24/04/2004, 09:58 PM
|
| في انتظار تفعيل البريد من قبل العضو | | تاريخ التسجيل: 18/12/2000 المكان: الخبـر
مشاركات: 1,406
| |
| هلا وغلا اخوي هلالي شقردي...
انا عندي تعليق على هذا الموضوع...
انا ما ادري كيف يتجرأ احد ويتكلم على جماهير الهلال اللي بالرياض...!! على فكره انا من سكان الشرقيه..ومن اللي يحضرون مباريات الهلال اللي هنا بس.. والنهائيات اللي في الرياض..بس يعني منيب متخيل كيف بهالبساطه الواحد فينا ينسى الاشياء الحلوه وما يتذكر الا الامور الشينه !!!!
هالحين هاللي يتكلمون على جماهير الهلال اللي بالرياض معقوله نسوا فعايل هالجمهور الوفي!! وانا متأكد ميه بالميه انهم ياما وياما مدحوه وتفاخروا فيه قدام الناس....وبعدين انا من سكان الشرقيه واعرف جمهور الهلال اللي بالشرقيه واقول لرئيسنا الغالي ترى مافرقت سواء نقلت المباريات للدمام ولا جده ولا للخرخير!! او خليتها في الرياض!!..شي طبيعي جدا ان الواحد ما يحضر كل المباريات..فيه ظروف فيه التزامات وفيه الاهم اذا صار مستوى فريقك (شين) والمباراة (مهيب مهمه) كل هالامور تأثر على الحضور...صحيح اننا ويننا عند روحنا لما يجي الهلال للدمام..والسبب قلة حضوره الفريق للمنطقه..بس لو صارت كل المبارات عندنا بالدمام نفس الشي بيصيرالحضور بيقل تدريجيا...وانا صراحه استغرب من رئيسنا الغالي كلامه بخصوص هذا الموضوع..كان ممكن يوصل الرساله اللي بيها بدون هالكلام هذا....يقدر يقول اي شي ثاني..بطريقه تحفيزيه موب تهديديه!!
على العموم ونعم والله بجمهور الرياض(الوفي) وبكل جماهير الهلال في كل مكان.....ولازم الكل يعرف ان المستوى الفني الرفيع هو اللي يجيب الجمهور..ياخي بالعقل..لما تجي مباراة للهلال والهلال مستواه حلو اكيد ابتحمس واروح اشوف لعب يوسع الصدر...بس بهالمستوى هذا وبالاضافه(لكثرة المباريات اللي تقام بالرياض),,وبرضوا ظروف الواحد بشكل عام,,هي اللي تحد من الحضور...
مشكور اخوي الغالي هلالي شقردي على طرحك المميز للموضوع...ونتمنى من الجميع انهم مايخلون فيه حساسيه بين الجمهور.......خصوصا ان مافيه احد(عاقل) ينكر دور جماهير الهلال في الرياض..ووقفاته العظيمه مع الفريق.......واقولهم الله يقويكم ان شاء الله..خصوصا مع اقتراب مراحل الحسم في (الثلاث بطولات القادمه).....وتراكم دايم ترفعون روسنا وهذا العشم فيكم...... |
الوضع العادي
