•° اقول مبروك التعادل او هاردلك !! ... اتمنى دخول الجميع °• - نادي الهلال السعودي - شبكة الزعيم

عالي الشان · #1 10/12/2003, 10:13 PM

[ALIGN=CENTER]السلام عليكم ورحمة الله وبركاته

اسمحوا لي بالبدايه اقول :

فل تخسأ ايها المدرب الجبان

*******************

اللي شافوا المباراة او اللي ما شافوها بالله عليكم وش الحل مع المدرب ؟؟

تكفون لا يجي احد ويقول المدرب ما قصر .... ترانا شفنا وملينا من كثر ما نشوف من تخبطات

اقرب مثال مباراتنا مع الاهلي نستعرض فيها اخطاء المدرب خطأ خطأ

* خطة 4/5/1 إلى متى نلعب فيها ؟؟

الاهلي اليوم دفاعه منهااااار بمعنى الكلمه ولو كان مع تراوي مهاجم ثاني كانت صارت علوم .. وبعدين من متى فريقنا يلعب مدافع ؟؟

* التشيكله : شوفوا اللي بالاحتياط وشوفوا اللي بالملعب !!

العنزي يلعبه في المباريات اللي خارج الرياض لأنه عارف ان جمهور العاصمه رافض هذا اللآعب

والمشكله اليوم كان عاله على الفريق والمشكله الاكبر انه لعب 90 دقيقه

الدفاع : عبدالله سليمان

صدقني حتى بالحلم مستحيل تفكر انك تلعب اساسي !!
والمفرج حماسي لكن بدون تركيز

( احمدوا ربكم مليون مره ان اللي وراكم هو محمد الدعيع

)

* التغييرات .... آآآآآه وما ادراك ما التغييرات

الحين خلاص مستحيل نشوف تغيير في الشوط الاول حتى لو كان الفريق سئ ...

طن طن ... التغيير الاول خروج الشلهوب ودخول الدوسري ... اوكي الشلهوب مهوب في مستواه بس فيه من هو اسوأ منه ... العنزي يطلع ويدخل الدوسري ويصير لآعب حر بوسط الملعب .

طن طن ... التتغير الصدمه خروج مجرشي ودخول المسعري

لالالالا مو معقول ما اصدق !!

ليه طيب ؟؟

جالسين نلعب قدام ريال مدريد وانا مدري ؟؟

طيب تطلع الظهر وتجيب المحور ( عزيز ) اللي معاه كرت اصفر وتخليه ظهير لا والبديل مسعري افندي

تغيير ماله أي داعي ابد ابد ابد ( حسبنا الله ونعم الوكيل )

طن طن ... خروج الحربي المصاب ودخول التمياط ...

وعلى فكره ابصم على العشره لو الحربي ما اصيب كان برضوا راح يطلع ويجلس حبيب القلب العنزي

--------------------------------------

نجي للروح المعنويه

مافي أي طموح للفوز .. وين القتال على الكوره وين الحماس وحرث الملعب ؟؟

ليه كذا ؟؟

مو مقتنعين بالمدرب والا وش السالفه ؟؟

الشوط الثاني الاهلي يلعب على باب واحد ؟؟

الكور بسهوله تنقطع ... آآآآه بس

-----------------------------------------

ياناس انا مو متشائم بس لآزم حل سريع

ومع هالمدرب الجبان ما راح نشم ريحة أي بطول

-----------------------------------------

}{ خاتمه }{

تكفى كانك تقرأ كلامي شفنا لنا حل

*-*-*

الامير الذهبي

*-*-*

نقطه سوداء في تاريخ الزعيم

*-*-*

رحمك الله .. رحمك الله ... رحمك الله

------------------

اتمنى الموضوع يستمر بدون أي حذف او تعديل

[/ALIGN]

غـيـمار · #2 10/12/2003, 10:20 PM

[ALIGN=CENTER]<<<<<< ردد يالليل ماطولك >>>>>>[/ALIGN]

أبوسراج · #3 10/12/2003, 10:25 PM

السلام عليكم ورحمه الله وبركاته
والله انك بردت قلبي لأني أول مره أشوف الهلال يلعب مدافع وشوط كامل كمان

والسلام خير ختام

عاشق &&& التمياط · #4 10/12/2003, 10:27 PM

لاتعليق ,,, على الموضوع ,,,

اهم شي ماخسرنا

عالي الشان · #5 11/12/2003, 03:55 PM

[ALIGN=CENTER]غـيـمار ** أبوسراج ** عاشق &&& التمياط

هلا والله بحبايبي ومشكورين على المشاركه [/ALIGN]

yazeed_9 · #6 11/12/2003, 04:09 PM

سبـحــان الله !!

فــعـلاً بـنـي آدم ... مـا يـرضيـه العـجـب

,,

المختـار · #7 11/12/2003, 05:12 PM

[ALIGN=JUSTIFY][ALIGN=CENTER]أخوي عالي الشأن

أعصابك أخوي

إقتباس


	[ALIGN=CENTER]تكفون لا يجي احد ويقول المدرب ما قصر [/ALIGN]

يعني أفهمها وروح

إقتباس


	[ALIGN=CENTER] خطة 4/5/1 إلى متى نلعب فيها ؟؟ [/ALIGN]

الخطة هذي ماهي جديدة على الهلال

هي اللي جبنا فيها البطولات مع بلاتشي ويوردانيسكوا

وأكرر وأعيد ( العيب ما هو في الخطة بل في من يطبق الخطة )

وليس معنا كلامي إن اللاعبين لم يطبقوا الخطة أمام الأهلي

إقتباس


	[ALIGN=CENTER]الاهلي اليوم دفاعه منهااااار بمعنى الكلمه ولو كان مع تراوي مهاجم ثاني كانت صارت علوم [/ALIGN]

ولو أن سعد الدوسري كان في وضعه الطبيعي كان تشوف الفرق كيف ;)

إقتباس


	[ALIGN=CENTER]العنزي يلعبه في المباريات اللي خارج الرياض لأنه عارف ان جمهور العاصمه رافض هذا اللآعب والمشكله اليوم كان عاله على الفريق والمشكله الاكبر انه لعب 90 دقيقه [/ALIGN]

العنزي قدم مجهود يشكر عليه وما قصر

وكون إنه لم يوفق في فرصة ماهو معناه إنه فاشل

واللاعب الأساسي كان ( سيسيه ) الموقوف ، إذاً من تريد أن يلعب في هذا المركز غير العنزي

إقتباس


	[ALIGN=CENTER]الدفاع : عبدالله سليمان صدقني حتى بالحلم مستحيل تفكر انك تلعب اساسي !! والمفرج حماسي لكن بدون تركيز ( احمدوا ربكم مليون مره ان اللي وراكم هو محمد الدعيع )[/ALIGN]

ليه يأخي ؟!!

ما شفنا أخطاء من الدفاع تستوجب هذا الكلام !!!

والدعيع ما فيه كلام ـ مثل ما تفضلت ـ وهو مصدر إطمئنان لكل الهلاليين وليس خط الدفاع وحده

والدعيع تحمّل إمكانيات مهاجمي الأهلي وليس أخطاء الدفاع

إقتباس


	[ALIGN=CENTER]التغييرات .... آآآآآه وما ادراك ما التغييرات [/ALIGN]

جميع التغييرات إضراريّة ( إما بسبب بذل مجهود ـ الشلهوب و مجرشي ـ أو لإصابة ـ الحربي )

إقتباس


	[ALIGN=CENTER]التغيير الاول خروج الشلهوب ودخول الدوسري ... اوكي الشلهوب مهوب في مستواه بس فيه من هو اسوأ منه ... العنزي يطلع ويدخل الدوسري ويصير لآعب حر بوسط الملعب [/ALIGN]

الشلهوب أجهد ولذلك خرج

ثم إن العنزي في الوسط الأيمن ـ ولم يكن سيّئاً ـ والشلهوب في الوسط الأيسر

إقتباس


	[ALIGN=CENTER]التتغير الصدمه خروج مجرشي ودخول المسعري[/ALIGN]

مجرشي في الظهير الأيمن والذي تحمل هجمات الأهلي من الجهه اليسرى

وليس من المنطق أن أخرج لاعب في جهه تعتبر قوة الفريق المنفس وأدخل مكانه مهاجم أو لاعب

وسط

وذلك لأني سأعرض مرماي للكثير من الهجمات

فكان نزول المسعري <<< والذي ليس عليه أي ملاحظات بستثناء تمرية الكعب والتي إرتدت على

الهلال

إقتباس


	[ALIGN=CENTER]وعلى فكره ابصم على العشره لو الحربي ما اصيب كان برضوا راح يطلع ويجلس حبيب القلب العنزي[/ALIGN]

ههههههههه

لا ياحبيبي ما توصل إلى هذه الدرجة

إقتباس


	[ALIGN=CENTER]مافي أي طموح للفوز .. وين القتال على الكوره وين الحماس وحرث الملعب ؟؟[/ALIGN]

القتال على الكورة والحماس وحرث الملعب هذي كانت موجودة لكنها قلّت في النصف الأخير

من الشوط الثاني بسبب الإجهاد الذي أصاب لأغلب عناصر الفريق

إقتباس


	[ALIGN=CENTER]الشوط الثاني الاهلي يلعب على باب واحد ؟؟[/ALIGN]

أيضاً لا ننسا أن الهلال الشوط الأول لعب باب واحد كما أن الهلال كان مسيطر على فترات في الشوط

الثاني ولم تكن سيطرة أهلاويّة كاملة

أخر شيء

هد أعصابك وشجع الهلال

[/ALIGN][/ALIGN]

عالي الشان · #8 11/12/2003, 07:31 PM

[ALIGN=CENTER]yazeed_9

مشكور يالغالي على الرد

مليّعهم

ايه هذي الردود للي تبرد القلب ... الواحد الحين يقدر ياخذ ويعطي

بسم الله نبدأ ...

إقتباس


	العنزي قدم مجهود يشكر عليه وما قصر وكون إنه لم يوفق في فرصة ماهو معناه إنه فاشل

اوكي قدم مجهود ماقلنا لا ... لكن مجهود بدون فائده ... يراكض بس في الملعب .. واتذكر واحد من الاخوان اقترح تحويله لالعاب القوى

والله فكره .

إقتباس


	واللاعب الأساسي كان ( سيسيه ) الموقوف ، إذاً من تريد أن يلعب في هذا المركز غير العنزي

يلعب وليد العمودي مثلا ... أو يلعب الشلهوب والدوسري يصير يسار ليه لا !!!

إقتباس


	ما شفنا أخطاء من الدفاع تستوجب هذا الكلام !!!

إقتباس


	والدعيع تحمّل إمكانيات مهاجمي الأهلي وليس أخطاء الدفاع

ارجع للمباراة مره ثانيه وشفها على رواقه ... كل الكور تخليص وتشويت وكننأ نلعب قدام ريال مدريد .. وشف وش سوا لآعبهم المحترف وكيف كان يعدي منهم بكل سهوله .

يعني بالعربي الدفاع كان مرتبك

إقتباس


	جميع التغييرات إضراريّة ( إما بسبب بذل مجهود ـ الشلهوب و مجرشي ـ أو لإصابة ـ الحربي )

من قال ؟؟

ترانا شايفين المباراة مثلك ... التغيير الاجباري هو تغيير الحربي ودخول التمياط .. وارجع واقول لك حتى لو الحربي مو مصاب كان بعد بيطلع لأننا حفظنا تفكير المدرب .

والشلهوب رغم انه كان سئ الا اننا نرجي منه تمرير كوره او تسجيل هدف .

ومجرشي يجلس في مكرزه احسن من اني اشيله واحط المحور بداله والمحور لآحظ معه كرت اصفر يعني ممكن في أي لحظه ينطرد .

بعدين المسعري لآلآلآلآلآعب منتهي اصلا المفروض معد نشوفه مع الفريق

إقتباس


	ثم إن العنزي في الوسط الأيمن ـ ولم يكن سيّئاً ـ والشلهوب في الوسط الأيسر

من قال لم يكن سئ ؟؟

الا سئ ونص ..

والشهلوب ممكن يلعب لآعب حر ... ولعلمك الشلهوب ما يبدع الا لما تعطيه الحريه في التنقل في كل ارجاء الملعب .

إقتباس


	مجرشي في الظهير الأيمن والذي تحمل هجمات الأهلي من الجهه اليسرى وليس من المنطق أن أخرج لاعب في جهه تعتبر قوة الفريق المنفس وأدخل مكانه مهاجم أو لاعب وسط

ومن قال اننا طالبنا بخروج مجرشي ودخول مهاجم ؟؟

اصلا من البدايه المفروض ما يكون فيه تغيير .

إقتباس


	فكان نزول المسعري <<< والذي ليس عليه أي ملاحظات بستثناء تمرية الكعب والتي إرتدت على الهلال

ياشينه وهو يسوي نفسه فنان ... وبعدين تدري ليه ما عليه ملاحظات كثيره ؟؟

لأنه ما لمس الكوره الا قليل

إقتباس


	القتال على الكورة والحماس وحرث الملعب هذي كانت موجودة لكنها قلّت في النصف الأخير من الشوط الثاني بسبب الإجهاد الذي أصاب لأغلب عناصر الفريق

القتال اختفى مع بداية الشوط الثاني ... وبعدين ليه لآعبينا يجهدون ولاعبين الاهلي لا !!!

إقتباس


	أيضاً لا ننسا أن الهلال الشوط الأول لعب باب واحد كما أن الهلال كان مسيطر على فترات في الشوط الاول

لا من قال ..؟؟

الشوط الاول كان متكافئ والهلال كان اخطر كهجمات فقط .

إقتباس


	هد أعصابك وشجع الهلال

والله امس قهروني مررره لأن الفوز كان بأيدينا والاهلي مع احترامي له كان جدا عادي ... وكان ودي جمهورنا في الغريبه يطلع وهو مبسوط

في النهايه احب اختم كلامي واقول شوف من سبب القول

العنزي هو اللي خلص الكوره وكانت تخليصته بشكل غلط ولما رجع ياخذها مره ثانيه سمع للخيبري انه يشوت بكل سهوله

[/ALIGN]

المعترض · #9 11/12/2003, 07:38 PM

هلا وغلا

بكل صراحه افضل موضوع قرأته من بعد المباراة ولحد الآن ............

وكلامك منطقي جدا جدا .............

وتغييره الصدمه للجميع بأنزال التآلف المعسري مكان عزيز المتألق .............

وقبل هاذا التغيير ايظا تغييره لناجي رغم تقدييم ناجي مباراة ممتازه دفاعيا وخصوصا

امام المهاري كيم الذي لم يستطيع تجاوزه الا بكره واحده غضب منها المصقووع

اديموس واخرجه ؟!!!!.........

على الرغم من ان كيم تجاوز ولعدة مرات سليمان وبسهولة اكبر !

والمتفرج وسحيلان لم يقطعا الآ ماندر من الكور والكثير تكفل به الا ظهره والمحاور

والدعيع اللذي أجهد امس من كثرة تغطيته للمفرج وسليمان ..............

وعزيز من لعب با الظهير حصل على كرت ولن يلعب المباراة المهمه مع الا ردنييون في الا ردن !!

المدرب جيد نظريا وخططيا قبل المباراة ولكن في حينها تجيه ام الركب اخخخخخخخخخخخ

وتغييراته دائما غريبه !

وتقلباته أغرب فكان يحوس ويدوس في الوسط والهجووم والآن ومن المباراتين

الا خيرتين انتقلت تقلباته الخطيره وعنجهيته الى الفاع وخصوصا العمق .............

وكان بأمكان اديمس ان يلعب المطرف او الحربي مكان لآعب القوى .............

تحياتي لك عالي الشأن يامبدع ونبض الواقعيه الهلاليه .............

وللجميع تحيتي .........

HENRY 12 · #10 11/12/2003, 08:42 PM

اخ عالي الشأن نفس موضوعي بس انت سبقتني

لاتزعل امزح معاك لكن فعلا انت اول رد يبرد قلبي بعد البرود الغريب

من اعضاء الزعيم مافحيلي ارجع احرق دمي اذا حبيت تشوف الكلام عندك

http://vb.alhilal.com/showthread.php...5&pagenumber=2
وشوف بنفسك واتمنى اشوف تعليقاتك على كلامي وشكرا

عالي الشان · #11 13/12/2003, 12:31 PM

[ALIGN=CENTER]المعترض حياك الله

إقتباس


	بكل صراحه افضل موضوع قرأته من بعد المباراة ولحد الآن

إقتباس


	تحياتي لك عالي الشأن يامبدع ونبض الواقعيه الهلاليه

ما ودك نصير اصدقاء

الحمد لله انه الموضوع اعجبك ... وبالاول والاخير همنا مصلحة الزعيم

------------------

HENRY 12

هلا وغلا

إقتباس


	فعلا انت اول رد يبرد قلبي بعد البرود الغريب

والله انك صادق برود غريب من الاعضاء ؟؟

بس مدري يمكن اللي ما شاف المباراة واعتمد على معرفه النتيجه هو اللي كان مبسوط ومؤيد للمدرب !! [/ALIGN]