20/08/2003, 04:55 PM
|
| زعيــم متواصــل | | تاريخ التسجيل: 20/12/2002
مشاركات: 99
| |
|
هلال الصداقه بمستوى منتخبات اوليمبيه...وقصتي مع النزهان
رديف الهلال....بمستوى منتخبات اوليمبيه
ما افي احد يقول شي على اداء رديف الهلال في الصداقه7 ,شباب صغار وبعضهم اول مره يلبس القميص الازرق ويلعب باسم الهلال.ومع ذلك نافس شبابنا على دور الاربعه وخرجوا امام منتخب اوليمبي اصغر لاعب فيها بسن اكبر لاعبينا. اربع مباريات دايما افضل لاعب فيها هلالي, كلنا نقول انه صغارنا فيهم امل.ويمكن اول مره من كم سنه نشوف صغار الهلال بمستوى عالي وانه في عندنا قاعده كرويه(مش القاعده اياها) وانهم يكونوا مستقبل الهلال زي ما شفنا زمان ايام لطف والمسعري وخميس وعبده صبياني والرشيد والمفرج وغيرهم كثير.... بس يبغالهم اهتمام كامل يعني مش بس كوره...لا... كوره ولياقه وحديد وكمال اجسام......يعني نبغى جيل ما يعرف الرباط الصليبي والاصابات الكبيره . جيل يلعبو كوره لحد ما يوصلو سن الاعتزال مش يعتزلوا بسيب الاصابات!!!
حسين الحبشي مشروع مدرب اعداد ممتاز بس لازم له وقت لانه تدريب الهلال مش زي أي فريق. بس عندي اسئله له ياريت يوضحها لنا ولاعضاء الشبكه ومنها:
في مباراة المغرب:
ليش العنبر احتياط وهوه متعود على جو المباريات اكتر من الجمعان؟؟ لاحظ انه هجوم الهلال يعتمد على الرفعات العرضيه...والعنبر اطول من الصويلح والجمعان!!!!!!!!
ليش النزهان قلب دفاع؟؟اعتقد يوم الاهلي لما كان ظهير ايمن كان مركزه حيوي اكتر وبصراحه بهدل حسين عبدالغني وعمل اكتر من هجمه خطيره. ليش يلعب قلب دفاع وهل احنا ما عندنا قلب دفاع؟؟فين مسواك كجرشي واللاعب اللي استدعيتوه من شباب الهلال وجا ابها؟؟ الراجل ضرب مشوار عالفاضي!!!!!
يا سيدي الكريم احنا جاتنا مصايب للمنتخب الاول من كثر تاليف المدربين ووضع اللاعب في غير محله..........المشعل ظهير ايسر......فوزي الشهري محور......فهد السبيعي.....وسط مهاجم........وامثله كثيره
وليش العمودي وهوه لاعب خبرته اكتر من الفرج وهوه اللي رفع الكوره للصويلح قدام عسير وجابها الاخير هدف....ليش ما لعب اساسي طالما المباراه تلعب بفرصة الفوز فقط؟؟؟؟
مازن الفرج؟؟؟ايش وضعه بالضبط؟؟؟محور ولا وسط مهاجم ولا ظهير ايسر ولا ايش؟؟؟؟؟ كل مباراه يضيع هدف زي قدام المغرب واظن سوريا......ياسيدي الفاضل الولد كويس بس مهاراته التهديفيه صفر.......يا تنمي مهاراته التهديفيه يا تغير مركز وتخليه محور.......ايش راي الشباب؟؟؟؟
احنا ما نتدخل في شغل المدرب.بس السؤال مو حرام......................
ارجو ان الكابتن حسين يتقبل الاسئله بصدر رحب.وكل هذا في مصلحة الهلال
متفرقات:
شبابنا شاركوا وجابو المركز الثالث بدون هزيمه.....واولهم شارك بالمحترفين(واحد عنكبوت...التاني اكيد صرصار!!!) وثلاث هزايم والرابعه جيتهم والاخير من نصيبهم.....عالمي ايه..... اللي انتى جي....تقول عليه.....(ياريت نغنيها زي محمد سعد في فيلم اللمبي)
الامير الرجل الخلوق صاحب السمو الملكي محمد عبد الله الفيصل......رجل رياضي بمعنى الكلمه....ينزل بنفسه يهني اللاعبين على المباريات .......بغض النظر عن اسم الفريق........هوه اللي يستاهل يكون رمز الكره السعوديه..مش زي صاحبنا الاخرق الرمز المضروب اياه ......وكلنا فاكرين البطوله العربيه اللي في الرياض لما فاز الهلال على النصر ببلنتي الجمعان وانتهت المباراه شرد من المنصه ودبس ولده فيصل انه يسلم الكاس للهلال.....شكله قال للي جنبه :معليش ورايا مقاضي من الحلقه واجيب العيال من الملاهي!!!!!!!!!!!!
الاهلي استدعى 4 لاعبين من جده عشان يفوزوا على الهلال....ووصلوا الشباب منفوخين على انهم المنقذين للاهلي....بس فين؟؟ شباب الهلال طاحوا فيهم تسحيب...
النزهان استلم السويد وعبد الغني.......والصويلح جنن القاضي.....ولو جات كورة الصويلح هدف....كان يمكن جاهم خطاب التنسيق قبل ما يرجعو جده!!!!!
اظني سمعت الاخرق يقول انه هدفنا البطوله...........صح بطولة الهزائم وكاس التفشيل والمراكز الاخيره.........وكمان كانه قال المفروض انه الانديه تشارك بالفريق الاول عشان البطوله تنجح..........ايش ترد عليه باللله عليك يا عزيزي الهلالي.......؟؟؟؟؟؟؟؟؟؟؟
قابلت النزهان بعد مباراة عسير في الفندق في ابها وقلتله: ياخي لا تعترض على الحكم لما يصفر هوه مو شريطي تساوم معاه على الفاول؟.......الفريق يحتاجك وانت الكابتن......طالع فيه شويه...وقالي صحيح........مشكور ياخوي ما قصرت
تعامل رائع من لاعب رائع................... |
الوضع العادي
