هذا كلامكم وتبون النادي يتطور؟؟؟ لا أبشرو بثمان عجااف !!! - نادي الهلال السعودي - شبكة الزعيم

مجنون ابوعبدالله · #1 21/08/2004, 03:38 AM

اخواني طلع الازرق من الصداقه وانتهت رحلة ابها وراحت علينا البطوله اللي كنا محتاجين لها كدافع معنوي

لكن اللي كاتب الموضوع علشانه انا هو

الـــــــمــــــــــجـــــــامــــــلــــه على غير سنع

بعد مباراة الصفاقسي قريت 5 مواضيع كلها وشي؟؟؟؟

اطلقو لقب على افضل لاعب بالدوره

او

روبرتو كارلوس الهلال ؟؟؟؟!؟؟؟!؟؟!؟؟!؟؟

او

الجري قال عطوني فرصه واخذ الفرصه واثبت انه لاعب يستاهل؟؟؟؟!!!!؟؟؟!؟!؟!؟!؟!؟!

ياناس ياعالم ياهووووووووه تثبيت الجري حقت الهدف الاول تعتبرونها خطأ؟؟؟؟؟؟؟؟؟؟؟؟

بس كلمة خطأ وتكفي؟؟؟؟؟؟؟؟ ارجو انكم تجاوبون مع العلم انه رافع راسه قبل مايناول

ثاني شي

المطرف

ابي بمباراة الصفاقسي كوره سلمها صح

او كوره سوا فيها شي نقدر نقول له يالمطرف ماقصرت غير تضييع البلنتي وكسرت الجسم اللي لو اني مغمض ادري انه بيحطها يسار الحارس

ابيكم تذكرون وش كان التيماوي يسوي ووش كان الاعلام يشيد به مقارنه بالمطرف الحين

ثالث شي وهو الطااااااااامه

البرقان

اخواني الزعماء؟؟؟ وش تقييمكم لمحور الارتكاز؟؟؟؟ مو اللي يقطع كور ويمشي كور صـــــح ؟؟

لكن في مواضيع للي يمدحون البرقان الله يوفقهم يكتبون عيب البرقان وهم يمدحون يقولون بس يكثر الفاولات بالنص؟؟؟ هذا لاعب بينسينا خميس ولا بيخلينا نترك الغنام؟؟؟

اما عن التمريرات فأتحدى اي عضو بالمنتدى اذا كان مجموع تمريراته السليمه اكثر من الخاطئه

رابع شي

الصويلح

الصويلح بطل وبهالدوره ماكان بمستواه تدرون ليش؟؟؟؟

من الالقاب اللي جته من كل صوب ومن نفخ الراس اللي وصله من كل جهه

ياناس اللاعب وهو صغير لازم لازم لازم تحسسه انه مابعد عطى اللي عنده وان عنده شي كثيررررر يقدر يطلعه

وكلنا ندري ان مستوى احمد بالصداقه مو مستواه الطبيعي ( مربع ابطال العرب)

اتــــــمــــــنـــــى من كل الاعضاء انهم مايعطون اللاعب اكبر من حقه وطريقة نفخ الراس ماتنفع بالعكس بتدمر علينا اللاعبين

وترا مثل ماقلت لكم الصويلح عنده الكثيرررررر والكثيررررررر ( هذا اللاعب اللي تقدر تقول اصبرو عليه هو ومشعل الموري اللي برضو ماظهر بمستواه اللي نعرفه ونشوفه مع الناشئين لكن برضو المستقبل قدامكم

)

بالأخير تدرون من الضحيه؟؟؟؟؟

النزهان

اي نعم النزهان !!!!! انا ماراح ادافع عن النزهان لأني من اول المطالبين بتنسيقه مع لسته طويله من اشباه اللاعبين اللي موجودين بالنادي ومحسوبين عالهلال

لكن راح اقول الحق

النزهان كورته انقطعت من نص الملعب وكان فيه الهليل وفرانكي وكلهم واقفين على خط واحد لاهم اللي طلعو عن التسلل ولا اللي غطو اللاعب المندفع؟؟ يصير الغلطان النزهان؟؟

طيب النزهان غلطان وانا معكم لانه مسوي صانع لعب وهو من جمبها وابو يعقوب معطيه هالمعلومه من زمان ؟؟؟ لكن اقول ان الجري بطل واوزع عليه القاب بس لانه دخل في كوره وسبب فاول ( بالاصل على الجري ) ورفعها وجبنا منها الهدف؟؟؟

هذا الظلم بعينه وعلمه

انا مااطلب الانصاف بالنقد 000000 لكن اطالب الانصاف بالتنسيق ;)

رساله لأخوي الغالي ابو فيصل :

كلنا نعشق الهلال وكلنا نحب الهلال وكلنا نحضر للهلال ( ناشئيين - شباب - أول )

لكن مجاملتك الزايده للاعبين هي اللي بتدمرهم

يعني انت ماتتبع نقول للمحسن احسنت ونقول للمسيء اسأت

انت تقول للمحسن احسنت وتقول للمسيء احسنت

وهذا هو الخرااااب

واخيراً

هذا غيض من فيض ولا عدم انتقادي للبقيه مايعني اني راضي عنهم ( بحكم رأيي المتواضع ) لكن انا بغيت بموضوعي ابين ان المدح اللي قاعد يصير وخاصه باللاعبين اللي ذكرتهم خطأ في خطأ

(((((((( برضو هذي وجهة نظري المتوااااضعه ))))))))

اتمنى مايكون احد زعل من كلامي او فهم غلط ومرحباً بالنقد الهاادف ;)

تحياتي للجمييييع

وتحيه خاصه لأخوي ابو فيصل اللي ماقصر طوال الموسم السابق في الدعم الجماهيري بالشرقيه والدعم المستمر لجميع الفئات السنه عند تحقيق اي بطوله 0000 وعساك عالقوه وكل من يعاونك الموسم القادم بأذن الله موسم يسعدنا ويسعد كل الجماهير الهلاليه