السلام عليكم ادري اني ثقلت عليكم لكن ودي الاصدار الجاي من الدوري السعودي يكون جميل وجميل للغايه
ولكن هناك بعض الاقتراحات اود اضافتها الى الشريط
اولا : انا شفت لبس اليوفي اعجبني ونبي ايضا اللبس الجديد لجميع الانديه الكبار واذا مالقيت خذ اللبس الاول من الاصدار السادس حق بطولة اندية العالم ولبس المنتخبات خوي داحم اتمنى انه يكون مثل اللبس حق السادس خذه من السادس واتمنى انه يكون عمل سهل .
ثانيا: الانديه انا شايف النصر بعلم الريال والوحده بعلم مدري وشو اتمنى الاعلام تكون صحيحه ونادي النصر هناك شعار له في وسط الفانيله الجزيره في وسطها كتابة النصر اتمنى اضافتها ونادي الوحده لبسه جميل وحقيقي والخليج واحد من الاخوان حاط صورة لعيبه خلجاويين باللبس الخلجاوي اتمنى اضافة هذا اللبس
ثالثا: هناك بعض الحراس مثل العملاق الدعيع والخوجلي والنجعي يلبسون سراويل طويله وليست قصيره كما في جميع الاصدارات وهناك نقطه هامه الا وهي ان الخوجلي تحمل الاصابه b
رابعا : اذا قدرت اخوي داحم نتمنى انك تضع ملاعب سعوديه ثلاثه فقط الا وهي ملعب استاذ الملك فهد بالرياض والامير عبدالله الفيصل بجده والامير محمد بن فهد بالدمام
خامسا: ارجو وضع بعض اللافتات على الملاعب للانديه مثل الدوري السعودي الاول ولكن ارجو ان تكون جديده
سادسا : الاهازيج اتمنى انها تكون واضحه جدا وليس خفيفه لبعض الانديه مثل الاتحاد واتمنى انه يكون اهازيج الهلال غنية ياهلا ل ويكون الصوت مرتفع اذا قالوا ياهلال مثل الحقيقه واما اهازيج الاتحاد فامنى ان تضع غنية تعلم وعسل عسل ياكلك اهم شي واما النصر فلا اعلم والاهلي مايحتاج والا تكون مسجله مثل الاصدار السابق ايضا هناك فريق الخليج اتمنى من وسط قلبي الا تهضم حقه في التشجيع فهناك له رابطة مشجعين اتمنى ان تسجل بعض الاغاني والوحده ايضا
سابعا : اتمنى اذا قدرت انك تضع الحكام السعوديين عمر المهنا والزيد وغيرهم
ثامنا : انا شايف ان الكوره تغيرت اتمنى ياداحم الا تغير الكره الكوره حقت كاس العالم افضل تكفى لا تغيرها حتى اللعب له متعه بهذه الكره
سابعا: محمد نور معروف شكله هناك بعض اللعيبه اتمنى تزبيط اشكالها
ثامنا : في بداية الشريط اتمنى انها تعرض اهم اهداف الدوري السعودي للعام الماضي او لهذا العام او اهداف جميله من الدوري السعودي
تاسعا : اتمنى ان تكون الاغنيه في بداية الشريط هي غنية اوربت الجديده اهلي هلال شباب وقادسيه خليج وحده ...........الخ
اتمنى الا اكون قد ضليقت عليكم بكثر الاقتراحات اعذروني ثقلت دمي شوي ولكن لمصلحة الجميع حتى يستمتع الجميع بشريط يليق بمقام داحم توتا اتمنى الا تنسى الملاعب السعوديه



وشكرا