المستوى الهلال..
ما بين جيد جداً وممتاز

التأملات..
تحسن خط الهجوم بفاعلية

الاحتياجات
مهاجم فعال بجانب قومز والشهري

اكبر مشكلة هي الاستحواذ السلبي
الموضوع عبارة عن قوس من ياسر للبريك
ياسر يسلمها لسالم وسالم يرجعها لياسر وياسر يمررها لسلمان
وسلمان يعطيها البريك والبريك يسلمها لكاريو وكاريو يرجعها للبريك والبريك يمررها لسلمان
ملل يا رجل
ولعب عقيم
يفتقد للتحرك بلا كرة
المفروض ياسر يمررها لسالم ويتحرك وسالم يمررها له قدام (مثلثات)
ما فيه جمل تكتيكيه
ما غير مطامر وركض

الاجنحة لازم تسوي اضافة وتدخل الـ 18 مع غوميز
الكورة مع سالم خش يا كاريو
الكورة مع كاريو خش يا سالم
ولازم تسدد من خارج الـ 18

ماهي معقولة
يا يسجل غوميز يا الجميع يتفرج
التهديف مطلوب من الجميع

احتياج الفريق ظهير (يمين - يسار) اجنبي
حارس اجنبي
اذا غاب المعيوف والشهراني اكلنا هوى
لا نريد اجنبي على الدكه
اي اجنبي اقل من المحلي
يجب ان نتخلص منه

فعلا تكتيك مكشوف ومعروف لدى جميع المدربين..
وكلامك واقعي ولكن الملاحظ أن المدرب ما غير التكتيك ولازال يمارس نفس الأسلوب ولذا يجب تغير الخطة ولو لاحظة الفرق المقابلة للهلال تجد لاعيبتهم ينطلقون في مراكز محددة حتى لو ما فيه كورة دليل أنه تم تحفيظ الخطة...


اشكرك عز الله انك جبت الكلام الصحيح والهلال مدجج بالنجوم اشكرك دليل على تمكنك في التحليل والمتابعة..


فعلا شيء موجود ويكرر...

اولا هناك تحكيم سلب نقطتين امام ابها بقانون تحرك لاعب امام الحيطة ولم يطبق هذا القانون الا في هذه المباراة وسلب نقطتين امام الاتحاد بقانون يدين حجازي لا يمكن احتساب بلنتي عليها وسلب نقطتين امام الشباب بقانون ليه يمزع الشهراني ولا يطبق هذا القانون الا ضد الهلال وسلب نقطتين امام الباطن يرتكب المهاجم فاول ويحسب ضدك ولا يطبق هذا القانون الا بذمة ... وسلب نقطتين امام الاهلي بقانون خاص بعدم احتساب بلنتي وهذا يعني ظمنيا انك لن توسع الفارق وتقتل اثارة الدوري تحت اي ضرف والعشر نقاط دليل واضح وغيرها من كوارث تحكيمية شاهدها الجميع
ثانيا الهلال الفريق الوحيد الذي يلعب موسمه الثالث بدون اجازة وجميع اللاعبين سيكون لديهم اصابات عضلية وفقدان تركيز وهبوط مستوى
ثالثا هناك خطأ ادارة ومدرب بمركز فيتو وان كان الحكم مستعجل لكن هذا اللاعب حتى في اوروبا ياخذ فترة طويلة حتى يتأقلم وهناك خطا تكليف اللاعبين بغير مراكزهم خصوصا تكليف كويلار قلب دفاع وتكليف الفرج وكنو وعطيف بالمحور الدفاعي.
الحلول الممكنة والمطلوب حاليا
بديل خربين اتمنى يكون المهاجم الكولمبي ميغيل بورخا أو ولدنا اكرم عفيف .
مقايضة الجدعاني وكردي مع الحربي ظهير ايسر الشباب لانهم محتاجين ظهير ايمن ونحن نحتاج ظهير أيسر بديل للشهراني وحتى لو تم اضافة الشهري بدل الحمدان .
يكون هناك جدول دقيق لجميع اللاعبين يتم النقاش فيه بين الادارة والمدرب بحيث يكون كل لاعب يعرف متى يلعب وبمجرد غياب الأساسي دايركت يشارك ويعطي جميع اللاعبين فرصة المشاركة .
قلب دفاع ايسر البليهي وبديله المفرج ، قلب دفاع ايمن جانغ وبديله جحفلي ظهير ايسر الشهراني وبديله العليان ، ظهير ايمن البريك وبديله العليان ونهاية الموسم يكون اليامي ، المحور الدفاعي كويلار وبديله البيشي والبديل الثاني ناصر ، المحور المساند عطيف وبديله كنو ، الوسط الايسر الفرج وبديله الناصر ، الوسط الأيمن سالم وبديله هتان ، صناعة اللعب جوفينكو وبديله العبدان الجناح الأيمن كاريلو وبديله الطريس المهاجم قوميز وربما الحمدان وميغيل بورخا

فعلا التحكيم سبب النزيف النقطي

ولكن لابد أن ننسا ذلك ولا نجعله سبب فالكل يستفيد ويتضرر ولكن الواجب الان على الكل بالاتزان والهدوء لأن هناك من يهيج الجماهير والهدف الضغط عليهم فهي جزء من اللعبه..

والا إلى الآن الهلال ممتاز ومستوى طيب

فريق بقيمة الهلال كل الفرق تركن البص امامه ... لابد من وجود مدفعجي شويط لا يرحم محترف ضربات ثابتة الله يرحم ايام نيفيز موسى نضاو... حاليا كل لاعبي وسط الهلال ليس عندهم جرءة التسديد يمكن باستثناء كنو وباهبري... هذه الجزئية فنية بحتة وتوفر كثير من الجهد ... الهلال فريق يتحصل هى عشرات الفاولات اللي قرب ال ١٨ لكن بدون فائدة وتتاح امام لاعبي الوسط مساحات كبيرة لكن لا يوجد من يهدف ..
عموما هذه وجهة نظري وأراها مهمة جدا لفائدة الفريق ككل ... دمتم

لاعب واحد ممكن يغير شكل الفريق..
لا يهم الاسم و لا يهم يكون لاعب بعشرة أو خمسطعش مليون..
والله يا العالم مليان مواهب .. و مليان لاعبين يحتاجون فقط لفريق كبير يفجر مواهبهم..
أفريقيا .. أمريكا الجنوبية .. منجم مواهب .. بأرخص الأسعار ..
لا يحتاج ترهق ميزانيتك .. ولا يحتاج تتحجج بقلة السيولة ..

هات لنا مهاجم شاب .. و لاعب وسط عنده جرأة و مهارة بالتسديد..
اسمه محمد قاسم ماجد .. لاعب عراقي طوله مارادوني و لعبه مارادوني ..
عمره 24 سنة .. لاعب مهاري جداً و يجيد صناعة اللعب و التسديد المتقن ..
موهبته تشق العين شق ..
ابحث عن مبارياته باليوتيوب .. و قارن مستواه بجيوفنكو .. أو أي لاعب عندك ..
اسم مغمور عالمياً .. لكن موهبته حقيقية .. و يقدر يعطي الوسط عندك قوة و خطورة..

ولا اعتقد يكلف الخزينة .. ويعتبر آسيوي .. و بنفس الوقت عراقي مسلم عربي أولاً و أخيراً ..
ماراح تخاف إنه مايتأقلم مع البيئة عندنا ..
و تقدر تجيب بدال الكوري مدافع من أوروبا أو من المدارس المشهورة بالدفاع ..

مثل ماقلت بأول ردي .. لاعب يغير لك شكل الفريق ..
مثل سالم الدوسري ..
بحضوره الهلال يتغير 180 درجة للأفضل ..
حتى بأسوأ مستوياته سالم يغير لك شكل الفريق..

أما الآن ..
فمثل ماقال MXO
استحواذ سلبي .. و لعب على الاطراف كل الفرق عرفت له ..
ولا يوجد عندك لاعب عمق يصنع العجائب و يقدح من راسه وقت ماتحتاجه..

إقتباس الرسالة الأصلية كتبت بواسطة ابوساري لاعب واحد ممكن يغير شكل الفريق.. لا يهم الاسم و لا يهم يكون لاعب بعشرة أو خمسطعش مليون.. والله يا العالم مليان مواهب .. و مليان لاعبين يحتاجون فقط لفريق كبير يفجر مواهبهم.. أفريقيا .. أمريكا الجنوبية .. منجم مواهب .. بأرخص الأسعار .. لا يحتاج ترهق ميزانيتك .. ولا يحتاج تتحجج بقلة السيولة .. هات لنا مهاجم شاب .. و لاعب وسط عنده جرأة و مهارة بالتسديد.. اسمه محمد قاسم ماجد .. لاعب عراقي طوله مارادوني و لعبه مارادوني .. عمره 24 سنة .. لاعب مهاري جداً و يجيد صناعة اللعب و التسديد المتقن .. موهبته تشق العين شق .. ابحث عن مبارياته باليوتيوب .. و قارن مستواه بجيوفنكو .. أو أي لاعب عندك .. اسم مغمور عالمياً .. لكن موهبته حقيقية .. و يقدر يعطي الوسط عندك قوة و خطورة.. ولا اعتقد يكلف الخزينة .. ويعتبر آسيوي .. و بنفس الوقت عراقي مسلم عربي أولاً و أخيراً .. ماراح تخاف إنه مايتأقلم مع البيئة عندنا .. و تقدر تجيب بدال الكوري مدافع من أوروبا أو من المدارس المشهورة بالدفاع .. مثل ماقلت بأول ردي .. لاعب يغير لك شكل الفريق .. مثل سالم الدوسري .. بحضوره الهلال يتغير 180 درجة للأفضل .. حتى بأسوأ مستوياته سالم يغير لك شكل الفريق.. أما الآن .. فمثل ماقال MXO استحواذ سلبي .. و لعب على الاطراف كل الفرق عرفت له .. ولا يوجد عندك لاعب عمق يصنع العجائب و يقدح من راسه وقت ماتحتاجه..

الله عليــــك يابو ســــاري
بصراحة لاعب اسطوري صغير وموهبة عجيبة
تدري وش تذكرت من طريقة لعبه ومهاراته وصناعة الفرص من العدم
تذكرت ابو يعقوب في بداياته الاسطورية
وروح ميسي في عز شبابه
بصراحة مجنووون ياليت تتواصل مع رابط الادارة لعلهم يردون
هذا مكسب لو اشتثمر فيه كفاية

إقتباس الرسالة الأصلية كتبت بواسطة عاشق الزعيم505 الله عليــــك يابو ســــاري بصراحة لاعب اسطوري صغير وموهبة عجيبة تدري وش تذكرت من طريقة لعبه ومهاراته وصناعة الفرص من العدم تذكرت ابو يعقوب في بداياته الاسطورية وروح ميسي في عز شبابه بصراحة مجنووون ياليت تتواصل مع رابط الادارة لعلهم يردون هذا مكسب لو اشتثمر فيه كفاية

بالضبط عاشق ..
اللاعب يذكرن بالجيل الذهبي لكرة القدم ..
قصير صحيح .. بس لاعب مكّار و مخه يوزن بلد كروياً .. ومهاري درجة أولى ..
هو مكسب لأي نادي يلعب به .. بصراحة على مستواه الكبير من فترة ما أشوف أندية سعودية حاولت معه ..

و الأهم آسيوي .. يعني ما تقول و الله خسارة تجيبه ..
على مستوى آسيا يعتبر من الصفوة من ناحية الموهبة و التأثير..

هدفه على قطر الصاروخي يوضح لك كيف يستخدم الشوت بكل دقة بدل القوة المفرطة ..
و شفت له صناعات ثنيانية .. يحب يلعب السهل الممتنع بين المدافعين ..

بالنسبة لي أتمنى يوصل السي في حقه للإدارة .. و يراجعونه و يحطونه بالاعتبار..
ولو الهلال ما يبي أتمناه للرائد بحكم ميولي الريداوية ..

لكن مثل هاللاعب لازم يلتفت له الهلال ..
و صدقني راح تستغني عن خانة الدفاع الآسيوية .. و تستبدلها بمدافع أفضل و بامكانيات أفضل من الكوري ..
بالرغم إنه جيّد .. بس ما أشوفه مثلاً أفضل من حجازي أو من مدافع التعاون أو من كذا مدافع عندنا ..
و للحين ما أشوف الفرق بينه و بين جحفلي و البليهي .. أشوفهم متقاربين بالمستوى ..
ويمكن المفرج لو يعطى فرصة قدم مثل ما يقدم الكوري ..

لو كان أحد يقدر يوصله للإدارة و يطرح اسمه دام الفترة مفتوحة ياليت و الله ..