بسم الله الرحمن الرحيم

أخواني الاعزاء

نختلف في حب نجم معين ؛ نتناقش حول مستواه 00 نبحث عن الاعذار لتبرير أخفاق هذا النجم ؛ نشطر الابيات والاشعار عند بروزه ونكتب الاشعار ونرسم الصور والآهات ؛ وفي ظل هذه النجوميه الطاغيه لنجومنا الاحباء يقف شخص وحيد بدون صف معجبين وهو محمد الدعيع 00000!!!!

سيد حراس اسيا 000 منذ قدومه للهلال لم نسمع يوم أنه تغيب عن التمارين ؛ لم نسمع أنه دخل في خلاف مع أحد زملائه ؛ لم يبحث عن النجوميه بل هي التي تطارده ؛ لم يشتكي أو يحتج بسبب جلوسه في مقاعد الاحتياط بديل لحسن العتيبي ؛ هاديء الاعصاب لا يربك المدافعين لا يدخل في نقاشات معهم في الملعب لا يلومهم على أخطائهم 00000 كبير كبير كبير يا محمد نموذج للاعب المحترف الذي يقدم للنادي كل الاحترام والانظباط والتفاني وفوق هذا كله فهو من حمى ولا زال يحمي مرمى المنتخب الوطني لأكثر من عشر سنوات متدرجاً من الاشبال ثم للشباب ثم للفريق الاول ؛ مجد قريب ينتظر سيد حراس اسيا وهو عمادة لاعبين العالم وهي ليست غريبه على محمد فهو لم يلعب بالواسطه وبدأ في نادي ليس من الانديه الكبيره لم تكن أسلحته في يوم من الايام سوى الانظباط في التمارين و الخلق الحسن 0

محمد الدعيع حقق مع المنتخب الوطني كأس اسيا عام 96 والمركز الثاني عام 2000 ؛ حقق كأس العالم للناشئين مع المنتخب الوطني ؛ شارك في كأس العالم عام 94 و 98 ؛ حقق مع الهلال كأس اسيا و السوبر الاسيوي و الوصول الى كأس العالم ( وأنا أذكر البطولات القاريه فقط ) وهو لم يصل الى الثلاثين 0

لا أحب التحدث عن اللاعبين ولاكن محمد الدعيع أجبرني على الكتابه عنه لأنه بكل بساطه 00000000 يستاهل 0


وشكراً00000

مافيه شك ان محمد من افضل خمس حراس في العالم بس تبي الصراحه من وجهه نظري المتواضعه ان حسن العتيبي لو يستمر في المرمى الهلالي ومع المباريات المتتاليه يبي يصير احسن من محمد ليش ؟ حسن يتميز عن محمد بالخفه وسرعه البديهه لكن حسن يعيبه دائما الخروج الخاطيء وهذا العيب انشالله مع الخبره يتخلص منه لكن اذا استمر حسن احتياط سنفقد حارس عملاق (من جد) واخاف ان حسن ينتقل للاتحاد او للنصر اذا شاف انه مافيه امل يمسك مادام محمد موجود لذلك انا اقترح ان الهلال يبيع عقد محمد الدعيع بعد كاس العالم الى الاتحاد او الاهلي واللي يبون يشترونه بالملايين وهذا مو تقليل بحق محمد بالعكس محمد افضل حارس عربي اسيوي وينافس بارتيز وبوفون وفاندير سار ويمكن افضل منهم بس الهلال مايحتاح محمد لان عندنا دفاع قوي وعندنا حراس صغار بالسن ويخدمون النادي عشر سنوات مثل حسن العتيبي واحد ضاري وبندر الماس

محمد مافيه شك يعتبر قدوه في المستوى والاخلاق ياليت جميع الاعبين يتخذوه قدوه ومثال لهم ماشاء الله عليه حتى في حواراته الصحفيه لم يتهجم على احد ولم ينقص من حق احد مستواه يؤهله للاحتراف في اكبر اللانديه العالميه .

أخوي بدر أنا أخالفك الرأي تماما
وااله إنك صادق يامتيم في كل إلي قلته

معليش الجميع ممتازين وإن كان الدعيع أفضل من حسن ونتمنى أن يكون حسن ينتبه لأخطائه ويكون إن شاء الله في مستوى الدعيع بإذن الله تعالى

مشكور أخوي متيم على هالموضوع . ومحمد يستاهل كل خير .

أخي بدر وشلون ما نحتاج محمد الدعيع لا و نبيعه بعد !!!!!!!!!!!!!!. تخيل المباريات السابقة بدونه .

بعدين الظاهر منخدع بحسن العتيبي . رغم أنك عارف عيبه الكبير و هو الخروج الخاطيء أو بالاصح التوقيت السيء الذي منذ ظهوره و هذا العيب ملازمه . الحراسة أقل شيء 75% توقيت .

بعدين أهداف بالرقبة ( نهار الظفيرى ) و أهداف بوجهة الاعب
( النجمة ) و أهداف من منتصف الملعب ( مباراة الانصار ) وغيرها و غيرها . . . . والله عيب تدخل في مرمى الهلال ولكن لعل و عسى يستفيد من وجود أسد آسيا معه .

والله لو يصير اساسي قرن كامل لن يصل مستوى محمد الدعيع أو حتى نصفه .

مرحبا .
انت قلتها ياخوي ..
ببساطه يستاهل ..

وان شاء الله نشوف حسن العتيبي خليفه له ..
وانا مع اخوي بدر في رايه عن حسن العتيبي .. لكن اخالفه الراي في بيع عقد محمد الدعيع ..

والله لو يصير اساسي قرن كامل لن يصل مستوى محمد الدعيع أو حتى نصفه


الاخ بدر الكلمه قالها عبدالله الموكاء وانا ااكدها لو يصير اساسي مليون سنه ما صار مثل الدعيع .
وكفايه ضلم لنجوم حقيقين والنفخ بلاعبيين انصاف لاعبيين
ولا نسيت توقيع العتيبي عند زكيه زكريا ولولا 700 الف ما كان شفته معك
؟؟؟؟؟؟؟؟
تقول الدعيع فاوض النصر صح الدعيع فاوض لكن العتيبي ناشي هلالي ولعب للهلال واخرتها يوقع للنصر

ياحبايب وش فيكم على حسن وسؤالي!
قبل إحتراف الدعيع من كان أفضل حارس في الهلال؟ كان حسن ويوم جاء الدعيع
صار حسن(كخه) وتذكرون أول ماوقع العقد محمد وش سوى حسن !!!!
راح وقع للن....ر مسكين مايدري وش يسوي يدري إن مكانه بيروح عليه
وأنا أتمنى أن يبقى حسن حامي عرين الأزرق بدلاَ من الدعيع.

بيت مهدى من حسن للهلال:
قلت يظلمني حبيبي لين يرضى
بلغوا الظالم ترى المظلوم راضي
(بدر بن عبدالمحسن)

انا معك يا متيم بكل الى تقوله في الحارس العملاق محمد الدعيع بس كلام اخونا بدر موتنى من الضحك يوم يقول يبيع الهلال الدعيع الظاهر انه ينكت ولا احد يفرط فىالدعيع .............

ياناس عيب عليكم,,,,,,,,,,,,,,,,,,,

يـــكـــفـــيـــنـــا مـــــــقـــــــارنــــــات

الــدعــيــع والــعــتـيــبــي عينان في رأس

وهذه المقارنات فرصة لدخول المندسين, والتفريق بين اللاعبين.

يا جماعه انتم تكلمون عن الدعيع هذا الاسم الرنان والذي تحدثت عنه اسكتلندا وامريكا واسيا ومجرد دخول اي حارس محلي او خليجي او عربي او اسيوي في مقارن مع هذا الاسد ظلم للدعيع اولا واخيرا مهما يكن هذا الحارس سواء حسن العتيبي او خلافه. فأحترام للدعيع وتاريخه نرجوا اقفال الموضوع

أنا مع أخوي الامبراطور في كلامه 100% والاثنين من أفضل الحراس في المملكه بدون أي مقارنه وان شاء الله قريبا راح يكون محمد الدعيع هو عميد لاعبي العالم بكل جداره واستحقاق .

ياخوان المقارانات هذي ليس لها فائدة وارجو عدم تحطيم حسن العتيبي وعدم زرع الفتنة بينه وبين سيد حراس اسيا وحارس القرن الاسيوي .
وعلى فكرة ترانا نحتاج حسن العتيبي اكثر من الدعيع لان مشاركات منتخبنا العالمي دائما طويلة والاستعداد دائما للمنتخبات العالمية من فصيلة فيتنام وبنغلاديش يحتاج 35يوم فلذلك لاتحطمون ابو علي وتخلونة يغادر لزكية زكريا او للاتحاد.