مطـــــــــــــازيــزيــــــــــــــات

- العتيبي يبي ينخفض مستواه بسبب الدفاع لازم يكون فيه حل جذري
- المدرب مغامر ويحب اللعب المفتوح والهجوم يصلح للهلال ولكن الله يستر لا ينكبونه هاللاعبين
- اليوم المباراة جرس إنذار إن القادم راح يكون صعب جداُ هذا القادسية أجل وشلون الباقين
- يا إدارة النادي ما يبي لها مخ أبد حبه حبه
* الحراس تمام الدعيع يرجع إن شاء الله و العتيبي ماشي حلو و الماس جيد يعني نعديهم
* الظهير الأيمن الدوخي تمام و فتره و يرجع و الصويح ما أدري عن وضعه بس هم الحين نحتاج لنا واحد إما من فريق الشباب أو من نادي ثاني يسد النقص الحاصل بدل الترقيع
* قلب الدفاع الخثعمي والهليل تمام و يبي لهم فرصه و جلب قلبين صغار إما من الشباب او من نادي ثاني
* الظهير الأيسر ما يحتاج الجري تمام و الإحتياط تمام وحنا ما شفناه بس يعني الواحد يتطمن شوي
* المحور البرقان و مجرشي يبي لهم فرصه بس كل واحد يلعب لحاله ما نبي محورين و إن جانا الغنام ما فيه مانع ليش لا
* الوسط الأيسر الدوسري والشلهوب و المبارك يعني ما نحتاج
* الوسط اليمين المطرف الشايع يعني حلو غير العامودي والصالح المصاب والشباب الباقين يعني ما نحتاج إن شاء الله.
* خلف المهاجمين مشكلة كبيره لين يرجع سامي ونواف والحربي يبي لنا وقت ولا فيه لاعب سعودي يفتح النفس يعني هو أهم شيء يكون أجنبي و فنان
* الهجوم ما شاء الله تبارك العلي و الصويلح و الجمعان والموري العنبر أسماء واجد بس يبي لها فرصه و صانع لعب تمام.

من ما سبق يتبين لنا إن الفريق محتاج قلب دفاع سعودي وظهير ايمن سعودي يكونون للأبد و صانع لعب أجنبي لفتره بسيطه لين يكتمل الفريق من الظلم أجيب مهاجم وأركن العلي او ألموري أو الصويلح أو حتى الجمعان والعنبر وخصوصاُ انهم كلهم مبدعين أما المحور البرقان لو كان معه قلوب دفاع تمام ونص كويسين راح يكونون عون له و يساعدونه يملئ المركز و يريحنا

- بعض اللاعبين المعروفين المطيري و الغامدي والمفرج والنزهان وعزيز وغيرهم لو نعطيهم بعض الفرق إعارة لمدة موسم و نستفيد لنا كم فلس مع أنه مالظاهر يجيبون شي بس هاه نقول و إلا يقضبون الباب ربي يسهل عليهم
- خليل و سليمان والشريدة ما قصرتوا و إن كان أحد يبيكم جيبوا عروضكم و إلا مع شهادة الشكر وسلام
- نبي فريق شباب ومستقبل ما نبي تجميع و حوسه قدامنا مباريات و بطولات نبي فريقين جاهزين
- صفقة الخليج ما لها سنع مع إحترامي للي مفكر فيها ما نبي لا هجوم ولا حراس نبي قلوب دفاع و صناع لعب ما لها داعي العجله أوقات و إلا حطوها في لاعبيننا علشان ما نتوهق بتسديد الرواتب
- المحترفين قبل ما أشوفهم إلا الوكاد وربي هو العالم إنهم بيضرون الفريق إما أنهم دلوخ و إلا أنهم يمشكون الحال و راح يأخذون مكان واحد شاب يمكن يطلع منه شيء
- ياليت الإدارة تفكر بشكل جدي بإعارة بعض اللاعبين قبل ما ينتهون و يقعدون بحلوقنا و خصوصا العامودي تراه فيه رجاء بس يبي له فرصه بس ما راح يأخذها بالهلال الحين و راح نستفيد من جهتين ان بدع رجع للزعيم و أو بعناه بقيمه زينه و إن ما بدع نفتك من رواتبه و تضيق الملعب و يمكن يجيب لنا راتب حدى هالعمال

هذا اللي عندي هذا اليوم و يالله أقلطوا المطيزيزات جاهزه

سلام

[ALIGN=CENTER]الموضوع [ALIGN=CENTER]

ابسالك المطازيز فيه قرع

وشكر لك[/ALIGN][/ALIGN]

مشكور على الموضوع مع اني اختلف معك في اشياء كثير

مشكوووور على الموضوع .................................

يا خوي موضوعك جميل بس انا حبيت اقولك تكفى المرة الجاية شل الباذنجان وحط قرع علشان ما احب البيذيجان على فكرة القلطة الجاية متى والساعة كم



على فكرة اخوي ترى المطيري لو يلعبونه قلب دفاع تراه ممتاز جداً يمكن افضل من الهليل اما عزير والنزهان ما دخلوا مزاجي مدري ليش اما عمر الغامدي من زمان ما لعب في مركزة الاصلي اما عن مستواه في هذه المبارة مدري علشان ما شفتها

كلامك ممتاز وانا معك

- بعض اللاعبين المعروفين المطيري و الغامدي والمفرج والنزهان وعزيز وغيرهم لو نعطيهم بعض الفرق إعارة لمدة موسم و نستفيد لنا كم فلس مع أنه مالظاهر يجيبون شي بس هاه نقول و إلا يقضبون الباب ربي يسهل عليهم

^
^
^
^
اللاعبين المذكورين ما يقبلهم و لا فريق حواري .

والله انك صادق بس حنا نحتاج مدافعين خبره يفيدون الشباب



وصدقت في صفقة الخليج انها مالها داعي.

اتفق معك واختلف معك
يعطيك الف عافيه