that was close والله أنها كااادـت...إلى متى ياسيسه - نادي الهلال السعودي - شبكة الزعيم

أبوأسامة الهلاااالي · #1 09/05/2004, 01:07 AM

يااللـــــــــــــــــــــــــــــــــــــــــــــه

سيسه ... ذا مدري وش باقي يبي

مهوب راضي يستفيد من أخطائه ابدا ابدا ابدا ...

ياجماعة عدوا معي أكم من فرصة .. لا ...وفرص اهداف بعد أضاعها منذ مباراة الحالمي المشؤومة

والله أني أخاف انه يجي اليوم اللي نندم ونتحسر على عدم معالجة هذا العيب الفاضح الواضح
في الهجوم الهلالي من قبل العجلاني ...

يعني يوم طاب تراوري ... طاح سيسه ... يـعني..

يعني من هجمة واحدة أو شبه هجمة بغى يفوز الزمالك ... وحنا نوصل الباب مرارا وتكرارا ولا نسجل الا هدف ... والله مشكلة ولازم لها من حل ..

الحيران(الزعيم) · #2 09/05/2004, 03:24 AM

Empty_Quarter · #3 09/05/2004, 05:33 AM

سيسيه مطفوق لكنه يفيد خاصه انه يشغل الاضهره بكثر اللفلفه .... اما العجلاني مايلام وش بيسوي يعني !!!!!!! لاعب محترف كل شي يسويه الا اذا انفرد صك الكوره ببطن الحارس والا بالقائم والا برى ............. لو الحظ يشرى ...... شرينا حظ حمزه ادريس وريحنا العجلاني من المشؤليه.

bradiالهلالي · #4 09/05/2004, 05:58 AM

وش تبيه يسوي سيسه المسيكين........

في الاصل هو موب مهاجم ... جناح [طائر]

يعني ما له خبرة بالتهديف...
وش تبيه يسوي لازم يتعلم معنا التهديف...
لان الهلال كبير ياخذ اللعيبه يعلمهم اللعب بعدين يستغني عنهم...

بدران الأول · #5 09/05/2004, 09:16 AM

المشكله مو في سيسيه المشكله اللي حطه في مركز غير مركزه بس هذا مايبرر تضييعه للفرص ويمكنه مسرع أكثر من اللازم

MERIT · #6 09/05/2004, 09:23 AM

احمد ربك

والا تبي من طقة ابو شروان وديمبا وجنتل ......

سيسيه ساهم بوصول الهلال للمربع والتصدر عربياً والوصول اسيوياً وخليني اكون واقعي

لولا الله ثم وجود تراوري وسيسيه كان الهلال السادس محلياً وبرى اسيوياً وعربياً.

اتكلم بلغة ارقام لا احد يزعل.

الفتى نواف · #7 09/05/2004, 09:29 AM

إقتباس


	إقتباس من مشاركة MERIT احمد ربك والا تبي من طقة ابو شروان وديمبا وجنتل ...... سيسيه ساهم بوصول الهلال للمربع والتصدر عربياً والوصول اسيوياً وخليني اكون واقعي لولا الله ثم وجود تراوري وسيسيه كان الهلال السادس محلياً وبرى اسيوياً وعربياً. اتكلم بلغة ارقام لا احد يزعل.

كلامك صحيح والله

قرقاص · #8 09/05/2004, 09:32 AM

إقتباس


	إقتباس من مشاركة MERIT احمد ربك والا تبي من طقة ابو شروان وديمبا وجنتل ...... سيسيه ساهم بوصول الهلال للمربع والتصدر عربياً والوصول اسيوياً وخليني اكون واقعي لولا الله ثم وجود تراوري وسيسيه كان الهلال السادس محلياً وبرى اسيوياً وعربياً. اتكلم بلغة ارقام لا احد يزعل.

كلامك في محله

BLUE HUNTER · #9 09/05/2004, 02:49 PM

يا شيخ والله انك صادق ؟؟
سيسيه مشكلته مشكله مع ذا الفرص ؟؟

واحد زاحف · #10 09/05/2004, 03:02 PM

احمد ربك وانا اخوك

وتحياتي

الهلالي- ابوسارة · #11 09/05/2004, 03:11 PM

المسكين سيسيه جناح اصلاً

يمسك الكورة من النص وينطلق للباب واذا وصل الحارس يصير تعب و خااااااالص ويظيعها بسهولة..

بس شعلة نشاط ويربك اي دفاع.. كثر خيره انه يحاول التسجيل لأنه مو من مهامه.. هذي مهام تراوري وسامي والعلي..

صراحه انا ألقبه (باقيرا) ..صديق ماوكلي ذكرتوه..