[ALIGN=CENTER]السلام عليكم ورحمته وبركاته [/ALIGN]
[ALIGN=CENTER]
اهلآ بجماهير الزعيم [/ALIGN]
خانه المحور في اي فريق تعتبر من اهم المراكز في الملعب

فمن ((( عبادي الهذلاول الى فيصل ابو اثنين الى خميس العويران )))

لم نجد احد يعوض عنهم

خالد عزيز احد ابناء نادي الهلال كل سنه يتطور ويصفى ذهنه ما شالله تبارك الله

من خلال تقطيع الكور والتمرير وارسال الكورات الطويله والمشاركه في الهجمه بدون تعطيل او قتل للكره مع هذه ما شالله بنيه جسمنيه قويه وايضا يتميز بسرعه


خالد عزيز مع الخثران سيمثلان قوه كبيره في مركز المحور

وهذه ما نتمناه
------------------------------------------------------------------------------------------------

لاكن كل هذه التطور اللي نلحظه في خالد عزيز (( سيقتل لاجل عيون الغامدي))

وهذه ما اخشاه

هل عدم تلعيب الغامدي بسبب الاصابه ؟؟

ما اقول الا دنيا حظوظ

هل حظ الغامدي سيصبح مثل طيب الذكر المسعري ؟؟؟ الله يستر

مشكور أخوي على الموضوع بس عندي مداخله وهو أنه لا يمكن أن يبقى هذا اللاعب احتياطياً على حساب الغامدي أو غيره ، نحن عرفنا الغامدي مع كل مدرب أساسياً لكن إذا كان آديموس سيشرك الغامدي فسوف يشركه لكن من المستحيلات أن يخرج عزيز مهما كان .


مشكور أخوي تركي الكبيرعلى الموضوع وما قصرت يعطيك ألف عافيه .


تحياتي : أبوياسر

كلام جميل .. و أتفق معك 100% , لكن وش دخل الخثران و سافيت بالموضوع . يعني ماقريت ولاكلمة عنهم ..

و نسيت اقول لك مقالة بنيس رائعة ,, جد حلوه

يالله حيوه ....وين الناس ياعمي ...وش دعوة كل هالغيبة ...والله لو أدري كان خلينا المسعري يلعب كل يوم عشان نشوفك ...
بس تعال من هو (( safety)) ذا ....لايصير تقصد سيفو ....
الله يحييك safety هو اللي يحطونه فوق سياره الدوريات ويقول وي وي وي وي , اما الخال خوينا اسمه سيفو ....ماعلينا من هالكلام ولاتطول الغيبات ياغالي تراك عزيز علينا ....

هلا اخوي ابو ياسر

نعم واذكرك سيخرج خالد عزيز لعيون (( الغامدي )) لان الغامدي لاعب دولي كذا حظه

المستحيــل الأزرق

طيب ولا تزعل وضحت اكثر ارجع للموضوع وتعرف وشكرآآ على تذكير للخثران:p


شرشبيل هلا والله وغلا والله موجود كل يوم في شبكه الزعيم

والبركه فيكم

شكلكم فاهمين غلط (( safety )) اللي اقصده لقب لخالد عزيز يعنى الامان
خالد عزيز الامان والامن وصمام الامان زي ما تحب

اما عن محترفي الهلال كلهم روعه قسم بالله ( سيسه تراوري سيفو) اعتبرها صفقات ناجحه ولله الحمد

اخوي خلني اقول لك شيء واحد .. البقاء للافضل.. اذا كان احسن من عزيز ليش لا ياخي موب عيب الاحتياط هذا سامي احتياط ابو يعقوب كان احتياطي .. و المميز يضل مميز

إقتباس إقتباس من مشاركة Z3eeM_Dc اخوي خلني اقول لك شيء واحد .. البقاء للافضل.. اذا كان احسن من عزيز ليش لا ياخي موب عيب الاحتياط هذا سامي احتياط ابو يعقوب كان احتياطي .. و المميز يضل مميز

كلام اكثر من رائع

ويستاهل سور الزعيم

اخوي عندي لك اقتراح


لعب الفلتة لاعبك في الوسط الإيمن مكان الموقع اللي يلعب فيه عمر الغامدي (( في غير مركزه )) وشوف كيف يساند الدوخي والهجوم (( والله يخليك تكره شئ اسمه كورة )) فاهمني زين؟؟!!

ورجع الغامدي لخانته الأساسية المحور وشوف؟؟!!

صدقني لينسيك خميس العويران ( ..... )

لكن قناعات المدربين و غير وجود لاعب في مركز الوسط الإيمن هي السبب في تدني مستوى اللاعب للسبب أعلاه كما ذكرت ؛

تحياتي

ابقولك شي لاتقاطعنا كذا الله يحييك ومن طول الغيبات جاب الغنايم

ولاتنسون البرقان

المحور انشالله مركز آمن

الدليل القاطع على صحة كلام الاخ تركي هو التطور الكبير والواضح في مستوى الوسط الهلالي دفاعاً وهجوماً في مباراتي الاهلي والشعلة بعد تثبيت عزيز والخثران واخراج الغامدي