السلام عليكم ورحمة الله وبركاتة :

بصراحه أود ان اتكلم عن المدرب الهولندي أديموس بس بهدوء وعقلانيه بعيد عن التصويت وبعيد عن المطالبين بالمظاهرات خلونا ناخذ الامور بالعقل والمنطق ok:


قبل ما اتكلم عن المدرب والهلال يجب علينا ان نعرف ان لكل فريق كبوه تخليه يتخبط لما يرجع للمستوه المعهود وطبعا هذي عادة الفرق العريقه مثل الخيل الاصيل مايسبق الا تالي واكيد كل واحد فينا متابع للي يصير لفريق الاهلي المصري من تخبطات ومن هزائم تاريخيه وفريق انتر ميلان ولا في عز المعمعه في الدوري وفي الشامبينز ليق وفريق برشلونه ومع مدربه الرائع ريكارد غريبه من النادي هذا فرحانيين انهم فازو على مايوركا في الدوري لانه ثاني فوز لهم بالدوري رغم انه فريق بطولات لكن المسؤليين عارفين ان اللي يصير في انديتهم هي مجرد كبوه من اكثر ولا اقل وانهم راح يرجعون للمكان الطبيعي لانهم فرق كبيره .....

المهم بالنسبه للزعيم
اول شي : ما في احد يختلف على ان المدرسه الهولنديه غنيه عن التعريف وانها مدرسه كرويه رائعه وهي اللي ابتكرة فكرة اللعب الشامل وطبعا المدرب أديموس من رواد هذي المدرسه وهو غني عن التعريف في هولندا وأروبا

ثاني شي : الحين حنا كجماهير طبعا مستائين من نتائج او من مستويات الفريق طيب اذا حنا وجماهير وجالسين ببيوتنا نطالب برحيل المدرب ... لماذا رئيس النادي واللي قريب من النادي واللي اي نتيجه او مستوي للفريق هو راح يكون الشخص الاول اللي تتوجه له الاصابع .... مصر على بقاء المدرب أديموس ومع الاصرار تفائل كبير عند الرئيس بأن الهلال راح يحقق نتائج ويتطور المستوى ... ( فكر بهذي شوي ) اقصد لو كل واحد في يفكر بالمنطق اللي يفكر فيه رئيس النادي راح يقتنع ان بقاء أديموس ضروري للهلال

ثالث شي : الحين كل شخص فينا يتذكر بلاتشي وهذا المدرب هو المدرب الوحيد اللي طبق طريقه لعب4 / 5 / 1 مع الزعيم ورغم كذا جاب بطولات كبيره ومهمه للنادي يعني الطريقه ما هي سبب اسألأ اي مدرب عن طريقه اللعب يقولك اهم شي التنفيذ داخل الملعب

رابع شي : ليش الاغلبيه وحتى الصحافه تحب تخلق مشاكل بين اللاعبين والمدرب رغم ان الجميع يعلم ان ما في شي بينهم لكن هو مجرد افتعال عشان يقال المدرب وليش كل واحد فينا يتذكر الشي اللي ماهو زين عن المدرب .... ليش ما نتذكر العام الماضي لما اعاد النادي للمنافسه وحقق جميع الانتصارات في الدوري وجاب الكأس وكان متفائل انه يتأهل للمربع وانه راح يحقق الدوري .

خامس شي : الحين بالله عليكم وش ذنب اديموس لما الحكم المطلق ما يحسب للدوخي ضربة جزاء واضحه مثل عين الشمس؟؟؟؟ وش ذنبه لما الحكم يلغي هدف صحيح 100 % اما فريق الطائي ؟؟؟؟؟ وش ذنبه ان فريق الهلال كان يلعب تقسيمه في منطقه الـ 18 لفريق الطائي والطائي واغلب الفرق تلعب بطريقه دفاعيه قدام الهلال ... يعني المدرب عاناااامن التحكيم مثل ما يعاني الهلال من التحكيم ولااااا المصيبه اصابات ونقص بالفريق يهز اي نادي بالعالم واللاعبين المصابين من اهم اللاعبين في المملكه مو الهلال وغير كذا كان الفريق كل مباره يطلع منها بأصابة لاعب جديد والكل عارف الكلام هذا

اخر شي بقوله الا كل شخص يطالب برحيل اديموس انه يقيس الامور بالعقل ويعرف ان الهلال مشارك في اكثر من اربع بطولات السنه هذي وان أقالة المدرب وعدم الاستقرار راح يخلينا نندم على كل شي

وشكرا لكم واسف على الاطاله