اول شي مشكووووووووور اخوي هلال الهليل

بالنسبة لجماهير الرياض فأنا اساندك في عتبك عليهم لانهم ما يحضرون
في المباريات بالشكل المطلوب ....
لكن

موب بالطريقة اللي انت تقول (انهم ما يستاهلون درة الملاعب) ..
ليه يا هلال ,,,

ولا بالطريقة اللي يتكلم فيها سمو رئيس النادي يوم قال كنت اتمنى
ان يكون نهائي كاس فيصل بالشرقية ,,,
ليه يابو عبدالرحمن يعني ما ملت عينك البطولات اللي تحققت للهلال في درة الملاعب ...

[ALIGN=CENTER]الهلال + يوم الاربعاء + درة الملاعب + جمهور الرياض = بطولة ( بعد مشيئة الله )[/ALIGN]

@@ طبعا اذا قلنا ان جمهور الشرقية يعطيهم الف عافية ما يقصرون في المباريات ..

وجمهور حايل برضه ما يقصرون ( على انهم تأخروا ما جوا في مباراة الاولمبي4/1)

وكذلك جمهور الهلال في المنطقة الجنوبية ما يقصرون في بطولة الصداقة

وما ننسى جمهور القصيم بعد

ليش ما تسجل عتبك على جماهير الهلال في جدة
اللي اذا جاب الهلال قووووووول وجابو اللقطة عليهم ولاهم عشرة ( داج واخوياه )
في الدرجة الاولى ..على انهم ما يشوفون الهلال الا مرتين
لكن يعلم الله انهم ما يقصرون في النهائيات وكلنا يذكر 1416ه و 1422ه نهائيي الدوري
وعام 1415ه و 1420ه في نهائيي كاس ولي العهد سلمني عليهم والله ...

================================================

المباريات اللي فيها نتائج مدهشة كانت في عام النكسة 1419ه
ضد النجمة -هجر-الطائي-الاتفاق مباريات لم تكن منقولة تلفزيونيا لكن الفريق
ذيك الايام (((كان يقدم كورة حلوة))) وكانت الجماهير تملي الملعب شف من كان فيه من نجوم
الشريدة و الدوخي والعويران خميس و ابو ثنين والتيماوي والثنيان وسامي
والغشيان و بالاضافة ال الثلاثة ليتانا وبشار عبدالله والعيادي الحمروني
وكان المدرب خليل الزياني طبعا ما توفقنا في البطولات ذاك الموسم ===============================================

الاخوان اللي يقولون يا ليت نصير مثل جمهور الاتحاد هذولا ما ينلامون . . لكن
وفر لجماهير الهلال مثل ما يوفر لهم من رابطة وبعدين يكمل الكلام ...
حاليا و حتى الساعة هذي الاخوان في العلاقات العامة في النادي ما يقصرون
يدورون على رابطة لمباراة بكرا ضد الشارقة واتمنى انهم يحصلون مرادهم
ويلقون رابطة او اننا بكرا بنكتفي ب(سفير بلادي الغالية)

==============================================