السلام عليكم/


يا هلاليين الكورة مهما كانت المتعة فيها ومهما كان الفن فيها تراها
ما تفرق بين القلوب وانا شفت زي ما كل سعودي شايف العداوة بين(الهلال والنصر)و(الاهلي والإتحاد)إدارة ولاعبين( وجمهور) والاخيرة اهم
وحدة يا هلالي القدم وضعت غاية ولم توضع للمطاقات بعد المباريات والإستهزاء بين الطلاب والموظفين بعد المباريات واني ازعل إذا شفت
اثنين او ثلاثة يتجادلون وبعض السقماء يتجالدون إذا الهلال فاز على النصر او العكس (لاسمح الله)و50% من اصدقاي نصراوية والبقية هلالية وما يفرقون عندي في محبتي لهم. يا هلالين الكورة(ريـــــــاضة)
يا هلالي انا وياك واعضاء المنتدى اخترنا الهلال عشقا للفن واللعب اللي ياخذ العقل.انا ما اقول لا تتناقش.ناقش واثبت(مع انه مثبت ومنتهين منه) بس يكون نقاش مع احترام لوجهة نظره ودون إستهزاء وتجريح. ومعنهم هم اللي يجرحون ويهزؤون لكن انا كلامنا في الملعب
واسف على الإطالة وبالتوفيق

موضوع حلو بس وش رايك تترك النصراويين

السلام عليكم
كلامك صحيح لازم المشجعين يتحلون الروح الرياضية ونترك التعصب
موضوع جميل اخوي فلافل

اصلا...الكوره ما تحلو الا بالتعصب..للاسف.
لو صرنا زي ما تبي ...كا صارت بارده.

على فكره..ترى الدوري الانجليزي ما صار اقوى دوري في العالم
الا بسبب التعصب على بعض من قبل الجماهير.
للاسففففففف!!!!!!

يا اخوي الازرق999 ابسالك سؤال وجاوب بصراحة/النصراوي يهودي ولا نصراني.وبعدين انت اخترت الهلال عن قناعة هو مثلك اختار النصر عن قناعة .اسمع يقولك(لو ما اختلفت الاذواق لكسدت السلع)(مسوي مدرس لغة عربية).زيدان يعجبني الهلالي الواعي وشكرا على المشاركة

وبالتوفيق

هلالي شقراوي(من نفس الديرة((شقراوي بالعربي)) ) شكرا على الرداقولك ليش ما احد رشح انجلترا؟؟؟

عشان الجماهير وتعصبها الاعمى. وبعدين انا ما اقول لا تشجع الهلال إلا بأدب إلا زاعق باسم الزعيم بس بدون تجريح وخلك احسن من غيرك

وشكرا

يافلافل هذا كلام واحد نصراوي دايم اخوياه يستلمونه بعد كل مباراه هلال و نصر هههههههههههههههههههههههههههههه.

امزح تراني لا حد يصدق.
و السلام ختام.

لولا المنافسة كان ماكتبت يافلافل ( لاتكون فلافل حاره بعد ) .

كلامك عين العقل ... لاكن بدون الشد والرد مالها طعم ؟

والا النثر وشلون أشتهر ... أشتهر بعناده ومغالطة للهلال .

ولا في رأيك وشلون أشتهر ؟؟؟؟؟؟؟؟؟؟؟؟؟؟

هات الجواب ...... وصدري كله رحب لك ولغيرك .

والله انا معك اخوي فلافل لكن النصراويين نفسهم شينه يعني اذكرلك موقف صار لي :
في احدى مباريات النصر والهلال كنت انا واحدمن اقربائي النصراويين المتعصبين جدا وفاز الهلال في ولما جاء هدف الهلال الاول صار يسب في الحكم ويوم جاء الهدف الثاني صار وجه محمر وبعد المباراه رحت عزيته با الهزيمه وقلتله هذي حال الكور مره لك ومره عليك لكن ما اقتنع حتى لدرجة انه صار يكرهني من بعد فوز الهلال

<<<<
........... أخي فلافل
. السلام عليكم ورحمة الله وبركاته

..... أؤيدك في ما ذهبت اليه , فالكرة متعة ....ولذلك إنصح أصدقاءك عشاق الطرف الآخر

, أن يتركوا التعصب , ويشجعوا الزعيم , فهنا تكمن المتعة .....

انا ما اظن ان النصراوي يختار النصر عن قناعه وبعدين كلامك صح ماله داعي التعصب بس وش يبيصير اذا تركنا التعصب مب صاير فيه منافسه ابد يبيطلع الدوري بايخ علشان كذا لازم نسير متعصبين.

هلا أخوي ابو يعقوب شكرا على الشك فيني وفي إخلاصي لزعيم زعماء اسيا

(أمزح معك لا تصدق)

هلا اخوي j.a.j يا أخوي العزيزانت وباقي أعضاء المنتدى لا تفهموني غلط انا ما ابيكم تشككون في حبي وعشقي للزعيم انا ما اقول لا ترد بالعكس لو ما صار فيها اخذ وعطا كان ما لقيت ولا واحد في العالم يشجع نادي بس انا اقول الجدال والنقاش يصير بدون تجريح واعيد واكرر خلك احسن من غيرك وإذا هم اشتهروا باالطقاق مع الحكام ولاندية في الجرايدانا كلامنا في الملعب وشكرا
اخوي الذيب وبس إذا النصراوي اثبتلك انه يشجع ناديه بتعصب اعمى اعرف ان فيه خلل بعقله انت اثبت العكس اثبت انك عشقك الاول ولاخير للزعيم وشكرا على المشاركة.
اخوي الإمبراطور/ كلامك عسل.
اخوي الازرق999لا النصراوي وغيره اختار ناديه عن قناعة واحب اقولك فيه فرق بين(التعصب والتشجيع)وشكرااخوي.وبالتوفيق للجميع

كلامك صحيح%98،99في المئه لان اصدقاك نصراويين.

اخوي الازرق999هل تعتقد ان اصدقلي النصراوية اثروا علي يومي اكتب ذا الموضوع. لا اخوي هذا رابع المستحيلات ولعلمك انا متاكدان95% من اعضاء المنتدى لهم اصدقاء واقارب نصراويين. وبعدين خذها نصيحة مني لا تصير علاقتك مع الناس على الاندية اللي يشجعونها فياما هلالي أخلاقه زفت(الله لا يقوله) وياما نصراوية مشتهرين بالاخلاق وحسن التعامل والعكس صحيح.ولا تظن اني كتبت ها الموضوع رحمة بالنصراوية.لاانا كتبته عشان ابين للجمهور حقيقة كرة القدم وانها متعة ورياضة مهب حرب بين المشجعين .
وانا اسف ان كنت غلطت عليك اخوي وشكرا