بعض مصــطلحـــــــــــــات اهل نجـــــــــــــــــــــــد !!!! - نادي الهلال السعودي - شبكة الزعيم

هلالي صميم/ابوزياد · #1 21/12/2003, 11:56 PM

[ALIGN=CENTER]

أبخص به: أعلم به..

صهده: امسكه بشده.. <-- ياحبيلها ذي!!
طسّ: ابعد وفارق..
الطّمل: غير النظيف..
يتطنز: يسخر..
حسّربه: عذبه..
العصقول: الشخص النحيل..
المقرود: الشقي الحظ.. <-- صفه تلازمني دائما
الاقشر: المؤذي..
قضبه: مسكه..
القامّه: الحيه..
قوه: امش..او قوه.. <----- ماتعرف الا هي محنااب هينيين ويتكلموون عنقلييزي go!!
تسايد: كايد يعني شديد..
لفعه: لطمه..
ناه: انظر..
النّغل: القاسي القلب..
!! واق: طلّ....مثل: حصه تويق من الدريشه (الطاقه) <--- تعرف تشرح
بالحيل!!
الوالم: الجاهز..
هجّ: هرب..
المهفّه: المروحه..
الهقوه: الظن..
المطرسه: عدم انجاز العمل بسرعه..
انقلع: ابعد
بتل: استمر..
الحزّه: الوقت..
تحلحل: تحرك من موضعه..
خبن الثوب: قصّره..
الخذاريف: اضغاث الاحلام..
الخرمسْ: الظلام الشديد..
الدّابّ : الحيّه..
الدْبكَه: الركض الشديد.. <--- احبها ذي!!
دجّ: افلس..
دردب الماء: شربه بصوت مسموع.. <--- حلوه ذي!!
اندعس: دخل في المكان الضيق..
دلق الباب: فتحه الى اقصى مداه..
وهقه: اوقعه في ورطه..
الزهاب: ماعرفت اشرحه لكم بس مثل: زهابين شرّاب..!! ((وصلت؟؟))
سحن الشئ: سحقه سحقا شديدا.. <-- احبها ذي بعد!!
انسدح: تمدد على الارض..
انسلح: انزلق وتدحرج..
السنع: حسن التصرف..
الشْبَثْ : نوع كبير من العناكب..
الشتراء: العنز القصيره الاذنين..
الشدفا: اللي تكتب باليد اليسرى..
المشفوح: اللي يموووت على البلع واذا شافه تقل ماعمره اكل..
الشنَقْ: الجانب..
ازهله: خله علي..
بحل به: احتار به..
بخق عينه: ضربها بشئ حاد..
بزع برأيه: انفرد به..
تَنْبَلْ: ضعف وعجز عن الحركه..
بلش به: لم يستطع التخلص منه..
البيز: خرقه تقي اليد عند الامساك..
الجغمه: من الماء أواللبن وغيره..
الحُبّه: القُبْله..
الحبحر: الفلفل الاحمر..
المحرول: المقعد.. [/ALIGN]

عــــ الهلالي ــارف · #2 22/12/2003, 12:05 AM

[ALIGN=CENTER]الله يعطيك العافيه يا بو زياد ...

وراك انت ساكن بالرياض ...

نشوفك على الف خير يا غالي ...

تحياتي ... [/ALIGN]

هلالي صميم/ابوزياد · #3 22/12/2003, 12:20 AM

إقتباس


	إقتباس من مشاركة عــــ الهلالي ــارف [ALIGN=CENTER]الله يعطيك العافيه يا بو زياد ... وراك انت ساكن بالرياض ... نشوفك على الف خير يا غالي ... تحياتي ... [/ALIGN]

[ALIGN=CENTER]لا
ولاكن
هي
مسقط
رأسي
يالغالي[/ALIGN]

الحاتمي · #4 22/12/2003, 03:17 AM

الـحــاتــمـــي .....

مــر مـــن هــــــنـــــــا ....

ويـقـول : في الصميم يابو زياد ;)

العرفج · #5 22/12/2003, 03:18 AM

حبيت اصحح عنوان الموضوع

مصطلحات مو مسطلحات

وتسلمووو على الموضوع

لي رجعة

تيماوي · #6 22/12/2003, 06:56 AM

إقتباس


	واق: طلّ....مثل: حصه تويق من الدريشه (الطاقه) <--- تعرف تشرح

@ إلا منهي اللي تعرف تشرح يا ابوزياد .!!!!!!!!!!

العرفج · #7 22/12/2003, 07:14 AM

إقتباس


	إقتباس من مشاركة هلالي صميم/ابوزياد [ALIGN=CENTER] صهده: امسكه بشده.. <-- ياحبيلها ذي!! [/ALIGN]

[ALIGN=CENTER]خابرها صده بس صهده والله ماحصل لنا الشرف

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] الطّمل: غير النظيف.. [/ALIGN]

[ALIGN=CENTER]متأكد انها مصلطحات اهل نجد

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] القامّه: الحيه.. [/ALIGN]

[ALIGN=CENTER]خابرها الداب مثل ما تفضلت بس القامه

منكم نستفيد

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] خبن الثوب: قصّره.. [/ALIGN]

[ALIGN=CENTER]الظاهر القاموس النجدي عندي يبي من يقراه مره ثانيه

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] الخرمسْ: الظلام الشديد.. [/ALIGN]

[ALIGN=CENTER]الله على هالكلمه احسها شاعريه مره ياي

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] الشْبَثْ : نوع كبير من العناكب.. [/ALIGN]

[ALIGN=CENTER]

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] الشدفا: اللي تكتب باليد اليسرى.. [/ALIGN]

[ALIGN=CENTER]اللي يكتب باليسار اخبرها " أعسم"

لكن اشدف او شدفا ما حصل لنا الشرف

[/ALIGN]

إقتباس


	إقتباس من مشاركة هلالي صميم/ابوزياد [ALIGN=CENTER] الحبحر: الفلفل الاحمر.. [/ALIGN]

[ALIGN=CENTER]وجمعها حباحر

[/ALIGN]

Abu saad 66 · #8 22/12/2003, 08:55 AM

متأكد انها مهيب لهجه قصيميه

قرقاص · #9 22/12/2003, 10:12 AM

إقتباس


	الحزّه: الوقت..

ودي أعرف وش علاقة الحزه بالوقت؟؟؟

إقتباس


	البيز

أظن هذي كلمة انجليزيه وهي pice تعني قطعه

ماحنا بسهلين

حورية الكويت · #10 22/12/2003, 10:33 AM

إقتباس


	ازهله: خله علي..

ياحبيلي لهالكلمه ;)

إقتباس


	الشدفا: اللي تكتب باليد اليسرى..

خابرتها الشتفا اما الشدفا اول مره اسمع فيها واسالني انا ابخص فيها ;)

إقتباس


	الخرمسْ: الظلام الشديد..

اقول هذي وعرفناها ;)

انا الحين بسالك وش معناه كلمه ( دلقس ) كانك نجدي جبها ;)

اشكرك اخوي صميم ويعطيك الف عافيه على هالموضووووع الحلوووو

تحياتي للجميع ;)

Pasta · #11 22/12/2003, 01:00 PM

[ALIGN=CENTER]مراحب

ياحبي لنجد وأهل نجد وكلامهم بعد

ألف شكر ابوزياد على هالمشاركه[/ALIGN]

راشــد · #12 23/12/2003, 12:27 AM

إقتباس


	إقتباس من مشاركة Pasta [ALIGN=CENTER]مراحب ياحبي لنجد وأهل نجد وكلامهم بعد ألف شكر ابوزياد على هالمشاركه[/ALIGN]

هلالي صميم/ابوزياد · #13 23/12/2003, 01:15 AM

يا حبيلكم

وياحليلكم

ويازينكم

ومشكورين

على مروركم ..

ولي عوده للأجابة مرة اخرى ..

الداود · #14 23/12/2003, 01:23 AM

إقتباس


	إقتباس من مشاركة عــــ الهلالي ــارف [ALIGN=CENTER]الله يعطيك العافيه يا بو زياد ... وراك انت ساكن بالرياض ... نشوفك على الف خير يا غالي ... تحياتي ... [/ALIGN]

الولد البار · #15 23/12/2003, 02:05 AM

إقتباس


	إقتباس من مشاركة Pasta [ALIGN=CENTER]مراحب ياحبي لنجد وأهل نجد وكلامهم بعد ألف شكر ابوزياد على هالمشاركه[/ALIGN]

نعم يا نجد أنا ما اقوى على بعدك

وياما فيه مصطلحات بس خلها مستورة

تحيه