قصيدة أرتجلها الآن في نواف التمياط - نادي الهلال السعودي - شبكة الزعيم

عاشق الأسطورة الزرقا · #1 26/06/2004, 05:59 AM

بسم الله الرحمن الرحيم ,,

هأنا ذا أبدأ وأقووووووووول الآن :

وين انت يانواف وين انت عنا ؟
.................... فريقنا مـــن دونك اوحوش واشباح :sad:

هـــلالنـا مـــن غيبــتك ماتهنــى ّ
................... مــن طحــت يانوافنـــا هــلالنا طــاح

كنت انت والجمهور فيك ايتغنـّى
.................. ورحت انت والجمهور في غيبتك راح

متنــا وباقـي عـقـب بعدك كفنـّـا
.................... وصارت بنا تعصف عقب بعدك رياح

والعيب يانـواف مــاهــوب منـّا
................... العـيب يـــــوم النجـم يالنجــم مـــالاح

حـبك سـكـن فيـنا وفنــّك سكنــّا
.................... ياعطر فـايـح عقـبك العطــر مـافـاح

اليوم كل ٍّ شــامــت وممتحـنــّا
..................... ونحنا من اللي كان من لسعتك ناح

كنا معك فوق السحايب وكنــا
..................... نهتف : أبو بندر والاحـزان تــنزاح

سجــَنك جرح ٍ والله انه سجنـّا
...................... ومابــه هلالي ٍّ بصيحتك ماصــاح

الله يــردك للوطــن يــاوطنــــّا
...................... سالم وأعضائك من السقم ترتاح

ياللي ترانا منك وانت انت منـّا
..................... لامــن تسلحـنا صنعنا بك ســلاح

لامن احد باللمز ضل وطعنـّا
..................... نطعنك به يارمح يسوى له رماح

وين انت يانواف وين انت عنا ؟
.................... فريقنا من عقبك اوحوش واشباح

يكفي هاه ؟

طيب وسلاامتكم

خالد الحريبي ( عاشق الأسطورة الزرقا << مع ان هاللقب مو عاجبني كنه لقب ورع )

فواز بن فهد · #2 26/06/2004, 06:03 AM

صح لسانك اخوي و كلمات ولا احلا بس ودي اعلق ان الهلال مو نواف وبس في غيره يلعب معه 11لاعب بس صدقت غيابه مؤثر و يعطيك الف عافيه و المره الجايه ممكن تشعر لنا ;)

امل الهلاليه · #3 26/06/2004, 06:41 AM

صح لسانك
والله يرجع بو بندر بالسلامه

ملك الملاعب(هلال) · #4 26/06/2004, 11:21 AM

صح السانك
وان شاء الله يرجع للوطن بسرع وقت يارب
ويرجع هيبت الهلال الى من يوم اهو راح والجمهور مو مرتاح

الفن كله سامي · #5 26/06/2004, 11:23 AM

صح لساااااااااانك

والله يستاهل الفتى الذهبي

رفيق الزعيم · #6 27/06/2004, 08:08 AM

قصيدة رائعه من شاعر رائع

الف شكر اخوي على هذة القصيدة

ويستاهل ابو بندر

وان شاء الله يرجع لنا بالسلامة

SULTAN6 · #7 27/06/2004, 01:22 PM

[ALIGN=CENTER][ALIGN=CENTER]صـــح الـلــســانــك

ونـــــواف أفضل لاعب في السبع السنوات الأخيره

والدليل نهائيات كاس العالم 2002

لكن إن شاء الله يرجع ويمده رب العباد بالشفاء

وابو بندر غلاه ماله حدود عند جميع الجماهير[/ALIGN][/ALIGN]

عبدالهادي السبيل · #8 27/06/2004, 02:45 PM

صح لسانك....وقليله على ابوبندر

الهلال الخصيب · #9 27/06/2004, 02:58 PM

[c]
صح لسانك ويستاهل نواف العسل أكثر من كذا
وربنا يرجعه لنا بالسلامة
الحقيقةأفتقدت الكرة السعودية نجم كبير مثل نواف
لابارك الله في محمد نور اللي كان ورى إصابته .
[/c]

عاشق الأسطورة الزرقا · #10 29/06/2004, 02:02 AM

صحت ابدانكم حبايبي , وانا ماكتبت هالقصيدة الا بعد ماذل الهلال اللي يسوى واللي مايسوى .

هلالي نـفـي · #11 29/06/2004, 04:34 AM

صــــــــــــــــح لســـــــــــــانك يالغالي ...............

وقصيدة رائعة جدا جدا جدا وابو بندر يستاهل اكثر من كذا

ومشكور على هالقصيدة الرائعة

ودعواتنا يرجع نواف بالسلامة انشالله ويرجع لمستواة المعهود ويصحي لاعبينا البااااااااااااااااااااااااااااردين من الغيبوبة اللي هم فيها