مرحبا بالإعصار .. بين كنفات المجلس العام ..

وش هالموضوع .. بس شكله جاي بعد معاناة حقيقية ..

## من ناحية كثر الكلام في الجوال فمثل ما قال الشباب .. عشاننا أكثر شعب فاضي هذا اولا .. ثانيا .. عشاننا عرب وهذي الحقيقة ..!!

نحب كثر الكلام في كل شيء ..

## من ناحية التخفيض .. هذا والله اللي هبل بالعالم يعني فيه ناس كثار بعد التخفيض فاتورتهم أغلى ..

والشيء الثاني ( رخص رسوم التأسيس ) يعني حنا أول كان الواحد يشوفنا يقول وش هالشيوخ .. الحين كل من هب ودب صار معه جوال .. حتى الشغالات معهم جوالات .. لا ويحطون نغمات موسيقية بعد ..

## نجي لأكثر شيء يضايقنا من المكالمات ..
كثرة المكالمات أو نقول ( بثارتها ) يعني يجيك يتصل عليك عشر مرات ورى بعض .. وانت ما رديت في الأولى ..
طيب ترى حتى مكالمة وحدة يوصل الرقم له ..
وإن كان ما وده يرد لو تتصل عشرين مره ماهوب راد

الشيء الثاني انك تتصل على واحد ولا يرد ويعطيه ( مسيد كول ) ويطنشك ..

وأكيد بعد اللي انت قلت .. طول المكالمة ( اللي مالها سنع ) ..


على العموم موضوع رهيب بالمرة ..

والله يا انت مصرقع بعد <--- وش دخلها ذي


ألف شكر لك إعصار باشا .. وعسى المنعنش أعجبك ..


تحياتي لك ،،،

هلا أخوي الإعصار ..

فعلا مكالمات الجوال صارت حاليا قمة في القلق والإزعاج ..

بعضهم يتصل عليك عشرين مرة ورى بعض لايكل ولا يمل وكأنه ماعنده شغلة إلا أنت .... ولو ترد عليه تدري أنه ماعنده سالفة ....؟؟؟

وبعض الناس على رائحة الأكل من يوم تتعشى والا تتغدى الا هو يدق عليك

وبعض الناس يدق عليك ويقرق عليك سوالف ربع ساعة وأنت تشوفه في اليوم أكثر مما تشوف فيه نفسك وأهلك ;)

على كل حال فلكل شيء إيجابيات وسلبيات
ومن سلبيات الجوال أنه صار مع كل من هب ودب وأن << من هب ودب يبلشونك باتصالات مال أمها داعي
أما إيجابياته فهي كثيرة ولست بصددها ....!


ولانقدر نقول الا الله يعيينا على الجوال وبلاويه ويصبرنا
تحياتي ,,

أثرك طلعت جلده ياولد الاعصار
هذا وش نسميه ثقل والا بخل

شكلك من يوم طلعت الجوال وانت اللي تسدد فواتيره وبرمجت نفسك على كذا
لان فيه ناس تقرق واجد كثير ولا عمره شاف فاتوره

الله يخلي لنا الاتصالات << جايه جوال مجاني لمت 500 ريال
صرنا نرسل من المجاني ونستقبل من الخاص

وجميع النقاط اللي ذكرتها متوفره لدى الشعوب العربيه وخاصتآ النساء

إقتباس ماهي الأمور التي تتضايق منها خلال مكالمات الجوال

اذا اتصل شخص وقت الصلاة وكنا بديره وحده ( ما صلـّـى )
اذا اتصل عليك زميل الصبح وقال لك جى المدير والا وقع عنـّـي
المشكله اني دايم اسويها بس يسوونها فيني معصي
اذا جتني رساله وعه

ما اطول عليكم نعطي فرصه لعضو آخـــــــــــــر
تحياتي لك ;)

علشان كذا ما أرد عليك

أختصر وأبشر

أتـفـقـنـا؟

كلامك صحيح الاعصار
تصدق واحد غاثني اربعين اتصال ولا ارد
وماهو راضي يفهم
اخيرا قررت اطلع جوال ثان استخدمه وقت العمل لانفك من كثرة الاتصال وارتاح
ولكن وش رايك بهالموقف
اسمع
طلعت مع خالي وهو كبير في السن
وجلسنا في مكان يقال له الشارة على طريق المدينة لتناول العشاء
وواحد من الشباب هلكني اتصال
يمكن اكثر من عشرين اتصال
وانا احطه صامت صامت
والخال ليه ما ترد عليه؟
وانا اتعذر
بعد كم يوم اتصل خالي يبيني ضروري
والجوال ناسيه بالموتر
ويوم رجعت لقيت اتصال واحد فقط من الخال
اتصل واتصل ما يرد علي
ههههههههههههه
الاخ طلع زعلان كان يتوقع ان ي مارديت متعمد هههههههههه

الكرز : هي تفرق يعني .. سواء على النت ولا برا النت .. قمة القلق وبسسس


الفيروسة الزرقاء : بالتأكيد ان كان الطرف الثاني خارج المدينة التي تقيمين فيها .. سيكون له وضع خاص مختلف عن جميع المقاييس ..

الهلالية وللأبد : المطبخ مضبوط مية المية مع اننا ماذقنا شي احسن طريقة لتخفيف المكالمات .. تقفيل الجوال


redheart : جديدة حركة الرد ذي .. على نمونة ان سيرنا عليكم اليوم .. دوركم بكرة تسيرون


كوكتيل : هلااااااا صديقي

اضافة ممتازة .. مستر كوكو .. مواضيع الاتكيت في المصاعد جايتك لا تستعجل

بس حركة تدري ليه .. ماعلقت على كلمة الأخبار السيئة ههههههههه كأنك معترف فيها


abu_riman : الحين عرفت وش اللي في بالك و ودك تقوله لي من زمان ..

والله يابو ريمان اني مافهمت قصدك من هالرد .. ياليت توضح


الحاتمي : يخوي عطه من قاصرها .. وقل له لا .. مهوب حولي



---------

للردود بقية

الحمد لله انا مريح رأسي ما عندي لا جوال و لا ما يحزنون

تحياتي للجميع

[ALIGN=CENTER]
اعصـار ..

عن نفسي صعبه اقول لأي شخص ..

السلام عليكم ..

ترا بمـرك الحين أو شف موضوعي ثـبته ..

لابد من تمهيد بسـيط على الاقل ..

فمابعد صرنا امريكـان ..

وثاني مره حط تصفح خـفي ولعد تجيك اتصالات الفجريه [/ALIGN]

[ALIGN=CENTER]اشوى منيب اعرفك

ياهلا اعصار باشا
بالنسبة لي جوالي نادر تلقاه على نغمه حاطه على الصامت هزاز ومريح بالي
واذا اتصلت على احد اول سؤال لي انت مشغول والا فاضي لو المكالمة ماتاخذ اكثر من دقيقة
واذا انتهينا عسى ما ازعجتك لو ربع ثانية وكذا ترتاح من الحش الاعصاري

بس الحركة اللي تقهر طالعين فيها مبزرة<<قاهرينه
اذا جاء يخلص من المكالمة يقول قد سمعت صوت القطار...وبعدها تسمع طوط طوط

وسلمت على الموزوع..اللي هيك [/ALIGN]

إقتباس إقتباس من مشاركة البارق2000 مرحبا بالإعصار .. بين كنفات المجلس العام .. وش هالموضوع .. بس شكله جاي بعد معاناة حقيقية .. ## من ناحية كثر الكلام في الجوال فمثل ما قال الشباب .. عشاننا أكثر شعب فاضي هذا اولا .. ثانيا .. عشاننا عرب وهذي الحقيقة ..!! نحب كثر الكلام في كل شيء .. ## من ناحية التخفيض .. هذا والله اللي هبل بالعالم يعني فيه ناس كثار بعد التخفيض فاتورتهم أغلى .. والشيء الثاني ( رخص رسوم التأسيس ) يعني حنا أول كان الواحد يشوفنا يقول وش هالشيوخ .. الحين كل من هب ودب صار معه جوال .. حتى الشغالات معهم جوالات .. لا ويحطون نغمات موسيقية بعد .. ## نجي لأكثر شيء يضايقنا من المكالمات .. كثرة المكالمات أو نقول ( بثارتها ) يعني يجيك يتصل عليك عشر مرات ورى بعض .. وانت ما رديت في الأولى .. طيب ترى حتى مكالمة وحدة يوصل الرقم له .. وإن كان ما وده يرد لو تتصل عشرين مره ماهوب راد الشيء الثاني انك تتصل على واحد ولا يرد ويعطيه ( مسيد كول ) ويطنشك .. وأكيد بعد اللي انت قلت .. طول المكالمة ( اللي مالها سنع ) .. على العموم موضوع رهيب بالمرة .. والله يا انت مصرقع بعد <--- وش دخلها ذي ألف شكر لك إعصار باشا .. وعسى المنعنش أعجبك .. تحياتي لك ،،،

هلا بالاعصار
شف هاللى راد ماعليك منه ترا ماعنده سالفه
شف انا مايرفع ضفطى الا اللى يدق دقه ويسكر يعنى اتصل على ابد مهوب يقصد البارق هو وجواله سوا

اهم شي لا تدق علي وانا نايم والا في محاظرة سلم

عودة


صدى الأمس : ياخي المفروض ماتعلم احد .. ماشاء الله تبارك الله .. ياخي والله غرت منك ..
اذا كان الرجال ماتقدر تشوفه مثل صبي الجوف ياخي هذا يستاهل .. ابوعبدالرحمن حالة خاصة تتحطم أمامها جميع الشروط والعوائق .. بس خله أول يرد على مكالماتي <<<<<


البارتز : ياخي انت احسن واحد في العالم .. تصدق الظاهر ماقد سمعت صوتك على الجوال .. مالاحظت ؟
اضافة ممتازة للموضوع .. ونعناعكم ماذقناه .. مستوى الخدمة عندكم زيروووو

الفلسفة الكروية : مداخلة رائعة .. تدري احسن شي في الجوال .. انك تقفله وتريح بالك ولا تفتحه إلا اذا احتجت بسسسسسسسس .

سهل 888 : هلا ابو الثمانيات .. يحق لك تنبسط مدام السالفة فيها جوال مجاني .. اجاباتك على السؤال .. في الصميم

مخاوي البطولات : الله .. جرى ايه ياواد يامخاوي .. مألتش لا ترد دنا بشجع الاختصار وبسسس

المسلم : هههههههههه زين سوا خالك .. ههههههههههه

الفيصل : هلا بملك الملتميديا في الشبكة .. توني اقول لصدى الدجة اللي ماعنده جوال لا يعلم .. ولا ترى بنصكه بعين

كايدهم : اوكي القضية ماهي قضية سلام وبس .. الشاهد هو اختصار التحية قدر الإمكان .. دقق لما تكلم بالجوال وشف كيف التحية التقليدية تاخذ الوقت الأطول من وقت المكالمة .. التصفح الخفي له أوقاته

صمت العيون : لا انت مضبوط .. المفروض تطلع كتاب في اتكيت الجوال ههههههه

ابو الذهب : اهل دقة ثم يسكر معروفين وانا اخوك

هلالي فخور : متى تنام .. عشان أدق عليك

إقتباس حاول أن تتلافى مقولة ( ماعندك هاتف ثابت قريب ) لأنها قد تؤدي إلى إنهيار الطرف الثاني عصبياً ( العالم ماهي فاضية للجوال عشان تفضى للثابت )

صدقت والله ...

أنا يجيني إنهيار عصبي لما أي شخص يقول هالكلام ...

والشي الثاني ...

اكره ما عندي لما أشتغـل على النت ويجي واحد ويكلمني على الجوال ويسولف ويطول بعد ...

ومثل ما قلت سواء على النت ولا برى النت ...

والله فيه أشياء كثيرة في بالي بس الجوال قلق × قلق ...

تحياتي لك ،،،

موضوع شيييييييييي


يسلمووووووو ابومحمد


شكل هالموضوع موجه لي خخخخخخخخخخ


بس وش تسوي .. لزقه اصلي مافيه فكه


يعطيك العافيه