الا سامي يا أديموس..وقصيدة لسامي.. - نادي الهلال السعودي - شبكة الزعيم

الهلالي- ابوسارة · #1 15/01/2004, 11:13 AM

سمعنا ان فيه خلاف لاديموس مع سامي... وياخوفي يكون اديموس مثل جريدة الرياض... ويتعامل مع سامي بطريقة تصفية حسابات..
من معسكر هولندا والى الآن والمدرب يتجاهل سامي.. وسامي مؤهل بدنياً ونفسياً وذهنياً...
مرة مايلعبه .. مرة احتياط.. مرة يطببه آخر المباراة!!!
بذمتكم ..تراوري.. أو الحربي.. أو سيسيه.. أفظل من سامي؟؟!!_
________ _______ ___________________ ____________ ________
آديموس.. اختلف مع ابوك.. مع أمك.. مع هولندا بكبرها.. بس سامي لالالا...no no no
آديموس.. ممكن نصبر على خططك الدفاعية..على تكتيكك المهوي أحياناً.. على تغييراتك الغريبة..
لكن .. تهميش ابوعبدالله لالالا..no no no
_________ __________ _____________ _______________ _______
اناشد رجال الهلال :
ياجماعة الخير مايصير.. شايب هولندي ماله سنة في الهلال..يتلاعب بتاريخ ابوعبدالله...
يارجال الهلال.. فهموه منهو سامي بالنسبة لنا.. وان ماتسنع.. مسكوه الباب.....
_________________________________________________
وهذي الابيات هدية مني لسامي واتمنى تعجبكم:

سامي نحبك..غصب بالكره بالطيب***بالطول ولا عرض .. سامي نحبك
كم أزمة.. حليتها أنت يا ذيب***وكم دمعة..طاحت ياسامي فرح بك
وكم حارس طلعت في مفرقه شيب***وكم من مدافع .. طاح مرتاع جنبك
اذا رجعت النص.... بالحيل لعيب***واذا طلعت هجوم .... أفظل مشبك
احترت أنا وياك... من جد يا ذيب***ويشهد على ما اقول ... ربي وربك
واسفه ياسامي من حكى فيك بالعيب*اللي قهرته .. راس ماله .. يسبك
سمسم نحبك..غصب او كره او طيب**بالطول ولا عرض ... يعني نحبك

وسلامتكم,,,
ولي عودة بخصوص ((المندسين)) بالمنتدى ويطعنون في أبوعبدالله..
_____________________________________________________________تحياتي لكم .. أبو سارة؟؟!!

قالت لي قلبك وين قلتلها ناسيه..قالت لي وينه قلت وسط العريجا!!

محـــــ الهلال ــــب · #2 15/01/2004, 11:37 AM

ودنى احنا نعرف الى متى يستمر هذا التجاهل لســـــــــامي

الى متى الى متى يااداره

السلماني · #3 15/01/2004, 02:11 PM

خلوهم على كيفهم يبون يعرفون قيمة سامي في وقت الحسم وخلوا ترواري والا سيسيه ينفعهم والخاسر الاول والاخير الزعيم ,وليس اديموس ومن سكت على هذا الاجحاف في حق الرمز سامي.

عاشق المو10هوب · #4 15/01/2004, 02:14 PM

بصراحة أدموس مايفهم شيء أجل أيحط سامي في الأحتياط

sam6×wolf9 · #5 15/01/2004, 02:37 PM

[ALIGN=CENTER]والله قهر سااااااااااااااامي احتياط ..

ولا وقدام ميييين ، قدام فريق النثر ..

اااااااااااااه

يا خوفي من اديموس انه ما يلعبه أبد ..[/ALIGN]

المنسي · #6 15/01/2004, 06:18 PM

إقتباس


	سامي نحبك..غصب بالكره بالطيب*بالطول ولا عرض .. سامي نحبك كم أزمة.. حليتها أنت يا ذيبوكم دمعة..طاحت ياسامي فرح بك وكم حارس طلعت في مفرقه شيبوكم من مدافع .. طاح مرتاع جنبك اذا رجعت النص.... بالحيل لعيبواذا طلعت هجوم .... أفظل مشبك احترت أنا وياك... من جد يا ذيب*ويشهد على ما اقول ... ربي وربك واسفه ياسامي من حكى فيك بالعيباللي قهرته .. راس ماله .. يسبك سمسم نحبك..غصب او كره او طيب**بالطول ولا عرض ... يعني نحبك

ابيات رائعة يستحقها الذئب بلا شك

الله لايبارك فيك ياأد دي موس الي حرمتنا من مشاهد اسطورة اسيا