ألف مبروك للنصر - نادي الهلال السعودي - شبكة الزعيم

وليد · #1 02/04/2001, 08:48 PM

السلام عليكم ورحمة الله وبركاته,,,

استطاع فريق النصر السعودي بتسجيل أول فوز له في هذه البطولة أمام الصفاقصي التونسي الذي وصفته بهذه البطولة ب(صفر على الشمال)حيث فاز النصر 2-0

مبروووووووووووك للنصر وهو فوز عن جدارة وإستحقاق,,,وهذا يعني أن مباراة الهلال والنصر سيكون لها طابع خااااااااااص جدا,,,وإنشاء الله تكون من نصيب الهلال,,,

أرجوكم باركوا للنصر فهو (سعودي)!!!!

وشكرا لكم,,,
وليد

Yaser · #2 02/04/2001, 08:54 PM

وعليكم السلام ورحمة الله وبركاته

الف الف مبروك لنادي النصر..

ابدعوا اليوم..
وفازوا عن جداره واستحقاق..
والصفاقصي التونسي موب صفر على الشمال, ولكن هذا يثبت علو الكره السعوديه على نظرائها العرب..

وعقبال الهلال..

وشكرا وليد

بوهلالي · #3 02/04/2001, 09:24 PM

ألف مبروك للنصر
بس
والله كان ودي أقولها للهلال . . . . لكن

محب الازرق · #4 02/04/2001, 09:34 PM

والله انه( الفرحه مش سيعاني)زي ما يقوله
صراحة قمة الوطنية والروح الرياضية
والله فرحت لهذا الموضوع
وصراحة النصر فريق شرف الكرة السعودية اليوم
وعقبال الهلال انشاء الله

واتمنى انه أحد يوصل هذا الموضوع للمنتدى النصراوى
في واحد من عندهم شكك في التحكيم وعن الهدف الملغي
ورد عليه واحد عجبني بكلمتين وهي
انت سعودي؟؟

ومشكورييييييين

هلال 2001 · #5 02/04/2001, 09:45 PM

مبروك للنصر
نقولها وحنا واعين رياضياً
نقولها وعقولنا مدركة وش نقول
نقولها نعم لعبوا صح وفقاً لإمكانياتهم الفنية
نقولها وحنا مدركين ان الصفاقسي مع احترامي لهم وللجيش انهم تكملة عدد.
نقول انهم احترموا جماهيرهم ، والجود من الموجود .
نقولها ونذكرهم ان التركيز لازم يكون على اللعب ، ماهوب على التشكيك في بطولات الآخرين كما يفعلها كبيرهم .
نقولها ونحن نتمنى أن نحصل على مدرب مثل آرثر
نقول انشاء الله الف مبروك والعاقبة لنا بإذن الله وان تكون حافلة بالمسرات ، وبداية عهد جديد بالبطولات .

العاني 2000 · #6 02/04/2001, 09:46 PM

السلام عليكم
الصراحه النصر يستحق فوزه اليوم لانه لعب صح بس الله يهدي الهلاليين
انشاء الله الوعد بمدريد

مع تحيات العاني 2000

مجتهد · #7 02/04/2001, 10:25 PM

مبروك للنصر . الحقيقة انهم يستهلون أدوا مباراة برجولة وقتالية كبيره ليس كبعض لاعبي الهلال يتمشون عند الكوره.

shagrawi hilali · #8 02/04/2001, 10:27 PM

1,000,000,000,000,000,000 مبروك للنصر

y2k · #9 02/04/2001, 10:29 PM

بكل روح رياضية أقول ألف مبروك يانصراويه.
يستاهل النصر الفوز لأنه فريق منظم كل لاعب يعرف ماهي مهامه (حتى صانع اللعب يانواف) وفوق ذلك كله لعبوا بروح عاليه نفتقدها في الهلال ولانجدها في العام الأ مرتان او اقل.

][wolf][ · #10 02/04/2001, 10:36 PM

اخوي اهنيك على روحك الرياضيه الرائعه..كون انك تبارك للجار اللدود هذي قوه تحسد عليها .....

لكن يالغالي اسمح لي اني اعتبر حركتك هذي خيانه بحق الهلال ككيان من اداره ولاعبين وجماهير...

والله حرام.....حرام اننا نعاملهم بالاحسان وهم يطعنوننا بالظهر....

متى نتخلص من ضعفنا هذا ومن مثاليتنا المقيته الي بغر مكانها...

فريق يشهر بك ويسبك بكل مكان ويكرهك كره الويل تهنئيه ليش؟؟

الهلال وبس والباقي تحت نعالي ولكم الكرامه....وجعل لساني ينقص ويدي تكسر اذا كنت ابنطق او اكتب اي تهنئه كانت بحق هالنادي التعبان....

نواف95 · #11 02/04/2001, 10:48 PM

رشوة !!!! عقيم !!!! جمهور الواق واق !!!! التعرض لرمز الهلال صالح النعيمة !!!

شعار الهلال = شعار دولة (****) !!!!!!!!

وش تبي اكثر من كذه !!!!!!!

مبروك لتفكيرنا مبرووووووووك !!!!!!!!!

ان لم تكن ذئباً اكلتك الذئاب

اقطع لساني قبل لا اقولها *********
[عدلت بواسطة ادارة الموقع التاريخ:03-04-2001 الساعة: 01:20 AM]

ماروكو · #12 02/04/2001, 11:10 PM

احيك على روحك الرياضيه اخوي وليد ووالله اني كنت راح اكتب هذا الموضوع
بس سبقتني وانا اقول الف مبروك للنصر
وبعدين يا اخوان ليش ماتباركون لهم تراهم فريق سعودي اول شئ، ثاني شئ
ليش ما تكون اخلاقنا احسن منهم وبكذا يمكن تكون فيه منافسه مين احسن
من الثاني اخلاقا وبكذا ماراح يكون فيه تعصب انشاء الله

جابر عثرات الهلال · #13 03/04/2001, 12:01 AM

السلام عليكم : اخوي العزيز وليد ..اهنئك على الوطنية الرائعة واقول مبروك للنصر ...لا سمح الله كانها تبي تطير من زعيمنا ...على الاقل ياخذونها النصر...! ياجماعة ..احنا نبي نكون احسن منهم ....ونكون على قدر عالي من الروح الوطنية....بالتوفيق للزعيم

تحياتي واشواقي

#14 03/04/2001, 12:15 AM

يستاهلون الف مبروك للنصر وحظ اوفر لنا

سيف السيف · #15 03/04/2001, 12:48 AM

مبروك لممثل الكرة السعودية الثاني نادي النصر (( السعودي ))

مع اني ما شفت المباراة لكن بما انهم يمثلون الوطن فنقولهم مبروك

وعقبال ما نفوز عليهم انشالله ونفوز على الصفاقصي كذلك