مايحصل في الزعيم يشككنا في قدراتنا العقلية - نادي الهلال السعودي - شبكة الزعيم

وااازعيماه · #1 15/09/2004, 11:12 PM

صرت اشك بعد 25 سنة عشق للزعيم ومتابعتة اني اعرف كرة أو انني انظر للامور بمنظورها السليم .. والسبب .. سؤال دائماً اردده على نفسي ..
انت اعرف من المدرب .. لو المدرب مايشوف اشياء في المفرج والنزهان والغامدي كان مالعبهم ..
انا اليوم قاعد ادقق ابي اشوف اشياء تشفع لهم بالبقاء او حتى اللعب في الزعيم ولم اجد .. فعلموني تكفون ان كان فيهم شيء انا ماني شايفه .

ياناس بحت اصواتنا واحنا نقول الزعيم غير والله غير .. بعض اللاعبين ومنهم هالثلاثي ممكن يكونون مناسبين لنادي من اندية الوسط .. لكن فريق كالهلال اكبر طامة ان يكون الاساسي فيه اقل من مستوى الاحتياط في باقي بعض الفرق .

متى بنشعر بحقيقة هالشيء .. تغير المدربين وتغيرت الادارة ومازال بعض اللاعبين اللي مو اخذوا فرصتهم فقط بل اخذوا فرصة جيل كامل .

اذكروا لي لاعب اكدت اكثر اصوات الجماهير انهم غير مستحقين ارتداء شعار الزعيم واثبت هاللاعبين العكس وكانت نظرة الجماهير خاطئة .. احنا مانتكلم من منطلق عداء مع اي لاعب هلالي بل بالعكس من لعب في يوم مع الزعيم .. هذا نقدره ونحييه .. لكننا مافي يوم غلبنا حبنا للاعب او عدم حبنا له على مصلحة الزعيم .

هزمنا بالخمسات والثلاثات ومستويات الزعيم من سيء لأسوا .. كل هذا ليه .. الجواب واضح ولكن إدارة الفريق ماهي مقتنعه ابد ان السبب في اننا نلعب بفريق ناقص في ظل وجود لاعبين تكملة عدد وعبء على الفريق .

كنا ننتظر من رئيس النادي اميرنا الشاب .. تغيير جذري .. قرار جرئ يضع بعض اللاعبين على قائمة الانتقال .. لانه قبل حضوره جاء ورحل كم مدرب وكلهم فشلوا والسبب لأن بعض اللاعبين مازالوا باقين على الرغم من أن مستواهم لا يشفع لهم بالبقاء . اذاً العلة واضحه ولكن لا احد عنده الجراءة ليعمل على تصحيحها . لكن للاسف مارس نفس اسلوب الإدارة السابقة بالابقاء على بعض اللاعبين .. إلى متى .. إلى ان يقضي هؤلاء اللاعبين على مابقي من سمعة وهيبة الزعيم.

اكبر دليل على ان الغامدي والمفرج والنزهان ومعهم الشايع الغائب لا يستحقون اللعب في الهلال .. اننا لو عرضناهم على قائمة الانتقال مارح تجي اي عروض من الاندية الكبيرة .. ولن تصل قيمتهم جميعاً لمليونين ريال .

ثلاثة بهذا المستوى في اي فريق كفيل بان يقصم ظهره ويؤثر في جميع خطوطه ومعنويات بقية لاعبيه.

بقاء هؤلاء اللاعبين جعل البعض يشكك في مستويات بقية زملائهم.. متناسين السبب الحقيقي وهو ان اي فريق يتأثر بوجود لاعبين لا يساعدون زملائهم على التميز .

أيطالي · #2 15/09/2004, 11:17 PM

احلى عنوان شفته بصراحه ..

-----------
اخوي شكل المفرج والنزهان مثل حقين الحواري بعضهم يلعب غصب ليش لنه يقط اكثر واحد
اخاف انهم يدعمون النادي ويلعبون .. يعني ماعليهم قاصر فلوس وطاقه في روسهم يلعبون
ولا مبسطين واحد من طال عمرهم وحالف بالطلاق اذا ملعبو يطلق المسكينه اللي ما تدري عن الكوره ابد
فا خلها على ربك لعلى وعسى بعد عشر سنين .. يعتدل الحال

وااازعيماه · #3 15/09/2004, 11:27 PM

الله يحلي ايامك اخوي ايطالي ..
تبي الصراحة .. صرت اشك ان وراهم ظهر فارضهم فرض على التشكيله .. فحتى اللاعبين الكبار مستوياتهم تنزل وتصعد وعلى ضوء هالشيء تلاقيهم احيان خارج التشكيله .. الا النزهان والمفرج مادري وش قصتهم لاعبين لاعبين وكأن هالفريق مافي الا كم لاعب مسجلة الخانة باسمهم .

ياهلال حبك حبنا · #4 15/09/2004, 11:34 PM

المفرج والنزهان والغامدي فعلا من اسبا ب نكسة الموسم الماضى ومع ذلك نجدهم اساسين في الفريق

المفرج فقط يستلم الكوره ويسلمها اما غير ذلك فلا فائده منه

النزهان اقل من مستوي لاعبين الحواري
الغامدي مجرد ركض وجري في الملعب

منص&الرياض · #5 16/09/2004, 12:57 AM

تسلم يا غالي على هالموضوع والله احترنا معاك يا هلال!!!!!

helali4ever · #6 16/09/2004, 01:06 AM

ردد ياليـــــــــــــيل ماطووووووولك يالييييييييييييل ماطوللللللللللللك

hilalimax · #7 16/09/2004, 01:54 AM

بسم الله الرحمن الرحيم
والله الذي لا اله الا هو ان هناك لاعبين في الهلال يلعبون بالوااااااااااااااااسطة
انظر كيف يقوم بعض من له سلطة داخل النادي بأشراك لاعبه المفضل وهو اول من يعرف انه فاشل وذلك كله على حساب سمعة الزعيم
والدليل على ذلك ان من طالب بابعاد المصيبيح (( مدير المنتخب السعودي حاليا )) هم اعضاء شرف كبار وكبار جدا لماذا؟؟؟
طبعا الجميع يعرف الاجابة

هلالي وان جار الزمن · #8 16/09/2004, 02:00 AM

إقتباس

الرسالة الأصلية كتبت بواسطة وااازعيماه


	اكبر دليل على ان الغامدي والمفرج والنزهان ومعهم الشايع الغائب لا يستحقون اللعب في الهلال .. اننا لو عرضناهم على قائمة الانتقال مارح تجي اي عروض من الاندية الكبيرة .. ولن تصل قيمتهم جميعاً لمليونين ريال . .

يا شيخ ماراح يجيبون مئتين الف وتخب عليهم بعد ..................

الكلاسيكي · #9 16/09/2004, 02:05 AM

إقتباس

الرسالة الأصلية كتبت بواسطة hilalimax


	بسم الله الرحمن الرحيم والله الذي لا اله الا هو ان هناك لاعبين في الهلال يلعبون بالوااااااااااااااااسطة انظر كيف يقوم بعض من له سلطة داخل النادي بأشراك لاعبه المفضل وهو اول من يعرف انه فاشل وذلك كله على حساب سمعة الزعيم والدليل على ذلك ان من طالب بابعاد المصيبيح (( مدير المنتخب السعودي حاليا )) هم اعضاء شرف كبار وكبار جدا لماذا؟؟؟ طبعا الجميع يعرف الاجابة

اذا حلت مصيبه عليك فقل:

إنا لله وإنا اليه راجعون

وااازعيماه · #10 16/09/2004, 05:10 PM

هلا اخوي ياهلال حبك حبنا ..
هم فعلاً من اسباب نكسة العام الماضي .. وياخوفي يطول بقاء بعضهم ونشوف نكسة ثانية ..
اما عن المفرج فشوف هدف القادسية الاول وكيف كانت بدايته من تفلسف المفرج قبل ان يكمل النزهان الناقص ..

هلا اخوي منص&الرياض ..
الله يسلمك من كل شر وضر .. وشوية احترنا من اللي قاعدين نشوفه .. صرنا نشك في انفسنا اننا نعرف كره امام قناعة المدربين ببقاء بعض اللاعبين .

هلا اخوي helali4ever ..
رددناها كثير لكن إن شاءالله البوادر تبشر بالخير امام وضع ثلاثة من اللاعبين على قائمة الانتقال ومنهم النزهان .

هلا اخوي hilalimax ..
سالفة الواسطة ما احد ينكرها وان اختلفنا على تفشيها او انها حالات معدودة .. لكن من هاللي بيتوسط للاعبين ثبت بما لا يدع مجالاً للشك انه ماعاد لديهم مايقدمونه .. وان صح قولك على وجود الواسطة مع هاللاعبين .. فلا بارك الله في واسطة تدمر الهلال عيني عينك بوجود بعض اللاعبين.
اما المصيبيح .. فيا جعل ماجاه تكفير .. والله انه خسارة وبيجي يوم يشعر الكثير بان بقائه كان الاصلح .

هلا اخوي هلالي وان جار الزمن ..
إذا حتى مبلغ مليونين ريال مستبعدين ياصلون لها .. فهذا اكبر دليل أن بقائهم في الهلال هو تدمير له .
وعلى كذا يعملون لهم اعتزال جماعي وكل ونصيبه .

هلا اخوي كلاسيكي ..
إنا لله وإنا إليه راجعون .. ومصيبة اهون من مصيبة والحمدلله على كل حال .. وهذي بوادر الفرج لاحت بوضع بعض اللاعبين على لائحة الانتقال والبقية التي تستحق الانتقال في الطريق إن شاءالله .

شاكر للجميع وقتكم الذي منحتموه للرد أو للقراءة .. والحمدلله ان قرار وضع ثلاثة لاعبين على قائمة الانتقال نزل في نفس اليوم اللي نزل فيه هذا الموضوع .. على الاقل ليؤكد اننا لم نظلمهم او نتجنى عليهم وان مستويات بعض اللاعبين هي السبب فيما نقوله .