السلام عليكم

كيف حالكم يازعماء

اول شي مبروك الفوز

ثاني شي انا حبيت اكتب هذا الموضوع بعد ماجيت من الملعب لأني بصراحه شفت حاجات من جمهور الزعيم
اعتقد انه اكبر منها صحيح ان الحكم ورجل الخط تحاملا على الهلال ولكن هذا مايبرر التصرفات اللي انا شفتها بتقولون وش التصرفات انا أقولكم

اول شي انواع غراش المويه والبيبسي اللي انحذفت على رجل الخط يعني اخسر ريال على شي تافه<<<( قعيطي ) وليتها وقفت على العلب انا شفت واحد حذف (وانتم بكرامه ) نعاله هذا المسكين بيرجع حافي وخسر القيمه ;)

ثاني شي الالفاظ اللي يرددها رئيس الرابطه او اللي ماسك الميكرفون ( انا ذكرت هذا على اساس انه صاج الملعب من اوله الى آخره) يعني الفاظ مالها داعي وهذا غير الفاظ الجماهير

يعني هذي التصرفات ماراح تفيد الزعيم بالعكس راح تضره

انا حبيت ابين الشي هذا على اساس اننا نتفاداه ومانخلي لأعدائنا فرصه خاصه الرئيس اياه لأن اللجنه راح تسمع له

والف شكر للزعماء

شي مو جديد عادي لابد في كل جمهور وفي كل مكان فئه شاذه

جزاك الله خير ..

وهذه انفعالات مالها داعي ولاكن الشيطان هو السبب ..

والحكام ماقصروا اسمعو الثمامي وجابوا الطامة الكبرى والنتيجة المتضرر الهلال ..

هلا اخوي هلالي السولدير

OK أخوي في كل جمهور فئه شاذه بس اليوم بالملعب بزود

يعني رئيس الرابطه يتلفظ الفاظ طبعاً يلحنها على شان الجماهير تردد وراه

اخي اتمنى ان نحاول نعلم الفئه الشاذه اصول التشجيع

والف شكر لك على التجاوب والرد

أخوك zmlan

هلا أخوي هلالي صميم/ابوزياد

صدقت أخوي الشيطان حاضر في كل وقت

لكن نرجوا ان الجماهير تلعن الشيطان في المرات الجايه

وماتجيب الطامه بالهلال

ومثل ماقلت كل القصد مصلحة الهلال

ومن ناحية الحكام فيه طرق ثانيه للأعتراض غير اللي شفناه اليوم

الف شكر لك على التجاوب والرد

أخوك zmlan

ياخي هذا مووب رئيس الرابطة ,,,,,

رئيس الرابطة كان يدعم اللاعبين داخل غرف اللاعبين ,,,, ما كان معنا ,,,,

هذا واحد الله يهدييه انشا الله ,,,,,

ولكن يبقى جمهور اليوم غييييييييييييييير
نتمنى ان يحذو جمهور الرياض حــــذوه
تشجيع من اول دقيقة حتى آخر دقيقـــــة

هلااااااااا أخوي زعـــ( اسيا )ـــيم

آآآآآسف جداً لأني اسميته رئيس الرابطه

ألحمد الله انه مهو رئيس الرابطه

والف شكر لك على التوضيح

بس اتمنى من المعنيين انهم يشوفون لهم حل مع هذا الفنان

ومره ثانيه الف الف شكر لك على هذا التوضيح والرد

أخوك zmlan

هلا أخوي أبو نواف 85

صدقت الجمهور غير وغيرين من ناحية التجاوب والتشجيع بس خربها الفنان اللي ماسك المكرفون

ونتمنى من الجماهير في كل المملكه ان تتجاوب مع الزعيم في الحضور

بس لايجيبون مثل الفنان اللي اليوم

الف شكر لك على التجاوب والرد

الافعال هذي غير جيده ولكن الجمهور لم يتحمل هذا الظلم الصريح.

ليه وش قال الفنان اللي تقولونه

انا في الملعب ماسمعت منه شي

لكن كان مدهر مع الجمهور ويحمسهم

الا اذا كان قال شي ماسمعته

الله اعلم

إقتباس إقتباس من مشاركة هلالي السولدير شي مو جديد عادي لابد في كل جمهور وفي كل مكان فئه شاذه

هلا أخوي هلالي^الشرقية

كلنا لم نتحمل

نتمنى ان لا نسئ لزعيمنا من غير قصد

الف شكر لك على التجاوب

أخوك Zmlan

هلا أخوي عاشــ زعيم الفن ـــق

والله هو ماقصر لكن من انطرد تراوري خربها وقام يغني ويسب

وانا سامعه باذني واللي معي سامعينه

الف شكر لك على الرد

أخوي Z3eeM_Dc

مثل ماقلت لأخونا هلالي السولدير

الف شكر لك على الرد