ماأدري وش آخرتها مع المدرب معقولة كل مباراة تشكيلة وش الداعي من التغيير اللي ماله داعي مثلا الدعيع مباراة الرائد المهمة مالعب والمباراة اليوم لاعب ليش ما يثبت عليه والدفاع كل يوم ناس غير لف على العالم كلها على العموم المدرب باين عليه انه بيدمرها بس الله يستر ويخلصونا منه قبل ماتجي المباريات الحاسمة والنهائيات

اولآ الف مبروك علينا الفوز وعقبال البطولة انشاء الله
مستوى هلالنا الحبيب جيد نوعآ ما لظروف هطول الامطار على الملعب لاكن مأملين خير في مستوى افضل ونجوم الازرق ماقصروا ادوا الي عليهم و القادم اجمل بأذن الله

إخواني الأعزاء جدا ......جدا....جدا
السلام عليكم ورحمة الله وبركاته
أولا أهنئكم ونفسي بالنقاط الثلاث , والعقبى للزعيم بالمركز الأول , بإذن الله .
ثنيا ,,, وثالثا ,,, ورابعا ..................... وعاشرا

...... أتمنى عليكم ألا تعطوا الفرصة للشامتين , لمزيد من الشماتة , فالأسلوب الذي يدار
به الحوار , يبعد كثيرا عن الحوار الحضاري المفيد , كل يتعصب لرأيه , وآخر ينتقد بعنف ,
وثاث يدخل في أمور بعيدة عن المباراة , التي فتح الموضوع لأجلها .
إخواني :
يجب أن نعي أن كل لاعبي الزعيم هم من الأهمية بمكان , ولهذا يجب أن يكون انتقادنا هو لأجل
تقيم اعوجاجهم , وتطوير مستواهم , لا أن يكون تجريحا لهم , وتحطيم نفسياتهم , فنحن في
أمس الحاجة لمجهود كل لاعب , فلم يتبقى في هذا الموسم إلا الحصاد الذي يطمع عشاق
الزعيم أن نحظى بغلته وحلو ثمرته , قولوا آمين .... اللهم استجب .
[عدلت بواسطة الإمبراطور التاريخ:20-03-2001 الساعة: 12:40 AM]

اولآ الحمد لله على الفوز والف مبروك . ثانيا لقد شاهدنا الهلال وقد بدئت روح الفريق تعود اليه وخصوصآ نواف والدوخي خاصة واللاعبن بوجه عام نرجو ان يستمر مستوى الهلال في تصاعد ونر جومن الجميع ان يحترم رأي المدرب وان يكون الكيان الهلالي من لا عبين وجهاز فني واداري ومجلس اداره واعظاء شرف وجماهير يد واحده وباالتوفيق ان شاء الله

اولا اقول بسم الله لاول مشاركه مع اني مسجل من فتره لكن اسباب فنيه من الموقع

<==== يقول قصة حياته

المباراة كانت دون المتوسط كتقييم عام

## في البدايه حمدلله على هالامطار وهذي نعمه من الله ونحمده مرتين الاولى على الامطار والثانيه على انه انكشف استاد الملز على حقيقته واللي يتابع المباراة يعتقد ان الفريقين يلعبون في ماليزيا !!!

##واضح ان اقفال الملعب لاكثر من ثلاثة اشهر كان نظرا لمتلاء الاستراحات بالرياض لذلك قرروا فك الازمه وحط الدوريه بالملعب

## الهلال لعب بتشكيله معقوله جدا مع الاخذ على مدربنا القدير اشراكه لماجد الشمري الذي لاينفع ان يكون اساسيا ابدا مع احترامي لكن الواقع يقول ذلك

##من محاسن التشكيله ايضا اشراك لطف في مركزه الاصلي مما جعلنا نرى لاعب من نوع اخر (يعطيك العافيه يامحمد).

## من مباراة الى مباراة يثبت حسين العلي انه نجم قادم برز كثيرا في الزعيم واعتقد انه يثبت اقدامه من مباراة الى مباراة ونتمنى الا يقف من يبعده !!(تسلملي ووالله ياحسين والى الامام )

##كنت اتمنى ان يسجل نواف هدفا ليرفع من روحه المعنويه التي بدى انها متأثره كثيرا من كلام الصحف (الهابطه) لكن قدمت مستوى حلو ويعطيك العافيه يانواف وانشالله ماتكون تأثرت كثير من الاصابات اللي جتك.

## سامي (احبه ومالكم دخل ) قدمت مستوى متوسط لكن الاصابه منعتك من تكلمة المباراة وتبقى الروح اهم من كل شي اصراك على عدم الراحه اعطانا روحا معنويه كبيره واثبت لنا ان الروح لم تغب لحظه عن لاعبي الهلال.

## احمد خليل رائع رائع رائع والله يقويك ويعطيك العافيه يااحمد

## الدوخي رائع يااحمد ولعلكم اليوم متفقين انت وخليل على اثبات ان احمدين يبدعون اليوم ابدعت انت وزميلك والله يوفقكم بقضاء ليله هانئه بعد هالتعب

## النزهان مازلت عند رأيي انت لاعب جيد لكن حاول ان تلعب وفق امكانياتك وتعطي مركزك الذي تلعب فيه اكثر ويعطيك العافيه

## فيصل ابو اثنين (حمدلله على السلامه) وقدمت مستوى رايق وترانا مشتاقين للكور الطويله اللي خبرك بس الارض اليوم ماساعدتك

## المسعري ..وضيفته تعطيل الهجمه وهذا شي جميل لكن اشراكه مكان لطف كان تبديل غير مناسب حسين يعطيك العافيه بس لازم تفرق بين الحواري والمباريات الرسميه .

##عمر الغامدي عيني عليك بارده وانت رائع وتلعب بكل جديه وهذا ليس تقليل بالبقيه لكنك تغطي مركزك جيدا وتعطي الهجوم نكهه خاصه
يعطيك العافيه وماقصرت

## توليو .. اتوقع انه صار (شوط بقره) او (فورة ببسي) سموها زي ماتبون وهذا اللي اتضحلي من هالمباراة لكن برضه مانستعجل ونعطيه فرصه الى نهاية الدوري لانه مالعب الا كم مباراة تنعد على اصابع اليد الووحده والمفروض اليوم هو من يبدع وحيدا لان البرازيليين متعودين على اللعب في هالاجواء (لكن الظاهر انه تقليد) .

##الدعيع .. نسيت تجيب معك براد الشاهي اليوم يابعدي

## سافيتفتش ولا صفوت ... يعطيك العافيه وان كنت لا اريدك ان تغادر اسوار النادي لان عنديلك وضيفه ثانيه (يعني اني واسطه الحين) لكن ماراح اقولها هنا انشالله باول موضوع لي
بالنسبه للمباراة تشكيل حلو زي ماذكرت والباقي عطيتك اياه فوق

يخطيء من يتوقع ان اللاعب يجب ان يؤدي لعبا احترافيا كاملا مثل اللاعبين في اوروبا كل لاعب له ظروفه ويتجلى هذا الشيء من خلال النفسيه ووجه اللاعب نفسه قد تقول لماذا يشارك اذن؟؟.. لماذا لم تحل الاداره مشاكله؟؟
واقول لك كل بيت وله اسراره وانا لو كنت لاعب لظغطت على نفسي لاشارك وانسى قليلا ما انا فيه ولا اسمح لاحد ان يتدخل في حياتي الخاصه لكل صغيره وكبيره

ما ادري مبارات اليوم مو بمقياس ابد لمستوا نواف والدوخي الفريق ذامنتهي والفرق
عموما نواف المكابر اللي غرته الالقاب وهو والله ما يستاهلها مستواه على وشك يضيع واخشى يصيبه داء فؤاد انور وينتهي نهايته اما التيماوي والمسعري والله عيب يلعبون للهلال ؟؟وما ادري ليه ما لعب المطرف اقل شي ما فيه تعالي نواف انا ادري انو نواف لعب زين بس وينه الفتره اللي راحت يوم انا بحاجته جاي اليوم وقام يتفنن على سدوس حل التمياط الوحيد الاحتياط ويحترق فيه زي عام 1418 واذا لعب يبدع
....حسين العلي والله هداف له 9 اهداف ماشالله

بالخير.....
ابارك لجميع الهلاليين الفوز....
المباراة كانت جيدة قياسيا بالنسبة للمباراة السابقة.....
_الدوخي والتمياط .........عائدين بقوة.....
-سامي الجابر سلامات....
-توليو.... لاعب نشيط ويجيد التمرير... يحتاج فرصة اكبر لاثبات وجوده..
- محمد لطف... قدم مباراة جيدة...
-حسين العلي... مهاجم جيد يجيد التمركز...
- تغييرات المباراة..... تغيراته طائشة .....لم يكن حسين المسعري في مستواه المعروف... خالد التيماوي....يحتاج بعض الوقت...فيصل ابو ثنين...حمد لله على السلامة....
- كنت افضل حسن العتيبي في هذي المباراة على الدعيع...والدعيع تمنيته في المباراة السابقة....
- مالحظته واتمنى اني أكون مخطئة... المدرب لا يجيد قراءة المباراة او ظروفها....لكن اتمنى انه يخالف راي ويستقر على تشكيلة.....
محمد الشلهوب ..... في انتظار عودتك...من الاصابة.... والى مستواك اللذي عرفناك به...
عبدالله المطرف... اتمنى ان يمنح هذا اللاعب فرصة ...بقاءه على مقاعد الاحتياط ...سيقتل حماسه كلاعب صغير في صفوف الهلال.....

مبروووووك الفوز...
لكم تحياتي

الشباب والله ما قصروا أدوا اللي عليهم في الملعب مع هذي الظروف ارى ان المستوى لا بأس فيه وعلى العموم مستوى الفريق من حسن إلا أحسن وان شاء الله بتشوفون مستوى الهلال في المبارات الجايه مع الشباب

سامي سلامات وماتشوف شر ان شاء الله

ياكايدهم أوافقك الرأي بالتبماوي مستواه ماهو الى ذيك الدرجه صحيح ( ***** ) والبقيه ماعليهم بس تراها مباره مع سدوس .
[عدلت بواسطة طلال التاريخ:20-03-2001 الساعة: 06:38 PM]

السلام عليكم ورحمة الله وبركاته أول شي مبروك الفوز والمبارة ماراح نقول سئه ظروف المطر جعلها الله خيروبركة علينا انشاءلله اول كلامي لازال صفوت يتخبط بالهلال ويخترع التشكيلات والتيماوي كيف الحال وحسين العلي انشاءلله يرتفع مستواة اكثر واكثر وعبدالله المطرف وين راح جالس في الاحتياط ليه وسلامات لسامي الجابر ومبروك الفوز والله يعنا عليك ياصفوت وبنشوف وش بتسوي مع الاهلي وخلوا الثقه التي منحت لصفوت تنفع الادارة المتعجرفه

مبروك الفوز للجميع

مباراة متواضعة ، مستوى متوسط ، أرضية سيئة بسبب أمطار ( الخير والبركة )

قدم لاعبو الهلال مستوى متوسط ياستثناء التمياط الذي قاتل في الملعب و كأنها مباراة كبيرة فأحيي التمياط على مستواه الجميل اليوم .

تشكيلة المدرب كانت منطقية في ظل اللاعبين الموجودين .

سامي لم يقدم شيئا يذكر في الدقائق التي شارك فيها و خرج مصابا . . . . سلامات أيها الذئب .
خالد التيماوي ، أظن أن هذا اللاعب انتهى فنيا و لم يعد قادرا على العطاء فأتمنى
أن ( يريح ويستريح ) .

الشلهوب . . . . أين الشلهوب ؟؟؟؟؟

أحمد خليل أثبت أنه مدافع صلب .

توليو قدم مستوى مقنع لكنه لم يجد المساندة من زملاءه ولو في السماح له بتنفيذ خطأ من الاخطاء فهذا اللاعب يتميز بالتسديدات المتقنة للأخطاء . . . أعطوه فرصة أيها الهلاليون .

و في النهاية مبروك الفوز ، مبروك الثلاث نقاط ، مبروك وصافة الدوري