تعال وسجل حضورك للمباراة النهائية (لازم تجون).... - نادي الهلال السعودي - شبكة الزعيم

الذئب سامي وبس · #1 05/01/2004, 09:39 PM

السلام عليكم:

الف مبروووك التأهل للمباراة النهائية التي ستقام يوم الاربعاء

وان شاء الله اولمبي الهلال راح يرفع الكاس ان شاء الله

ونتمنى من جمهور الهلال الغالي الحضور للملعب يانااااااااس تراها مباراه نهائية الهلال سيلعب فيها لايغركم انهم صغار بالعكس المفروض نحضر للصغار اكثر من الكبار لان الصغار ماشاء الله عليهم رافعين راسنا فووووق وهذي هدية من الجمهور للاعبين وان شاء الله هديتهم لنا الكاس بأذن الله

يا شباااب لاااااااااااااازم تحضروووون

اللي بيحضر يقولونا على شان الباقي يتحمس ويمكن يجي

سلااااااااااام

هلا هلالي · #2 05/01/2004, 09:43 PM

سجلني اول الحضور
المباراة في الرياض والهلاليين فيها بالملايين معقوله ما نملي لهؤلاء الشباب الملعب
سلامي ...

faisal982sa · #3 05/01/2004, 10:19 PM

سجلني الثاني ان شاء الله

العمده سام 6 · #4 05/01/2004, 10:38 PM

وانا بعد ومعي ثلاثه ان شاء الله
يارب نفوز
تحيـــــــــــــــــــــــــاتــــــــــــــــــــــي

نجم الهلال · #5 05/01/2004, 10:49 PM

افلقني اذا جا واحد منهم ..
بتشوف الحضور مايتعدى الاربعة الاف ..
وبتعذرون لك بالبرد والاختبارات ..

اخخخ لو المباراة في الدمام

faisal982sa · #6 05/01/2004, 11:10 PM

إقتباس


	إقتباس من مشاركة نجم الهلال افلقني اذا جا واحد منهم .. بتشوف الحضور مايتعدى الاربعة الاف .. وبتعذرون لك بالبرد والاختبارات .. اخخخ لو المباراة في الدمام

الله يسامحك

السيناتور15 · #7 05/01/2004, 11:51 PM

مع اني ماخد على نفسي وعد باني ماحضر مباراه للهلال والكابتن النزهان يلعب فيها
بس بامانه رجال ابو نواف يستاهلون الحضور
سجلني انا حاضر ان شاء الله
وان شاء الله الكاس هلالي

تمياط الهلال · #8 05/01/2004, 11:51 PM

إقتباس


	إقتباس من مشاركة نجم الهلال افلقني اذا جا واحد منهم .. بتشوف الحضور مايتعدى الاربعة الاف .. وبتعذرون لك بالبرد والاختبارات .. اخخخ لو المباراة في الدمام

هلالي الرياض · #9 06/01/2004, 02:08 AM

حاضرين ان شاء الله ومعي 5 على الاقل

الحمدلله اني في الرياض هاليومين

يا محبين الهلال في الشرقية:
ما كان هذا العشم فيكم .
الحين بدل ما تطالبون الجمهور بالحضور قاعدين تتريقون على السالفة؟؟؟

والله لو الهلال يلعب نفس عدد مبارياته اللي في الرياض في الشرقية كان شفنا حضور اقل من اللي نشوفه في الرياض

خلوا عنكم الكلام الفاضي ترى في الموسم كله ما تنلعب عندكم الا 4 مباريات بالكثير, انتوا اللي مالكم عذر لو ما تحضرونها

سلام

مخاوي الشوق · #10 06/01/2004, 11:30 AM

هلا والله
ان شاء الله اكون من اول الحضور
بالرغم اني والله خارج المملكة
ولكن؟
لعيون الزعيم00كل شيء يهون
وان شاء الله
نرى الملعب مكتظ بجماهير الازرق
وقولو معاي
ان شاء الله البطولة زرقااااااء
اميــــــــــــــــــــــــــــــــــــــــــن

تحياتي

هلالي شامخ · #11 06/01/2004, 02:14 PM

إقتباس


	إقتباس من مشاركة نجم الهلال افلقني اذا جا واحد منهم .. بتشوف الحضور مايتعدى الاربعة الاف .. وبتعذرون لك بالبرد والاختبارات .. اخخخ لو المباراة في الدمام

[ALIGN=CENTER]ما احد ينكر ابد دور جمهور الشرقية في المباريات الي تقام في الشرقية .. لكن الحقيقة والحق يقال
ان جمهور الرياض في مباريات مثل هالمباريات دايما يثبت وجوده ويعتبر الافضـل بدون مقارنة وراح يثبت لك الحضور بكره مصداقية هالكلام .. ;)[/ALIGN]وسجلني مع الحاضــرين الله لا يهينك ؛؛

الـجـامـح · #12 06/01/2004, 03:37 PM

الوعد الملعب إنشاءالله

<<< ضامنها جايتني تذاكر في المنصه

لكن والله ماهي فارقه معاي منصة والا إنشاء الله فوق كبوس الملعب المهم اشجع الزعيم.

الشلال الهلالي · #13 06/01/2004, 04:26 PM

سجلني ان

الجمهور الهلالي يوم كان فى كاس الدوري مايحضر للمباريات بحاجة عدم وجود المستوي

بكره لايوجد عذرا للجمهور الهلالي فيه مستوي ونتجية

الشـلال الأزرق · #14 06/01/2004, 04:50 PM

سجلني عندك اول الحاظرين

وباذن الله نحتفل بالكاس

الذئب سامي وبس · #15 06/01/2004, 08:45 PM

والله اتمنى انكم تحضرووون ويمتلي الملعب ازرق وان شاء الله اذا شال (النزهان؟؟؟) الكاس كلكم تصرخون من الفرحة

بس هذا عددكم ان شاء الله خويي بيجي من الدمام للرياض علشان المباراة واتمنى التوفيق للهلال والظفر بالكاس

سلاااااااام