لازال الفرج يقتل طموح الهلاليين في كل مباراة يلعبها

تجد اي مباراة للهلال يغيب عنها الفرج يبدع الهلال ثم في عودته يلت ويعجن

الحمد لله على التأهل وعقبال البطولة
الهلال دخل المباراة وهو فايز بنتيجة كبيرة ذهابا وبصراحه مدربنا عارف وش يبي من المباراة حتى هدف الأهلي كرة اصطدمت بالحافظ وركب الهدف.
نحتاج توجيه من المدرب للشهراني وسالم والفرج بعدم الاحتفاظ بالكرة بالمناطق الخطرة ومتى يمرر ومتى يمر ومتى يسرع اللعب ومتى يلعب بهدؤ حتى يصبحوا الافضل
الجميع قدم مستوى جيد والأفضل جانق وسيبا والمدرب

،


آول شيء آلف مبروك ع التأهل والحمدلله انه مآفي إصابات او ايقافات وهذا اهم شيء

ثاني شيء عن المباراة بتكلم ،

صرآحه وبكل امآنه شكل الفريق اليوم مآ يحمس ،
الهلال قاعد يلعب برجل وحده ، و السبب المدرب
مدحنآه في الذهاب و خربهآ ف الإياب

مشاركة البليهي في الظهير الأيسر مالها أي داعي ، عملت شلل في اليسار
مشاركته في هالخانه على حساب كادش غلط يتحمله المدرب !
في المعسكر قال مقتنع بكادش ، وينه مآ شفنآه ؟
أقل شيء لو أشرك الفرج في الظهير كآن مآشفنا شكل الفريق بهالصوره ،
عشان كذا شفنآ سلمان لما يستلم الكوره يبغى يبني ماعنده إلآ من اليمين
مسكين يقعد يحوس بالكوره مافي واحد باليسار يفتح او يطلع معه ،
البليهي مرره مآ ينفع ظهير ، أتمنى معد نشوفه بهالخآنه !

مباراة الذهاب استبدل محمد الدوسري بالدقيقه 69 والهلال كان متقدم 3-2
صح غلط الدوسري ، لكن بالنهآيه خرج من الملعب والفريق فايز
تستبدله بالإياب وتجبر الفريق يطلع يبني من جهه وحده آبفهم ليه ؟

سلمآن الفرج منور النص اليوم صرآحه ، ولكم باك يآلكآبيتآنو
و تستآهل نجوميـة المباراه وان شاء الله الجآي آفضل ،


الله يوفق الزعيم الملكـي !

الف مبرووك التاهل اهم شي كادش لا يلعب والله يحفظه يجيبون غيره

ماقصرو وبيض الله وجيههم وصلنا للاهم بقى دور المدرب يعيد المباراه مره ومرتين لابد من حصر اخطاء اللاعبين ومناقشتها معهم ومناقشه التصرف الافضل لكل حاله والله يوفق الزعيم

الحمدلله على التأهل
المطلوب حصل مانبي مستوى
ياقدمنا مستويات والنتيجة ضياع للفرص وحظ مافيه
القادم أحلى إن شاء الله

إقتباس الرسالة الأصلية كتبت بواسطة sultan 07 ، شفنآ سلمان لما يستلم الكوره يبغى يبني ماعنده إلآ من اليمين مسكين يقعد يحوس بالكوره مافي واحد باليسار يفتح او يطلع معه ، الله يوفق الزعيم الملكـي !

من يوم عرفنا سلمان الفرج وهو يحوس بالكورة لين تنقطع ويتسبب ببلاوي
اللاعب عنده مهارة ما نختلف عليها لكن في خانة المحور ما تنفع كثرة المراوغات والحوس
قلنا من سنين الهلال بدون محور أجنبي يحلم ببطولة محلية وإلا آسيوية
والله يوفق الزعيم الملكي

إقتباس الرسالة الأصلية كتبت بواسطة نجم العان مبروك التاهل مدرب استطاع ان يكمل مباراة الذهاب والدليل ان اكثر المتابعين يشوفونها مباراه ممله ....

اتفق معك 100%
إذا شفت الهلال يحقق ما يريد والمباراة مملة فاعرف ان هناك عمل تكتيكي جبار ،
كان الهلال يقدم أجمل كرة ومتعة في آسيا كلها ربما وكانوا يقولون " نترك لكم المتعة وناخذ النتيجة " وأتذكر لما جا طيب الذكر الداهية كوزمين كان الهلال لا يقدم من المتعة إلا أقل من 30% مما تعودناه ولكنه يحصل على ما يريد .. ومستواه يتقدم من مباراة لأخرى
والمشكلة كانوا يصيجون " ليست هذه كرة الهلال الجميلة , وكان الهلال أفضل فريق ممتع "
المتعة لم تشفع لأفضل مهارات كرة القدم البرازيل ظلت تستعرض من 74 وحتى 90 وتقدم اجمل كرة ولكن ذلك لن ولم يحسب لها ولم يشفع لها ولم تصل دور الأربعة ... ولكن بعد ما انتهجت التكتيك الاوربي بلغت النهائي 3 مرات ..
اتمنى أن يكون المدرب الجديد من أصحاب هذه المدرسة فقد مللنا من المطرسة