هل هذا هو الهلال ام فريق أخر ؟
الحين منهو الي معسكر في هولندا ؟
والله شي يقهر .

تخبط ما بعده تخبط .. وش نبي نسوي قدام النصر ..
والله إني شاك إن الهلال يبي يفوز على هل مستوى .. ما أضنه
الوسط ضاااايع ضاااااااااااااااااااااااااايع

لازم يكون هناك حل وبأسرع وقت يا ناس بدت النقاط تضيع ..
المشكله مو في النتيجه .. المشكله إن المستوى ضعيف ..

كل كوره فووق ما فيه هجمه منضمه .. والله إن الكوره تجي للمهاجمين بالصدفه ..

وكذا فرصه تضيع قدام الباب ،،، اللعب بارد.. ما تحرك إلا في اخر الدقايق ..

بالنسبه للمستوى .. هو أفضل من مبارة الأتفاق .. بس المشكله إلى متى نبي نستمر على هل حاله . ؟

انا الي قاهرني ليش ما يلعب الحربي أساسي ؟؟؟
هو الي سجل هدف وهو الي تسبب بالبلنتي وكذا تمريرة أبدع فيها ووضع الجمعان أمام الحارس .

الله يعيننا يوم الأربعاء القادم .. إذا ما تحركو الأدارة والجهاز الفني والاعبين ؟؟

بعدين عبدالله سليمان بطيئ مره ما يركض .. والمفرج كل كوره فوق .. ياخي مرر إبن هجمه !!

الله يعين بس هذا الي اقدر أقوله .. :sad:

يااخوي اصبر ..

اصبر الين مايكتمل الفريق ..

يعني وش الحلول بوجهة نظرك ؟؟

الادارة ؟؟ ماقصرت بشي و الله يعطيهم العافية

المدرب ؟؟ ماعنده محور من يلعب ؟؟

اللاعبين ؟؟ ناقصين ولا اكتملوا تعال تكلم عنهم

الجماهير ؟؟ قاعدين في بيوتهم و يتفلسفون ويطالبون و ينتقدون ويجرحون وهم ماحضروا طول السنة مباراة وحدة بالملعب ..

إقتباس انا الي قاهرني ليش ما يلعب الحربي أساسي ؟؟؟ هو الي سجل هدف

عبدالله الشريده هو اللي سجل الهدف

إقتباس بعدين عبدالله سليمان بطيئ مره ما يركض .. والمفرج كل كوره فوق .. ياخي مرر إبن هجمه !!

في رايك هذولا اسباب المتوى السي ياخي على الاقل تذكر ان سليمان انقذ الهلال في اكثر من كورة

إقتباس يااخوي اصبر .. اصبر الين مايكتمل الفريق .. يعني وش الحلول بوجهة نظرك ؟؟ الادارة ؟؟ ماقصرت بشي و الله يعطيهم العافية المدرب ؟؟ ماعنده محور من يلعب ؟؟ اللاعبين ؟؟ ناقصين ولا اكتملوا تعال تكلم عنهم الجماهير ؟؟ قاعدين في بيوتهم و يتفلسفون ويطالبون و ينتقدون ويجرحون وهم ماحضروا طول السنة مباراة وحدة بالملعب ..

نجم الهلال انا متاكد انك فعلا نجم وياليت كل الهلاليين في نفس مستوى تفكيرك

اللي سجل الهدف هو الحربي وليس الشريده ..

اما الفريق فهو من جرف لدحديره وياقلب لا تحزن ..

غريب الروح ..

انا متأكد ان كل جماهير الهلال واعيين لكنهم دائما مستعجلين ..

نجم الهلال

حقيقه أقولها لك .. ما شاء الله عليك .. على هدوئك .

ياخي الفريق ضايع وش ترجي .. إلا متى نصبر .إلين تتحدد المراكز.

إلين نطلع من المربع .. ياخي العام الماضي خرج الهلال من المربع بسبب نقطتين .

والحين ضاع على الهلال أربع نقاط .

صدق إننا في أول الدوري .. بس أنت تذكر الموسم الماضي وشف ..

كنا حبيبين مره ولا ننتقد ونقول كبوه جواد ومادري إيش إلين ضاع الفريق ..

الحين خلاص جاء وقت الجد وإذا ما ضغطنا على الفريق فسيستمر على هذا المستوى وعلى هذا المنوال ..

الهلال ناقص نجوم مو جديده هذي .. كل موسم يا إما إصابات أو بالمنتخب .

بعدين يا إخوي فيه بدلا وين حقين الصداقة ..

والله ما ودي انتقد ولا أقول شي بس ياخي إرتفع ضغطي من المستوى الهزيل ..

من حبي للهلال انتقده ولازم إذا اخطى ننتقد ونتحسر ولا نسكت إلين يطيح الفاس في الراس بعدين نقول يا ليت ويا ليت ..

بالنهايه أتمنى من كل قلبي أن يتوفق الهلال ونشوفه في أفضل حالاته ..

تحياتي .

والله لو الهلال مقدم مستوى وخسر كان اكون اول المهنيئين

لكن لا مستوى ولا نتيجه صعبه شوي نتقبلها

وعبدالله سليمان اخالفك فيها
هذي اول مبارة له من الموسم الماضي وهو ما يلعب لكنه قدم مستوى جيد بس يعاب عليه البطى كما ذكرت

بس الله يعيننا بالمباريات الجايه كونها قويه وامام المنافس
ومستوى الهلال ما يطمن

إقتباس إقتباس من مشاركة 100% هلالي نجم الهلال حقيقه أقولها لك .. ما شاء الله عليك .. على هدوئك . ياخي الفريق ضايع وش ترجي .. إلا متى نصبر .إلين تتحدد المراكز. إلين نطلع من المربع .. ياخي العام الماضي خرج الهلال من المربع بسبب نقطتين . والحين ضاع على الهلال أربع نقاط . صدق إننا في أول الدوري .. بس أنت تذكر الموسم الماضي وشف .. كنا حبيبين مره ولا ننتقد ونقول كبوه جواد ومادري إيش إلين ضاع الفريق .. الحين خلاص جاء وقت الجد وإذا ما ضغطنا على الفريق فسيستمر على هذا المستوى وعلى هذا المنوال .. الهلال ناقص نجوم مو جديده هذي .. كل موسم يا إما إصابات أو بالمنتخب . بعدين يا إخوي فيه بدلا وين حقين الصداقة .. والله ما ودي انتقد ولا أقول شي بس ياخي إرتفع ضغطي من المستوى الهزيل .. من حبي للهلال انتقده ولازم إذا اخطى ننتقد ونتحسر ولا نسكت إلين يطيح الفاس في الراس بعدين نقول يا ليت ويا ليت .. بالنهايه أتمنى من كل قلبي أن يتوفق الهلال ونشوفه في أفضل حالاته .. تحياتي .

طيب يااخوي شفت الموسم الماضي ..
اقلنا ماتورانا وجبنا بلاتشي ولا تغير شي ..

بعدين حتى لو جاك مدرب جديد من بيحط لك في المحور ؟؟

بيجيب لك فييرا ولا ماكليلي ؟؟
راح يكون عنده نفس حلول ادديموس (( المؤقتة )) الى حين عودة المصابين الى مراكزهم الاساسية

واعيد واكرر لا تستعجل ..

ما حصل في الموسم الماضي كانت صدمه قوية الى الان لم ينسها جمهور الزعيم .... ولكن الصبر جميل ... والموسم ما زال في البداية ...

وبأذن الله ان تكون الايام القادمه هي الأفضل .... وهذا ما هو متوقع من نجوم الزعيم ...

يا أخوان اعذركم واشكركم في نفس الوقت على اسعتعجالكم هذا..... وان دل هذا على شئ انما يدل على حبكم لناديكم .... والصبر مفتاح الفرج ....

الله لا يعيدها من أيام ..... انسوا الماضي ... واجعلوا النضر الى المستقبل .... بتفائل ....

في النهايه لا يصح ... الا الصحيح ...

تقبل تحياتي جميعاً..... واعذوني على التقصير ....

يارجال خليها على الله;);););););)

إقتباس إقتباس من مشاركة نجم الهلال يااخوي اصبر .. اصبر الين مايكتمل الفريق .. يعني وش الحلول بوجهة نظرك ؟؟ الادارة ؟؟ ماقصرت بشي و الله يعطيهم العافية المدرب ؟؟ ماعنده محور من يلعب ؟؟ اللاعبين ؟؟ ناقصين ولا اكتملوا تعال تكلم عنهم الجماهير ؟؟ قاعدين في بيوتهم و يتفلسفون ويطالبون و ينتقدون ويجرحون وهم ماحضروا طول السنة مباراة وحدة بالملعب ..

الى متى واحنا كذا
والاعبين مهوب في الملعب 11
ناقصين كيف
و ...........سامي...............ونواف
يمكن يعتزلون ...............ويمكن ...ويمكن

محب الموج الأزرق

صح لسانك عز الله إنك فاهم ..

مهووسة الزعيم

أنا كنت أقول كذا من أول .. بس إخوي=====> نجم الهلال .. مو فاهم قصدي ..

...............................................
إخوي العزيز
نجم الهلال

أنت روعه صدق
أنت مو فاهم قصدي يمكن .. أنا كنت اقول الله يهديك إن فيه لاعبين من الصداقة حقين الوسط حلوين .. يعني عندك عبدالله المطرف ، وتركي الشايع .. هذولا ابسط مثال .

أنا مو ضد أدي موس لا .. بالعكس أنا من الناس الي معجبين بالسيد أدموس كيف لا وهو الي إتشل الفريق العام الماضي من خسائر ومستوى فاضح إلى بطوله أنعشتنا حقيقه ..

ولاكن ما يعااب على أدموس إنه غصب الي راحو معه لهولندا هم الي يلعبون .. ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍!!!
ليش ما يستعين بالي ذكرتهم لك الحين .. هل هو عدم ثقه والا عناد

ولك شكري وإحترامي لوجه نظرك ..

تحياتي للجميع .

إقتباس تخبط ما بعده تخبط .. وش نبي نسوي قدام النصر .. والله إني شاك إن الهلال يبي يفوز على هل مستوى .. ما أضنه الوسط ضاااايع ضاااااااااااااااااااااااااايع

بالفعل الوسط ضاااايع وان لعبنا كذا بمباراة النصر الله يستر.
كل كوره فووق ما فيه هجمه منضمه .. والله إن الكوره تجي للمهاجمين بالصدفه ..

إقتباس انا الي قاهرني ليش ما يلعب الحربي أساسي ؟؟؟

والله لاعب مبدع وان شاء الله له مستقبل

إقتباس هو الي سجل هدف وهو الي تسبب بالبلنتي وكذا تمريرة أبدع فيها ووضع الجمعان أمام الحارس .

اسمحلي اخوي لكن اللي جاب الهدف هو: فهد المفرج من الركنيه

إقتباس الله يعيننا يوم الأربعاء القادم .. إذا ما تحركو الأدارة والجهاز الفني والاعبين ؟؟

ان شاء الله . وان شاء الله نشوف مستوى يليق بالزعيم امام النصر

إقتباس بعدين عبدالله سليمان بطيئ مره ما يركض ..

اخوي احب اذكرك ان عبدالله سليمان هو اللي انقذ الكوره اللي سددها لاعب الشباب على المرمى من على خط الرمى وكانت الكوره متجه نحو المرمى لولا تدخله السريع

إقتباس الله يعين بس هذا الي اقدر أقوله ..

الله يعينا وياك اخوي
ومشكور اخوي على هذا الموضوع الذي ليس له الا معنى واحد وهو : حبك واخلاصك للزعيم

تحياتي::
هلالي2008

اخي هلالي2008 >>>> الي جاب الهدف الحربي وليس المفرج
للمعلوميه فقط