريقنا طوال المبارة
كنا نخسر بالخمسة الموسم الماضي بس كانت تجينا فرصة فرصتين أو حتى هدف
مباراة البارح ولا هجمة واحدة ، ولا رفعة واحدة ، حارس الاهلي النجعي ما صد ولا مسك ولا رد ولا كورة ..... ليه ؟
لانه مافيه ولا هجمة واحدة !!!!!
مافيه خط وسط نهائيا ! المطرف ولا تمريره ولا تصليحة ولا شيء يذكر ، والمحترف كماتشو أحس انه ثقيل وبطيء الحركة (طبعا الحكم ما يمكن من أول مباراة ) ، والجري كل كوره وتمريراته مقطوعة ، ولاننسى طريق النزهان السريع اللي كان ممر سهل لــ ( كيم ) ، والغامدي ومجرشي أصفار على الشمال و تفاريز جاب هدف في الهلال ، محترف ولا يعرف يتصرف في كورة مثل هذه .
واضح ان المدرب يلعب بدون خطة وبدون فكر كروي وواضح ان اللياقة تعبانة وواضح ان المعنويات في الحضيض .
حنا مانبي الفوز ، ممكن نصبر على الفريق ونتحمل شباب صغار اللين يصير عندهم ثقة ، بس اللي صار البارح شيء مو مقبول ، مافيه اي لمحة ولا فكرة ولا تفاهم !!!!!! ياناس ولا هجمة واحدة لنا نتحسف عليها ؟
والا الموري والمبارك نازلين يكسرون ويزلقون ؟؟ شيء غريب
وبعدين شوفوا الاهلي بالشوط الاول تراه كان سيء ومستواه تعبان ، بس شافوا الهلال ماعندك احد وزي الحمل الوديع وشدوا حيلهم واشتغل كيم وادهروا
ياعيني على كيم حريقه ما شاء الله عليه هذا المحترف اللي ودك بمثله
آسف للاطاله لكني حزين على الهلال لانه ماعمرنا وصل بنا الحال الى هالدرجة
الله يكتب اللي فيه الخير |