][][في احد بيسلفني عنوان][][ - نادي الهلال السعودي - شبكة الزعيم

ريفالدو الفن · #1 18/01/2004, 09:29 AM

[ALIGN=CENTER]
ذوكر في روايه لابن غبشان في كتابه ((الجمال ودواعيسه))
وقد ترجم لعدة لهجات منها الجداويه بعنوان ((الجمال واسيابوو))
في الباب الاول
ذات يوم عطس فتى يسمى محالكوو وهو مبنشر على الطريق الدائري عام 600 قبل الميلاد
وكانت الرياح شماليه غربيه آن ذاك على ذمة ابو يزيد الكراني
فذهب رذاذ عطسته مع الرياح
وكان سبب جمال بنات بوركينا فاسو وماحولها من ديار موزنبيق ومالي

7
7
7
7
7

روح الكفاح للوصول للشهره
هذا لايعني ايضاً انها من ضحايا عطسة محالكووو

نجي لموضوعنا ونفتح صفحه جديده من اول السطر

هذي سالفه موثوقه في مذكرات العائله فبرايفت يا ام عبدالرحمن لحد يجحد السالفه
<<= ابوك يالبرايفت اللي مدري وش يبي

كان ذلك قبل الحرب الأخيره على العراق
حيث اني انا والعجيّز الله يطول بعمرها جالسين مع الشايب نتفرج الاخبار

والعجوز انواع الرجفه من الحرب
المهم جا المذيع حق الاخبار قال:
( بالنسبه لملف العراق فقد اعلن كولن باول الخميس الماضي ))
8
8
هنا بدت الموشكله وبدأت حرب من نوع اخر
حين فزت العجيّز وقالت بأعلى صوتها

ياويسي ياويلي الحرب بتقوم الخميس الماضي
((كل واحد يجرب الصرخه بصوت عجيزه مع شوية لطم ))
8
8
الله يخلي ميمتي انواع الخرشه من الحرب

هنا التفت الشايب التفاتت عبدالله الشريده على عبدالرحمن البيشي
وناظر بميمتي
والتقط شيئا لم المحه
((انا في وقتها قلت سبحان اللذي انعم الصحة على البشر ماشاء الله تف عليك يبه الله لايخلينا منك))
اللي حسيت فيه انه في شي مر من قدام جبهتي حرك شعري
نعم لقد كانت باكورته(عكازه)
لقد حذفها
بسرعة بوشعيب المباركي
ولكن
ولكن

ماهذا

لقيت العجيز في زاويه ثانيه من الصاله وتفادت العكاز

من يسكن معنا
هذه ليست بأمي

ابوووك يا DARK ANGEL
((((هذي مشكلة اللي يضغط بالغلط على قناة 2))))
الشايب حينها قال:
ابووو اللي يتفرج معتس اخبار
يعني الحرب بدت الخميس الماضي وحنا نايمين ؟

على العموم انتهى الموقف بهدنه من الطرفين مفادها وقت الاخبار محد يمغط ظهره من حدود الصاله شرقا حتى اطراف مطبخ البيت

لــــيلة العمر
او مايسمى بــ العرس

اجلسو يابنات
غدوده اجلسي الله مير يصلحك
محد بيعرس بس عندي سالفه تتعلق بالعرس
هنا وحصرياً اعلن لكم لاول مره صالة افراح بقيق اين تقع؟؟

الوحده او الواحد تكون ليلة عمره في ليلة زواجه
8
8
باللهي عليك؟
ماتكون اذا كان في توقيف
ولا خشم موتره معطي امططططخ للمبه
<<= وربي انت دايم تجيب لنفسك الكلام
=>> اهييي دي ماكانتشي كلمه وخرقت من بوئي
نرجع لموضوعنا
لكن المشكله في مكان ليلة عمره
يا انها يكون فندق فخم
او قاعة السيف اللي بالواجه البحريه
او صالة افراح ولايهون فندق برج بقيق اللي فوقه قهوه ومعسل وتحيه لابو زايد
او او او ..... الخ
لكن ان يكون زفافك في صاله تقع

وحط تحت كلمة تقع سبعة خطوط

ان تقع الصاله في منطقه الصناعيه بين ورش تغيير الزيت وتوظيب المكاين واستبدال البواجي وتكون محاطاً بسيارات من غير كبوت وكفرات هذي الطامه
يعني تتوقعون الكوشه تكون اسيات سوبر89
تخيلوو
ولكم منى احلى خيال له تغيير زيت سوبر شل مجاناً
و بوكيه بواجي

~*¤ô§ô¤*~ التقــرير الشهري~*¤ô§ô¤*~

وكالمعتاد نأتي لكم بسوالف بعض الشباب اللذين حكم علي القدر اماشيهم
هذي سالفة واحد من العيال خانه التعبير
قبل 12 سنه ونيف <== احيييييييييه يانيـف هذي خذت مني مجهووود
وكان عمره انذاك 12 ربيعا <<== اجحد ربيعا مابه ربيع قيييييييييييييييييييض قارس

((كأني اشوف واحد بيتفسف وبيقول اكيد عمره الحين 24 وربي لاتوطى بحوض بطنه ))
سامعني يامسطول
ابوهالولد في ارامكو هاي قريد <= لاحد يقول هاي قريد = قرد مرتفع
هاي قريد = مرتبته فوق
وكان الاخ اللطيف هذا دايما يتهاوش عيال الامريكان
مره من المراريت قدريحجر لولد امريكي كان يتلقف عليه دايم هو ومعه واحد من العيال
المهم من القهر اللي فيه يبي يعبر للامريكي وماهنا لغه
وطلع جمله لو تجي مسز كوني يا قطنه وتسمعها يقلب اسمها مسز لا تكوني
الاخ اللطيف مسك الامريكي مع حلقه وقال

7
7
7
ون تو ثري سكتنا لك بس الحين نو
يعني مره وثنتين وثلاثه سكتنا لك بس الحين لا
8
8
حسيت يوم سمعت السالفه جاني برايفت مدري من وين يقول
يازين اللغه العربيه وبرنامج المناهل و ابو الحروف

المشكله اللي فاقعن مرارتي
بطاقة احواله مكتوب مكان الميلاد الولايات المتحده الامريكيه
واللي يشوف سوالفه تقول ان سره مقطوع فوق طعس جنبه ردميه وعليها لوحة مكتوب عليها غنم ابو صالح 1 كيلو

ولكنها نخشة بقلبي حبيت افضفضها

السالفه الثانيه
كنا نتمشى بالسياره في ضواحي بقيق <<== ماهي بغداد يابعد قلب امك ؟

كنا نتمشى وانا واثنين من الشباب
واحد منهم تشوف خشمه تقول ابد ثلاث شباب جالسين يستنون يكمل لهم رابع بلوت
8
8
اللهم لا شماته
لا بس جد خمشه ياما وياما ضيعنا
مره يمرون علينا بشريه يحسبونا نلعب سنوكر (بلياردو)
ومره كنا بالبر وتجينا سياره من بعيد تحسب خشمه برج جوال
واخرها يوم مسكتنا الدوريه وحنا نتمشا والسبب الاخ اللطيف هذا مطلع راسه من الدريشه ويطالع بالقمر يحسبون معنا كنود والاريل طالع مع الدريشه
كنا نتمشى ووقفنا عند اشاره وجنبنا سيارة امريكي وزوجته وولدهم الصغير عمره 5 سنين
ابو خشم هذا سمع الصغير يتكلم انجليزي مع امه
وفجأه قال
نعنبوووووووووووووووه من ورع متى مداه يتعلم انجليزي
نزلت انا وخويي الثاني وعضينا الازفلت من الضحك
8
8
8
صوره مع التحيه لوزارة المعارف والله لايهينكم التخرج صار مثل براد ابو اربع

8
8
كل هذا كان مقدمه اطول مقدمه في تاريخ خلي بالك على سطحك

نجي لموضوعنا
ماتلاحظون الوكيح بوش واللي معه <= ابسط يامستر YAY لقينا لك كلمه تتعامل معها وتقدر تقراها
ماتلاحظن بوش وقروده ناوين نيه على سوريا
من الحين يــبــّرحون له طريق عشان يلقون عذر

على العموم انا شايف في اغلبيه كبيره من الشباب يدعون ان سوريا مايجيها شي وخصوصاً الصيفيه
الثلاثه اللي داقين لطمه ورى فكو اللطمه الدعوه فري ترى
يعني شوفوا ياشبيبة الخير يا انواع الطفره
لكم ثلاث اماكن تروحونها لو صار شي لاسمح الله بسوريا
ابها
ثم ابها
ثم ابها البهيه
يعني مالك مفر انت وياه غير السياحه الداخليه هالسنه
الكلام مخصص لذوي اعاقات الجيب الخاصه
يعني مالك الا ابها او مسامره حلوه مع قرود الهدا وانت مخيم
<= يسمع بقرود الهدا وطلعت الهدا ولاقد راح لها

ويحلفون ان ابها تتعامل بالريال
لاحد يجي راز برطمه وهو يقلب لسانه
تارة يمنه وتارةً يسره على باله في حلب ويطلع 100 ليره
8
8
8

][][][ ترى كل اللي راح مقدمه المره الجايه موضوع ][][][
8
8
8
يالله فوتوكو بعافيه

الا على فكره ماتلاحظون ياعيال الرحباني اننا الوحيدين اللي محلات تواقيعنا فاضيه
اووووه عاد الحين منتدى التصاميم يحتفلون بالاوسمه وعلى البركه يستاهلون
ويقولون من نشاطهم كل واحد حاط تحت المخده برنامج فوتوشوب ولا سويتش
<= يسمع بالذرابه
على العموم تسوون خير فيني وفي اللي حاط تخيلوو نخله في وقت الغروب الاخ بيكاسوو وفي مح مح بيه
تحياتي لكم
تشاااااااااااااااااااااوو

ملاحظــه: الموضوع هذا كان طريح الفراش منذو مبطي وتو لقيت فرصه ماشاء الله الاعضاء يخلونك تخاف تنزل موضوع يعني بعذر طبي مو مثل موضوع بدر احتياط
<<= ارفق علينا ياعبدالمجيد عبدالله [/ALIGN]