أول شي هذا إقتراح قابل للرفض و القبول
ليش لازم نجب كل موسم أجانب وكل سنة يتغيرون ؟
ليش ما نسوي سعودة للفريق ؟
يمكن يجي واحد يقول لازم محترفين
طيب مافي مشكلة لو نجيب لاعب واحد عليه القيمة ونستغني عن الباقين
أعتقد أن الدفاع ما يحتاج لاعبين لازم نعطي الشباب فرصة
أقرب مثال الأتحاد بس أعطى المنتشري فرصة أصبح أفضل مدافع سعودي
عندنا : العساف _ الهليل _ مضواح _ والأولمبي صدقوني بس عطوهم ثقة ونقد هادف
و الوسط مثله مع لاعب أجنبي جيد إذا أحتجنا
أما الهجوم أعتقد أن فيه الصويلح والعنبر ولو يجي القحطاني معهم
ونطعم الفريق بكم لاعب خبرة
أرجو إبداء الرأي

انا لا ناظرت لاعبيننا الاجانب قلت مهوب لازم نجيب اجانب واذا ناظرت النصر( الحق حق) وشلون يجيب اجانب قلت يلزمنا اجانب والصراحة انا يوم اقول بدون اجانب ويوم اقول يلزمنا اجانب

الدوري السعودي يعتبر من اقوى لابطولات في العالم العربي واعتقد بدون اجانب راح يكون دوري ضعيف خاصة وان اللاعبيين الجيدين قلة

بس مثل ما ذكر مرة في مقابلة سامي الجابر : نحتاج للاعب الاجنبي اللي يساعدنا ويزيدنا قوة مو اللاعب اللي يحتاج من يساعده ويعطيه الكورة مقشرة

واي مركز في الملعب يحتاجه الفريق لازم يكون لاعب مميز مهما كانت جنسيته
اما بالنسبة للسعودة ما اعتقد انها فكرة ناجحة في اي مجال دائما محتاجيين لخبرات خارجية عشان لما نقابل المانيا مرة ثانية تكون النتيجة اقل باربع اهداف

لان اللاعب الجيد ممكن يعرفنا اساليب جديدة علينا خاصة الاحتراف

مشكور أخوي max666 , al_hasem
بس قصدي بس بفريقنا مالنا دخل بالأندية الثانية
بعدين ما قلت ما في أجانب مرة
ٌقصدي كم لاعب خبرة+أجنبي ممتاز عليه القيمة+شباب

كلام جميل ورأي صائب بس ما راح يوافق عليه !! لأن ربعنا يبحثون عن النتائج الوقتية من عرفنا الرياضة !! ما عندهم استعداد يصبرون على تهيأة مدربين سعوديين عن طريق الدورات وغيرها أو إعداد الناشئة بصورة صحيحة وإن كانت جهود الامير بندر بن محمد في ذلك هي الأبرز !! وإلا فالمبالغ التي تصرف كافية لإعداد جيل رياضي سعودي 100% وللمعلومية ماراح تتم السعودة لأن اللي يجيبون اللاعبين في الغالب هم اعضاء الشرف والهدف لدى معظمهم معروف !!!!!

انا اصلا ضد الاحتراف من بدايته الى نهايته

يعني بالله لاعب مخلص رابع ابتدائي راتبه 15 الف

واستاذ جامعي ما يحلم بنفس الراتب

من جد عمرنا ما نتطور






المملكة:

"وللمعلومية ماراح تتم السعودة لأن اللي يجيبون اللاعبين في الغالب هم اعضاء الشرف والهدف لدى معظمهم معروف"<-- ما فهمت وش قصدك من هذه الجمله ؟؟؟!!

ابو هشام الهلالي
السلام عليكم ورحمة اللة وبركاتة


مسكين اللاعب لو كان الامر بيدي ان كان خليتهم رواتبهم مفتوحة(الحمدالله ان الامر مهوب بيدي)

مهوب غبن يجيك تراوري ويستلم انواع الدراهم
مهوب غبن تجيه الشيحان اصابة ويتوقف عن اللعب ( يعني خلاص الراتب مافية)
دكتور الجامعة تقاعد ولا ماتقاعد الراتب ماشي ماشي
بعدين اللاعب حدة 20 سنة اذا طق بوزة( ولا لا صار مثل المسعري 13 سنة)
الدكتور حتى يموت راتبة ماشي ماشي ولا وبشرك يوم 25 نازل الراتب واللاعبين تحر مته تمسك مع اعضاء الشرف يدعمون النادي( هذا الزعيم) ولا الامل(اصل ماعندهم رواتب) ولا النجمة مافية اعضاء شرف يعني انسى يجيك الراتب الا اذا قطولك الرئاسة

إقتباس إقتباس من مشاركة al-hasem الدوري السعودي يعتبر من اقوى لابطولات في العالم العربي

أختلف معك فمع وجود نظام المربع الذهبي العقيم تراجع مستوى الكرة فلا جماهير تحضر مباريات و والفرق كلها تقول كما يقول أهل البلوت (الزبنه فال طيب)و النتيجة شوف لو اني لاعب في الهلال قبل 7 سنوات سأصاب باحباط أنا المركز الأول و الرابع ياخذ البطوله مني بضربة حظ.. اللاعبين الأجانب ياأخي الفاضل يحتاج لهم ميزانية فوق ميزانية الأندية بوضعها الحالي ,,,نظام الاحتراف يبغاله تغيير هل يعقل ان لاعب يفني أحلى سنين عمره بدون أي استقطاعات للتقاعد ,, اذا عتزل و لا نفع مدرب و لا حكم و لا سواق توبيس النادي وش يسوي الضعبف... الخصخصة الخصخصة الخصخصة بعد كذا سوف ترى السعودة الرائعة في المملكة و العالم كله ,, هذه البلد طاقاتها الشبابية عظيمة...

والله أنــــا رايي قريب من رايك ... يعني لو يكون هنــاك قرار من الإتحاد السعودي أن مايكون إلا لاعب أجنبي واحد ... وهذا بيخلي الأندية تجيب لاعب يفيد مو أي لاعب وبتخلي مبلغ ثلاث لاعبين في لاعب واحد .

وهذا الشيء بيخدم المنتخب لأن الأندية حالليا تلعب الأجانب مع أن الشباب اللي عندهــا أفضل من المحترفين الأجانب وطريقة الاعب الواحد بتفيد المنتخب كثيرا

لا ولو يصير الاعب الخليجي كـــأنه لاعب محلي ومايجيب النــادي أكثر من وااحد برضو بتكون لهــا فايدة وخاصة قرب المسافة بيننا وبينهم ورخصهم ومضمونين وبتسوي العقد اللي تبيه معهم


تحيـــــــــــــــــــــاتي

هذا الي مفروض يصير ما نبي ثلاث اجانب مستوياتهم ضعيفه نبي لاعب اجنبي مستواه رائع

صدقني الحل وضع ميزانيه من الرئاسه العامه لرعايه الشباب للاجانب كما في قطر ....


اما السعوده على طول ما اظن انها بتنفع ......

لاعبين اجنبيين افضل من ثلاثة و المفروض يرجع الدوري لنظامه القديم الفايز بأكثر نقاط لان المربع

صار نظامه ممل وكانت الفايدة منه كسر الاحتكار النصراوي الهلالي للدوري على مدار 7 سنوات