02/11/2003, 07:28 AM
|
موقوف | | تاريخ التسجيل: 05/11/2001
مشاركات: 233
| |
haseb
انت ماتعانــد لاعبدالله التويجري ولاغيــره
لان عبدالله التويجــري ماسئل عنك وانا اخوك يا haseb
اخوي سالم 666
من باب الكلام فالرئيس قدم الكثير في مجال ماذكــرة؟؟
محاسن الرئيس كثيره يمكن انت ما شفتها ولا حبيت تشوفها يكفي تنشيط الجانب الاجتماعي والادبي للنادي فتح باب الخير والسعي فيه (مقتبس من كلامك))
تصــدق مادام هذي محاسن رئيس نادي الهلال ((زعيم كرة القدم باسيــا
إذا ليش مانخلي النادي ترفيهي ونحــط فيه مسرح مثل حق المفتاحه الي بابها ونسوي فيه اجتماعات ومسارح هزليه وغنائية
وننسى شي اســمه نادي كرة قــدم
ابي اعلمك اخوي
ترى هاللي ذكرة ماشفنــا منها شي الا عاد إذا تقصــد مشروع إفطــار صائم؟؟
فانا ابقولك ترى نادي الهلال مهب مركز اجتماعي لفعــل الخير
والله كلنا نحب الخيــر
لكن خل كلامك منطقــي ترانا نادي ريــاضي قبل كل شي
والي يبي الخير الحمــدلله كلنا فينا خير ونعرف وشلون نوصل لطريق الخير اعتقد الرئيس مارح يقدم شي فيه الخير مثل ماتقــدم دور الرعاية او لمراكز الاجتماعية الاسلامية والتربوية وغيرها
لكن ترى مثل ماقلت نادي الهلال نادي رياضي وابي اعلمك ترى اللي ذكــرة مهب انجازات للرئيس
لانها كانت قايمــه بوجوده وعــدمه وإذا كنت من القريبين من النادي بتعرف هالشي
فمااظن ابن مســاعد قدم شي
اما عن ضــاري فانا ابعلمــك شي لو ماكان يستـــاهل المبلغ التافه اللي هوقيمة عمليــة الفاشل العتيبي ماكان اخــذه فريق مثــل الاهلي
ولو كان فاشــل ماكان اخذه نادي كبير بعد 4 سنوات احتيــاط كان شفناه بالخليج ولاالرائد اوالتعاون او انديه صغيره لكن الي اخذه الاهــلي وهذا اكبر تزكيــة لنجومية ضاري والاهلاويه يخبرونه زيــن
اما عن اللاعبين الي تقول ياما صفقت لهــم فاسمحلي ماعتقــد اني (( مدمــغ )) علشــان اصفق للمأساة الهلاليه
وبعدين لاتقعــد وانا اخوك تصير مثل الرئيس تتمسك بالعناد وتبي وجهة نظرك غصــتب تصير هي الصــح
وبالاخير وانا اخوك كلنا هلاليين ونبي مصلحــة الهلال لكن ترانا ماودنا نجامل احد ياناس على مصلحة النادي |