رابـطـة عـشـاق الـبـلـوز ..][.. تـشـيـلـسـي ..][.. - صفحة رقم 274 - نادي الهلال السعودي - شبكة الزعيم

زعـــ( اسيا )ـــيم · #1 16/01/2006, 03:12 AM

الف مبرووووووك الفووووووووووز الصعب جدا ...

بصراحة شي يحير ليه اداء البلووووووووووز سيئ امام الاندية الصغيرة ..!!!

شفاف · #2 16/01/2006, 03:21 AM

المباراه ما نقلوها ليه ؟

..

عموما مبروك الفوز

..

اللي شاف اللقاء بعلمونا وشلون انطرد روبن ؟

شاكر لكم مجهودكم ..

ابو يعقوب وبس · #3 16/01/2006, 07:46 AM

مبروك الفوز وهذا أهم شي بغض النظر عن المستوى اللي على مافهمت إنه ماكان جيد .. ماشفت المباراة بصراحه لأنها وللمره الثانيه تتوافق مع مباراة الهلال .. وكنت بالملعب ماقدرت أشوف !!

الطرد عشان الإحتفاليه ممممم .. يقولون يابو عابد ان هذا قانون جديد في الدوري الإنجليزي .. وحسب سؤالي لأحد الإخوان يقول إن نيستلروي سبق أن أوقف 3 مباريات قبل فتره بسبب هذه الحركه .. إذاً دعونا نتوقع الإيقاف لروبين !! والله يستر .

أسيــ الزعيم ــر · #4 16/01/2006, 02:55 PM

السلام عليكم

مبرووووك الفوز

للآسف الأداء مو الأداء المتوقع ولا المطلوب .. ولو ان بداية الشوط الثاني الفريق ضغط شوي
لكنه رجع يهدي اللعب .. لكن الحمدلله أننا حققنا الفوز بأقل مجهود

لامبارد اليوم كل شوي وهو شايت .. وعساه دوم يارب .. نبيه يكثر من الشوت عشان يقوونه في
البلاي ستيشن

:

كريسبو كالعاده .. كل مالعب سجل وإن شاالله نشوف هاتركات ;) .. أما جو كول فوجهه اليوم
شاحب .. لكنه ماقصر جهز الهدف لكريسبو

أما الدفاع فللآسف كان يخورها اليوم لكن إن شاالله مورينهو يضبط الأوضاع

أما الحادثة العجيبة والغريبة واللي جاية من الخيال .. فهي طرد روبين والحجة هو فرحته بالهدف مع جمهور تشيلسي .......!!!!!!!!!!

ويعلم الله إني من أول ماانطرد روبين وأنا مافرحت حتى الهدف فرحته انقتلت بهالطرد

على العموم الفريق رفع رصيده لـ 61 نقطة بهذا الفوز وهو الفوز العاشر على التوالي وإن شاالله
الفريق يواصل مسلسل الإنتصارات حتى نهاية الدوري

تحياتي للجميع ؛ ؛ ؛

The Stars · #5 16/01/2006, 06:01 PM

أختير كلاً من بيتر شيك و جون تيري لفريق السنة لعام 2005 في الإستفتاء الذي لإجري على الموقع الرسمي لليويفا وتم إختيار خوزيه مورينهو مدرباً للفريق
وتعتبر هذه المرة الثلاثة لمورينهو يتم إختيار كمدرب بينما هي الأولى لكلاً من تيري وشيك الذي أطاح بجانلويجي بوفون حارس يوفنتوس الذي إختير كأفضل حارس في الموسمين الماضيين
وشارك في التصويت ما يزيد عن مليون ونصف شخص
يذكر أن هناك ستة لاعبين من تشيلسي كانوا من ضمن اللاعبين المرشحين لهذا الفريق وهم : أسير دل هورنو - ريكاردو كارفالهو - مايكل إسين - فرانك لامبأرد - أرجين روبين - ديديه دروجبا
فريق اليوفا لعام 2005 :
بيتر شيك ( تشيلسي )
كافو ( ميلان )
جون تيري ( تشيلسي )
كارلوس بيول ( برشلونة )
باولو مالديني ( ميلان )
لوس جارسيا ( ليفربول )
ستيفين جيرأرد ( ليفربول )
رونالدينيو ( برشلونة )
بافل نيدفيد ( يوفنتوس )
صامويل إيتو ( برشلونة )
أندريي شيفتشينكو ( ميلان )
المدرب : خوزيه مورينهو ( تشيلسي )
المصدر

أسيــ الزعيم ــر · #6 17/01/2006, 02:21 PM

السلام عليكم

إقتباس


	وديل هورنو مادري وش فيه مستواه متراجع بعكس بدايه الموسم يوم كان متحمس !!

لاحظت كثير من مشجعي تشيلسي ينتقدون دل هورنو .. وأنا أقول الرجال معذور .. اللاعب يبي له فترة يلعب أساسي
مع الفريق عشان يرجع مستواه زي ماكان .. مو معقولة يرجع من إصابة وينطق إحتياط وتبونه يرجع لمستواه .. صدقوني
لو لعب المباراتين الجايات أساسي راح يرجع زي ماكان بداية الموسم .. ولاتنسون إنه مبدع مع أتلتيكو السنة اللي راحت
ولما جا لتشيلسي أبدع أيضا ً .. وعلى فكرة وهالمعلومة أتوقع انها معروفة لكن للتذكير .. اللاعب سجل 13 هدف مع
أتلتيكو الموسم الماضي .. يعني هداف بالرغم من انه مدافع .. وأتوقع ان مورينهو راح يلعبه قدام البارسا في الكامب
نو وراح يبدع بإذن الله ...!

إقتباس


	وكريسبو كبير ورفع رصيده اهدافه الى 10 وعقبال التنافس على لقب الاهداف ,

كريسبو في الدوري رصيده 8 أهداف ;)

إقتباس


	وعلى سالفه روبين والله غبنه مايستاهل والمشكله اانه كان معه كرت اصفر , لو مامعه وانذره كان عديناها! ولو تلاحظون كيف روبين مو بس قفلت معه شوي ويتوطا بطن ذا الحكم !!!

وعلى فكرة الكرت الأصفر الأول غير مستحق .. بشهادة اللزقة المانشستراوي المتعصب خالد الغول اللي كل مباراة
لتشيلسي يعلقها .. نادر جدا ً تلقاه مايعلق مباراة لتشيلسي

إقتباس


	ويريح لامبارد لان من جد يبيله راحه , عشان يتفرغ صح لبرشلونه ويشوت هناك زي مايبي هههههه

إقتباس


	أختير كلاً من بيتر شيك و جون تيري لفريق السنة لعام 2005 في الإستفتاء الذي لإجري على الموقع الرسمي لليويفا وتم إختيار خوزيه مورينهو مدرباً للفريق

ثلاث عناصر من تشيلسي موجودة في التشكيلة شيء رائع .. ولو انها كان من المفترض انها أربع عناصر .. لكنه
إستفتاء جماهيري ولافيها معايير فنية كمعايير المدربين وكباتنة المنتخبات كماهو حال إستفتاء الفيفا ;)

إقتباس


	باك اول شي كل عام وانتم بخير <<< من 3 سنين ماتعييد في الرياض الاا هالعيد

ولكم باك وكل عام وانت بالف خير وإن شاالله دوم تعيد في الرياض مع أهلك وأحبابك

إقتباس


	يعني هوو ابخص يبي يفوزز بأقل جهد

إقتباس


	مورينهو ينتقد روبن

هنا يتوضح ان الحكم معاه حق .. لكن القانون بالفعل غبي ....!!
تشيلسي قد يخطف سيماو
والله سيماو مبدع مبدع مبدع .. وإن شاالله نشوفه في تشيلسي كإعارة لمدة 6 شهور عشان هذيك المباراة وبعدين
يضف وجهه .. ألزم ماعلينا روبين

إقتباس


	الشي الثاني لامبارد ودك من يصكه في الاحتياط او خارج التشكيله هالفتره الولد ارهق من اللعب وورانا مباراة مع برشلونه ونحتاجه في كامل مستواه في ذيك المباراة

والله لازم يريح شوي مو خوف من الإرهاق بس إلا من الإصابات .. لكنهم يعرفون وش يسوون وبيضبطون الوضع
مشكورين جميعا ً على الأخبار والأراء
تحياتي للجميع ؛ ؛ ؛

أسيــ الزعيم ــر · #7 17/01/2006, 02:31 PM

{}{ أهداف مباراة سندرلاند 1 × 2 تشيلسي }{}

الهدف الأول لسندرلاند عن طريق لورانس

هدف التعادل لتشيلسي عن طريق كريسبو

هدف الفوز لتشيلسي عن طريق روبين

أسيــ الزعيم ــر · #8 17/01/2006, 02:43 PM

{}{ فريق الأسبوع }{}

أسيــ الزعيم ــر · #9 16/01/2006, 02:58 PM

:: صور مباراة سندرلاند 1 × 2 تشيلسي ::

أسيــ الزعيم ــر · #10 16/01/2006, 03:04 PM

شفاف

إقتباس


	المباراه ما نقلوها ليه ؟

المباراة منقولة على ارتي 4 ....!!
أما روبين فهو طرد لأنه قفز حاجز الإعلانات ووإحتفل مع الجمهور بالهدف .....!!!
ابو يعقوب وبس

إقتباس


	مبروك الفوز وهذا أهم شي بغض النظر عن المستوى اللي على مافهمت إنه ماكان جيد .. ماشفت المباراة بصراحه لأنها وللمره الثانيه تتوافق مع مباراة الهلال .. وكنت بالملعب ماقدرت أشوف !! الطرد عشان الإحتفاليه ممممم .. يقولون يابو عابد ان هذا قانون جديد في الدوري الإنجليزي .. وحسب سؤالي لأحد الإخوان يقول إن نيستلروي سبق أن أوقف 3 مباريات قبل فتره بسبب هذه الحركه .. إذاً دعونا نتوقع الإيقاف لروبين !! والله يستر .

الله يبارك فيك
وإن كان على كذا فقد تقبل .. لكن القانون هذا غبي جدا ً ....!!!
زعـــ( اسيا )ـــيم

إقتباس


	الف مبرووووووك الفووووووووووز الصعب جدا ... بصراحة شي يحير ليه اداء البلووووووووووز سيئ امام الاندية الصغيرة ..!!!

الله يبارك فيك
وأعتقد أن السبب هو أن الفريق يدخل وهو يعتقد أنه سيفوز باللقاء ولكنه يفاجئ بمستويات الفرق الصغيرة التي
تستميت أمام تشيلسي .. والسبب الثاني أعتقد أنه مورينهو الذي يريد الفوز بأقل مجهود ممكن ...!!
ولي عودة
تحياتي للجميع ؛ ؛ ؛

BOOCHI · #11 16/01/2006, 05:57 PM

[align=center]الف مبرووووووك الفوز ياشباب ,,
والف مبروك اتساع الفارق وتعثر المان الي مو بس تمصخروا

شباب المباراه كانت صعبه , سندلارند فريق يتحمس في ارضه ويكون صعب !
لكن بالاخير يتمزع مثل مامزعناهم ,
اللاعبين كلهم مستواهم كان واحد ماعدا لامبارد وروبين وجالاس ,
الي كانوا من جد يقاتلون على الكوره ,
صراحه اول مره يقهرني لامبارد من بدت المباراه وهو مستلمنا تشويت
اظاهر زي ماقال اخوي اسير !! لوووووووووووول
لكن الكبير كبير ,
وجالاس ياعيني ياجالاس وعلى السحبه بالوجه
وروبين اليوم كان مبدع هو الي يتحرك وكان يعطي مساحات ويراوغ
وباقي اللاعبين كان مستواهم متوسط , وديل هورنو مادري وش فيه
مستواه متراجع بعكس بدايه الموسم يوم كان متحمس !!
وكريسبو كبير ورفع رصيده اهدافه الى 10 وعقبال التنافس على
لقب الاهداف ,
وعلى سالفه روبين والله غبنه مايستاهل والمشكله اانه
كان معه كرت اصفر , لو مامعه وانذره كان عديناها!
ولو تلاحظون كيف روبين مو بس قفلت معه شوي ويتوطا بطن
ذا الحكم !!!
الف مبروك الفوز وهذا اهم شي واتساع فارق النقاط ,
والاسبوع القادم راح يشهد منافسه قويه بين المان والليفر ,
شي حلو ان واحد منهم راح يخسر ثلاث نقاط , او اثنينهم
راح يخسرون نقطتين ,
بالنسبه للمباراه الجايه للبلوز مع تشارلتون ماراح اقول انها سهله
بخصوص ان روبين ماراح يكون متواجد ولكن داف وفيلبس فيهم البركه
وياليت نشوف مانيتش الاسبوع الجاي ولو في مقاعد الاحتياط !
وتحياتي لكم

[/align]

BOOCHI · #12 16/01/2006, 09:32 PM

[align=center]^
^^
^^^
شي حلوو والله , بيتر تشيك يستاهل
وتيري يستاهل , والمدرب بعد
وتمنينا لو لامبارد كان واحد منهم ,
بس فوق كذا هو يستاهل اكثر من كذا
ومشكووووووور [/align]

مهتوي · #13 16/01/2006, 10:07 PM

باك

اول شي كل عام وانتم بخير <<< من 3 سنين ماتعييد في الرياض الاا هالعيد

ومبرووك الفوز الباهت لكن مثل ما يقول مورينهو

إقتباس


	: نعرف متى نلعب ونعرف متى نقاتل

يعني هوو ابخص
يبي يفوزز بأقل جهد

عندي لكم كم خبر

مورينهو ينتقد روبن

إنتقد مدير تشيلسي خوزيه مورينهو Arjen Robben بعد طرده بعد الفوز 2-1 في سندرلند.
لاعب الجناح الهولندي أعطى بطاقة صفراء ثانية للقفز إلى الحشد بعد إحراز هدف الفوز.

الزبده مورينهو قال ماكان المفروض من روبين انه ينقز ويرووح للجمهور وبالذات عليه كرت اصفر المفروض يهجد وينبسط مثل العالم
وجاب طاري التحكيم شوي
He added: "I think it would be easy for a referee to give one more minute extra-time instead of the second yellow card.

وبعد قال هذي فرصه وش زينها لدااف وفليبس انهم يلعبوون مكان روبين المباراة الجايه
<<< متعيجز يترجم الخبر زي الناس
http://newsvote.bbc.co.uk/sport1/hi/...ea/4616452.stm

وفي خبر ثاني

تشيلسي قد يخطف سيماو

بعد أن تم رفض طلب ليفربول لضم سابريسو سيماو 26 عام من بنفيكا قالت التقارير أن البلوز قدم عرضا لسيماو مقابل 15 مليون جنيه إسترليني.

اذا جابووه فهذا يعجل من رحيل الولد الداهيه روبين وصراحه ماودي يطلع من تشلسي

----------------------------------

الشي الثاني لامبارد ودك من يصكه في الاحتياط او خارج التشكيله هالفتره

الولد ارهق من اللعب وورانا مباراة مع برشلونه ونحتاجه في كامل مستواه في ذيك المباراة

بالتوفيق للجميع

تحيتي

BOOCHI · #14 17/01/2006, 01:08 PM

[align=center]
ولكم باك مهتوي كل عام وانت طيب ,,
ومشكور على الاخبار ,
ومورينهو داهيه مايبيلها شي , ومبروك عليك الفوز
وعلى طاري روبين ياخي ماينلام , لو اني مكانه سويت العن من كذا
هههههههههه , صراحه انا اعذره وقت الهدف كان جيد وخلاه ييتحمس بزياده
على العموم ان شاء الله مانسمع الا خبر ايقافه مباراه وحده ,
وبالتوفيق لداف وفيليبس وكلهم بدلاء جيدين لروبين يعني بيكفون
وبالنسبه لسيماو , والله شف هو لاعب جيد جداً وممتاز بس اذا الدعوه
على حساب روبين , انا اقول بلاش يجي , روبين لاعب كل الفرق
الكبيره تتمناه مستحيل ان مورينهو يتخلى عنه , بس والله
ماندري عن هالداهيه يمكن يوقف مع ابن بلده خخخخ
بس ان شاء الله مايكون على حساب روبين
ولامبارد انا معك الولد من جد انواع الارهاق , دامه جاب مانيتش
انا انصحه يلعب باقي المباريات بجوودي ومانيش وميكاليلي
ويريح لامبارد لان من جد يبيله راحه , عشان يتفرغ صح
لبرشلونه ويشوت هناك زي مايبي هههههه
وتحياتي لكم ومشكوووور

[/align]

الشاكي 10 · #15 17/01/2006, 02:53 PM

شباب متى مبارة البرسا وتشيلسي ؟؟؟

والساعه كم ؟؟

وعلى اي قناااااااااه؟؟

>>>>>>> مرررررررررره متحمس <<<<<<<<<<