[ALIGN=CENTER][TABLE=width:100%;][CELL=filter: dropshadow(color=gray,offx=4,offy=4);][ALIGN=center]السلام عليكم ورحمة الله وبركاته :[/ALIGN][/CELL][/TABLE][/ALIGN]



في البدايه أحب أرحب فيكم لأني عضوووووووووو جديد وإن شاء الله أكون عضو خفيف على قلبكم جميعا...

أنا عندي إستفسااااااااااارات عن اللاعب \ فيصل أبو 2 ...!؟


أبي أعرف إيش الاسباب اللي خلته يترك النادي لاني بصراحه كل ما سألت واحد عطاني موضوع طويل عنه بدون فايده واذا سالت الثاني قالي كلام غير عن الاول,, وأبي اعرف هل سيعود الى النادي ام لا ,, فودي الله يعطيكم العافيه انكم تفيدوني بالشئ هذا بأسرع ما يمكن


ولكم خالص شكري وتقديري ...

محبكم ومحب الزعيــــــــــــــــــــــــم :
نــــــــــــــواف ...

الله يسلمك انا بعطيك الموضوع باختصار ..
اللاعب طردوه من النادي لان المصيبيح مايبيه .. بس هذي هي السالفة

الله يا نجم الهلال بس ياليت توضح هذي المعلومة

لانها كذا مع احترامي ( ) وياليت تثبت عكس كلامي بس بكلام منطقي وواقعي علنا نعتذر لك على الاقل .

فيصل ابو اثنين لا يهم ماهي الاسباب وان كنت اظن انها من عضو شرف معروف ,,,,,,,,,
المهم انه يعلم ان مكانته في القلب ومكانه في الفريق شاغر سنعوض لاعب, ولن نعوض فيصل
الشخص الخلوق المؤدب المحبوب المخلص الدكتور المتعلم .

والله حتى انا نبي نعرف زيك بس انا اعتقد انه ( طرد) من الادارة الهلالية.........

والله اعلم.................

[ALIGN=CENTER]الغالي دلوع العليا

المعروف إن فيصل أبو ثنين في أحد الجلسات الخاصة تلفظ بكلام على رئيس الهلال ذاك الوقت


ثم وصل هذا الكلام من أحد الحضور إلى الرئيس


فأخبر الرئيس أعضاء الشرف في أحد الإجتماعات بما حدث من اللاعب


بعد ذلك لم يتم التجديد لأبوثنين


ثم دار هرج ومرج كما هي العادة :


عن أن السبب في ذلك هو المصيبيح


بزعم أن المصيبيح هو من يحرك ويأمر الرؤساء الذين يمرون على الهلال


( جددوا لهذا ـ لا تجددوا لذاك )


فما كان من أبو ثنين إلا أن صرّح في لقاء صحفي عندما سُئِلَ عن المتسبب في خروجه من النادي


وهل للمصيبيح شأن في الموضوع قال بالحرف :


[ [ المصيبيح أقل من أن يتسبب في خروجي من الهلال ] ] !!!!!!!!!!


وهذي كل السالفة [/ALIGN]

فيصل ابو ثنين شخص قليل الادب ومغرور(مع اخترامي لجميع الاعضاء) فيصل كان شايف نفسه أكثر من اللازم وتكلم عن رئيس نادي الهلال بطريقة ابناء الشوارع ...وقال أن الرئيس مايعرف شيء عن النادي وأنه ساكن في جدة ومانشوفه الا في الملعب وقت المباراة ....غير كذا هذا المتغطرس كان يرفض الدهاب للملعب مع الفريق ويتوجه بسيارته الخاصة مباشرة من المنزل للملعب ولا يذهب للنادي ثم يتوجه للملعب مع باقي زملاؤه بحافلة النادي (وكان هذا هو السبب الرئيسي للمشكلة بعد كذا تكلم عن رئيس النادي بالكلام اللي ذكرته في أول الرد ...فما كان من رئيس النادي الا ( أن يشوت هذا المتغطرس ) من النادي ليعرف هذا المريض ( بمرض تضخم الذات) شاته الرئيس من النادي وجاء واعتذر لكن الرئيس إكرام لاحد أعضاء الشرف وافق على عودة المغرور للتمارين مع حرمانه طق الكرة في المباريات الرسمية فأصبح اااخر شيء ممكن يصل له هذا (القندس) هو الجلوس على دكة الاحتياط ...ابو ثنين جيد في مركزه لكن أخلاقه سياحية وسيئه ويعاب عليه أخذه مقلب بنفسه حيث يرى نفسه أحد ألمع نجوم الكرة السعودية وهو برررحة في مباريات كثيرة ويقدم مستوى لابأس به في بعض المباريات....يكفيكم تعرفون بعضا من غرور هذا السبهه ...أنه قال حين كان الجوير يلعب للهلال وفي مباراة رسمية بعد أن مرر الجوير كرة لأحد زملائه لكن الكرة خرجت للاوت قال على الجوير ( يامن شرا لمن حلاله عللله)
وقال في أحد التمارين لو أن ال300 ألف اللي دفعوها لنادي الشعلة من أجل الجوير وزعوها على اللاعبين كحوافز ماهو أحسن من إنهم يجيبون لنا هاللاعب؟؟؟؟
وقال أيضا بعد عودته من المنتخب بعد كاس الخليج والتي كان أبو ثنين فيها يا أحتياط أو خارج التشكيلة حتى دكة الاحتياط لم يجلس عليه ...ولم يلعب في تلك البطولة ولا دقيقة ...قال يعد عودته للنادي أن الهلال ما فيه لاعب يفتح النفس ألا الغشيان ... وكان الغشيان في تلك الفترة توووه عائد من أمريكا بعد انتهاء مشكلته ولم يتم استدعائه للمنتخب مع لاعبي المنتخب الهلاليين والتي كان من ضمن اللاعبين ابو ثنين ...فما كان من الزياني وهو مدرب الهلال في تلك الفترة ألا أن يرد على هذا المتغطرس فقال له الزياني ( هذا كلامك وانت مالعبت لو إنك لاعب كان وش قلت )....أتمنى من الجمهور الهلالي أن لايسأل على لاعبين منحطين أخلاقيا كالجمعان وابو ثنين ....فالاخلاق أولا وأخيرا ...وفريق أنجب العضماء كالنعيمة والثنيان والهذلول والمصيبيح وسامي ونواف قادر أن ينجب جيل أأأأأأأاااااااخر لايقلللون عنهم شأنا سواء مستوى داخل الملعب أو أخلاق ....مو شغل العبجة والتكببببر والغطرسة....أتمنى تكون وصلت المعلومة اللي كنت أبيها تاصل لكم ......
..أخوكم الازرق المتوهج

اخي الأزرق المتوهج
ياليت جميع لاعبين الهلال في اخلاق واخلاص وتعليم فيصل ابو ثنين
وماقال عن بندر بن محمد صحيح ولا يختلف عليه احد ولكل كان متذمر
من بعد بندربن محمد عن النادي وفي هذه الحاله وعلى قولك الكل اولاد شوارع
لأنهم قالو الحقيقة0
واما ماذكرته ان بندر بن محمد شات ابو اثنين واستغرب هذه الألفاض العجيبه!!!!!!!!!!!!!
ولا ادري من اين اكتسبت هذه المطلحات العجيبه؟
بندر بن محمد اكبر من ان يفعل هذه الأفعال او ان يكون خصمآ للاعب هلالي
اتمني يا اخي ان تترك عن الأحقاد والمبررات القديمه لكي توهم الناس عن الحقيقة
التي تضايقك0

صح لسانك ياأخوي (قلم خاص جدا)

ياقدممممممك بعدين ليش تنبش في الماضي .....

أخوي قلم خاص ...أنا ماني حاقد على ابوثنين لاني ما أعرفه أصلا ...لكن الشيء النتعارف عليه هو إنه انسان مغرور ....لعى إن مافيه زود يعني ....لكن كلامك عن بندر إنه ماشاته ....ياعزيزي ...الامير بندر رفض التجديد لهذا المتغطرس ....وتدخل بالموضوع الامير تركي بن سلطان إذا ما خانتني الذاكرة أو أحد ابناء الامير سلطان ...ووافق علامير بندر تقدرا لعضو الشرف ....ولو تتذكر إن ابو ثنين كان جلهز فنيا وبدنا ولا يشكو من اي اصابة...لموسم كامل لكنه لم يلعب ولا مباراة ....وكانت تلك السنه هي اااخر سنة للامير بندر بن محمد ...واللي حقق فيها الهلال الرباعية الشهيرة ......ملاحظة : أنا حبيت اوضح للاخ دلوع العليا ....الحقيقة فقط ....ومايهمني فيصل لامن قريب ولا من بعيد .......أتمنى تكون وصلت المعلومة لك أخوي قلم .....وأنا قلت عن ابوثنين إنه تربيت شوارع لأن ماله حق ينتقد رئيس نادي الهلال وشخص قددم للنادي أشياء لو تجمع ماقدمه فيصل وخميس وجميع محاور نادي الهلال ...ماوصلو لنصف ماقدمه هذا الرجل المحب للنادي.....كلمة أخيره لك ياقلم ..إذا أنت تقول إني اوهم الناس عن الحقيقة ...قول الحقيقة اللي عندك ...لأن مافيه حقيقة غير هذي ...إلا إذا كنت منم هواةالفبركة...وسلملم