#1  
قديم 13/09/2004, 10:15 PM
زعيــم مميــز
تاريخ التسجيل: 23/10/2003
مشاركات: 1,612
هذا ماشاهدته في تمرين اليوم ..وماادار بيني وبين الخلوق سامي

السلام عليكم ورحمة الله..

اليوم كنت بالنادي من قبل صلاة المغرب.. وكان التدريب خاص للأولمبي مع عبدالعزيز الخالد..

وكان لعيبة الفريق الاول يتوافدون على النادي واحد واحد..

وكان فيه المجرشي احمد.. والموري . والمبارك .. يشاهدون تدريب الاولمبي بالاظافه لمحمد العنزي

اللي كان جااي بزيه الرسمي وبااين انه ما راح يتدرب!!

المهم كنت في بواابة الملعب .. وقال العنزي هلاا بالزين كله .. ترى كذا أتعب ما اتحمل..

التفت للشخص اللي دااخل والعنزي يكلمه فاذا ساامي الجاابر هو المقصوود..

ظحك سامي ودخل غرفة التبديل لأنه كان جااي بجنز وحركااات..

المهم شوي وطلع سامي معه تركي الصويلح وخشيت عرض بعينه!!

سلمت عليه وكالعااده هذا هو ساامي مع معجبينه بشوووش لأبعد حد ومتواااظع جداً..

عرفته بنفسي وقلت له اني هلالي متعصب ومعجب فيه واني احد اعظااء شبكة الزعيم ..

قال اهلا وسهلا وش يوزرك؟؟ قلت الهلالي ابو سارة.. غمض عيونه وقاام يتذكر الاسم وقال

ماقد انتبهت للاسم هذا شكلك ماتشارك كثير.. قلت ايه مشاركاتي محدوودة رغم تسجيلي من سنتين..

قال انا ادش بشكل يومي واشوف المشاركات قلت اجل باكتب مشاركة اليوم وفيه قصيدة من تأليفي

كاتبها فيك.. قال نزلها واوعدك اني اشوفها اليوم.. ثم ناداه حق اللياقه.. وكان مستعجل فقال لي

سلمني على الوالد لاني اخبرته انه معجب فيه.. ثم صوت لي وانا ماشي قال ترى بادش اليوم نزل

الابيات باقرااها..

ونزولاً على رغبة ابوعبدالله باكتبهاا مرة اخرى لاني قد نشرتهاا سابقاً..

المهم..

انا بصرااحه من يوم رجع سامي من انجلترا وانا ماقد شفته متحمس بالتمارين مثل السنه هذي.

كأنه رجع سنتين وبالذات قدام الراائد واليوم ماقصر شارك بفاعليه وجااهزيه كبيرة وانشالله

يقود الزعيم ويمسح الصورة اللي كانت السنه الماظيه عن الهلال وعنه شخصياً..

** باكيتا انشالله يفيد الهلال لأنه مجتهد واوقف المناورة كذا مرة وشرح الاخطااء .. وركز على

الركنيات والكرات الثابته .. اللي ابدع فيها كماتشو وديسلفا والاخير كاد يمزق الشبك بتسديده خرافيه

** الجمعااان ألف علامة استفهاام حول استهتاره في التمرين وكسله ..

لدرجة ان احد الحااظرين قال له تلحلح ياعبدالله وش فيك؟؟! وبالاخير استبعده باكيتا عن المناورة

هو والخثراان والعمودي وخليل..

** الدوخي لم يشارك لا في التمرين اللياقي ولا المنااورة مثله مثل الشلهووب نتيجة الاصابه..

** عزيز ماشفته بالتمرين مدري غيااب او اصابه (( دووم انشالله))!!

** كماتشو وديسلفاا ماشالله عليهم كانوا نجوم المناورة بالتمرير والتهديف.. واحد اقاربي الاعزااء

كان حااظر معي التمرين وابدا اعجابه الشديد بهم.. وانشالله يفيدوون الزعيم..

** كالعاده فووااز الدووخي توااجد وتلقى التهااني بمنااسبة التعيين والف مبرووك..

اما القصيده اللي وعدت ساامي انزلهاا فهي عباره عن كم بيت و اتمنى تعجبكم وتعجبه..


---------------------------------------------------------------------------------------


سامي نحبك.. غصب بالكره بالطيب ** بالطول ولا عرض .. سامي نحبك

كم ازمة حليتهاا انت يا ذيب ** وكم دمعة طاحت ياساامي فرح بك

وكم حارس طلعت في مفرقه شيب**وكم من مدافع طااح مرتااع جنبك

اذا رجعت النص بالحيل لعيب ** واذا طلعت هجووم افظل مشبك

احترت انا ويااك من جد ياذيب** ويشهد على ما اقول ربي وربك

وطنش ياسامي من حكى فيك بالعيب** اللي قهرته راس ماله يسبك

سامي نحبك غصب او كره او طيب** بالطول او بالعرض يعني نحبك..

وتحيااتي لكم واتمنى اكون ماثقلت عليكم..

الهلالي ابو سارة
  #2  
قديم 13/09/2004, 10:30 PM
زعيــم فعــال
تاريخ التسجيل: 25/11/2002
المكان: الرياض
مشاركات: 463
Post

الله يعطيك العافيه وشكرا على الابيات والموضوع الجيد

وياحظك ياللي قابلت ابوعبدالله بس مالك حق يابوساره ليه ماقلت له ان ابوهلا يسلم عليك

سلاااااااااام
  #3  
قديم 13/09/2004, 10:32 PM
زعيــم نشيــط
تاريخ التسجيل: 15/10/2003
المكان: الخـــبــــر
مشاركات: 687
يعطيك الف عافيه
ماودكم يفتحون فرع لنادي عندنا بالشرقيه
  #4  
قديم 13/09/2004, 10:37 PM
زعيــم فعــال
تاريخ التسجيل: 03/08/2004
المكان: نادي الهلال
مشاركات: 275
صح لسانك يستاهل أبو عبدالله

ويعطيك الله الف عافية

سلاااااام
  #5  
قديم 13/09/2004, 10:37 PM
زعيــم متألــق
تاريخ التسجيل: 14/10/2003
المكان: الــــريـــــــاض
مشاركات: 1,153
سلا1111111م ,,,,,


رااااااااااااااايق يابو ساره وسامي يستاهل كل خير


واملنا في سامي كبير وابو عبدالله كفو والله


ومشكور على الاخبار الرائعه والصراحه طمنتنا على الاجانب الله يعافيك





شكرا لك ,,,,,,
محمد
  #6  
قديم 13/09/2004, 10:43 PM
نائب رئيس مجلس الجمهور الهلالي في الشرقية
تاريخ التسجيل: 13/01/2002
المكان: في اي مكان يتواجد به الهلال
مشاركات: 6,045
هلا بالغالي : ابوساره ..

مشكور على هذه الاخبار والجمعان محلك سر ..

ابو عبدالله نحن جماهير الهلال في انتظارك على أحر من الجمر ...
  #7  
قديم 13/09/2004, 10:45 PM
زعيــم مميــز
تاريخ التسجيل: 13/09/2003
المكان: !! KSA !!
مشاركات: 9,868
يستاهل الغالي ابوعبدالله . .
  #8  
قديم 13/09/2004, 10:48 PM
الصورة الرمزية الخاصة بـ مدخل غرامي
زعيــم مميــز
تاريخ التسجيل: 11/09/2004
المكان: الشرقيه
مشاركات: 2,966


الكبير كبير والنص نص والصغير ما نعرفهوش...



سامي انسان خلوق ورائع في تعاملاته...والكثييييير وانا اكرر الكثيييير من الناس

تثير الشكوك حوله وتقول كلام واااااجد عنه...على بالهم قاعدين يتكلمووون عن واحد لم يقدم ولم يفعل شئ..للهلال والمنتخب والرياضه السعوديه..

ياناس هذا سامي الي احترف بإنجلترا...وابدع


ياناس هذا سامي الي عطانا الكأس ...مووو كأس الا كؤوووس

ياناس هذا سامي الي قاد المنتخب وأهله بفضل الله
ثم جهود هاذا اللاعب لكأس العالم..

سامي لو مهما قالوا عنه يبقى الاعب الخلوق كما هو معروف عنه..
  #9  
قديم 13/09/2004, 11:04 PM
زعيــم فعــال
تاريخ التسجيل: 11/09/2001
المكان: البحرين
مشاركات: 361
الف شكر اخوي

والجابر خلوق رغم اني لم التقي به

ولكن ذكر لي احد الأشخاص من البحرين

ان مشجع هلالي من البحرين طلب من سامي شيرت احد النهائيات

ورد عليه سامي بانه في العاده يحتفظ بشيرتات المباريات النهائيه

الا ان سامي اهداه الشيرت

وبالتوفيق لسامي
  #10  
قديم 13/09/2004, 11:13 PM
الصورة الرمزية الخاصة بـ بو خالد
زعيــم مميــز
تاريخ التسجيل: 14/10/2001
المكان: الشرقيه
مشاركات: 2,141
هذا عوايد بو عبد الله ..

الجمعان الله يهداه مو عارف لنفسه ...

الله يوفق الزعيم

تقريرك حلو حول التمرين ..

احترامي لك
  #11  
قديم 13/09/2004, 11:16 PM
زعيــم مميــز
تاريخ التسجيل: 11/12/2001
المكان: وين ما يكون الزعيم
مشاركات: 9,248
الله يعطيك العافيه وشكرا
  #12  
قديم 13/09/2004, 11:25 PM
موقوف
تاريخ التسجيل: 05/08/2003
المكان: بني جمره - البحرين
مشاركات: 2,430
مشكور اخوي على الابيات الحلوة و السم السم سامي يستاهل اكثر

وبالتوفيق للاجانب والجمعان لا تعليق
  #13  
قديم 13/09/2004, 11:27 PM
الصورة الرمزية الخاصة بـ عالي الشان
زعيــم مميــز
تاريخ التسجيل: 06/08/2001
المكان: الرياض
مشاركات: 4,556
إقتباس
يشاهدون تدريب الاولمبي بالاظافه لمحمد العنزي

ضيقت صدري بهالاسم
إقتباس
اللي كان جااي بزيه الرسمي وبااين انه ما راح يتدرب!!

الحين تمام راحت ضيقة الصدر
إقتباس
المهم كنت في بواابة الملعب .. وقال العنزي هلاا بالزين كله .. ترى كذا أتعب ما اتحمل..
التفت للشخص اللي دااخل والعنزي يكلمه فاذا ساامي الجاابر هو المقصوود..

حركااات يبيه يتوسط له لكن معصي
إقتباس
الجمعااان ألف علامة استفهاام حول استهتاره في التمرين وكسله ..

الله يهديه بس ,,, يضيع مستقبله بهالحركات .
إقتباس
عزيز ماشفته بالتمرين مدري غيااب

ان شاء الله ما يشارك ويريحنا ويستريح
مشكور اخوي على هالتقرير الجميل وبالتوفيق للزعيم
  #14  
قديم 13/09/2004, 11:29 PM
زعيــم مميــز
تاريخ التسجيل: 15/03/2003
المكان: في كل مكان
مشاركات: 3,309
ابوعبد الله ياسلاااااااااااااااااام ملك والله ملك ياجماعه
صح لسانك على هالابيات يالغالي
  #15  
قديم 13/09/2004, 11:34 PM
زعيــم متألــق
تاريخ التسجيل: 25/10/2002
المكان: الرياض
مشاركات: 1,218
شكرا اخوي ابوساره

وصراحه انا كتبت الرد علشان سامي يبي يقراء الموضوع
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube