لا تتعذرون بالمرداس!!!! الحق لا يعلى عليه - نادي الهلال السعودي - شبكة الزعيم

باك تو باك · #1 07/08/2003, 04:12 AM

بسم الله وبتوفيقه نبدء
السلام عليكم ورحمة
باختصار عن بطولة الصداقه .......
المشاركه من اهم القرارت الهلاليه لان فايدتها اكبر من تصور من يطلب الانسحاب منها ولاننا في الزعيم ولسنا في نادي .............!التحكيم مهما سوى لن يقف في وجه الطموح الهلالي والدليل رغم طرد (2) امام عسير فزنا ورغم اللي صار اليوم من المرداس ما انظرينا ولان مثل هذا الطرح لن يفيد الهلال كنادي وسيضر لاعبينا نجوم المستقبل بانهم يلقون الاعذار للهزائم!! والتفتو للانديه الثانيه وتعرفون قصدي!!!! لـــــــكن المهم

المدرب الله يهديه ما قصر اولا ولكن العيوب الفنيه بالفريق فضايح وهي..
العمق الدفاعي صفــــــــــــــــر من عشره والاسباب هي...المحور ما يقوم بدوره الدفاعي في تغطيت مراكز المدافعين واللاعب رقم (5) الوهيبي ماهو مركزه والعام لعب ضهير ايمن والحق انه نكبنا بالهدف الاول وارجعوا للاعاده وشفوا وين متمركز لحضة لعب الهدف وايضا تسببه في كسر التسلل اكثر من مره والحوطي وما ادراك من الحوطي اليوم كل الهجمات السوريه من عنده ومن مركزه والمصيبه انه يترك مركزه وبيغطي السناتر الشايع والمطرف مايصلحون للعب في وقت واحد لان كل واحد مضيع الثاني !!!

انا ما املت اننا نحقق البطوله لكن بعد ما تاكدت من الامكانيات اللي عند لاعبينا خاصه الجدد صراحه حرام ما نحققها لكن اذا الحبشي استمر على مبدا المدربين السعوديين (يالله شدوا حيلكم) والله ولا احلم بالبطوله لان التدريب يحتاج الى خبث تكتيكي ماهوب يلعب بنفس الخطه كل المباريات وين المفاجائه وتنويع اللعب اليوم مثلا الجهه اليسرى للمنتخب السوري ثغره يدخل معها قلابي ولا فكر يستغلها

ثانيــــــــــــا بناء الهجمه صراحه مــــــــــــــــــــــــافيه اي شي يدل على وجود خطه لها كل الموضوع ناول صويلح او العنبر وهو يدبر عمره!!!!! فعلا مافيه تبديل مراكز بين المهاجمين او لاعب وسط يخترق الدفاع او تجهيز الكوره برى 18 للتسديد او الا عتماد على لعب كوره سريعه( ون تو) لفك التكتل الدفاعي او على الاقل كور خلف المدافعين ؟؟؟؟؟؟؟؟؟؟؟؟؟؟؟؟؟

@@ كم انفراد بالحارس الهلالي في المباريتين!!!!!!!!!!! والسبب!!!! والمدرب ويش سوى لعلاج !!!

انا ما كتبت هالكلام الا لحرصي ان لا نتلقى هزيمه نكراء من السنغالي او المغربي ولان الحكم ما له دور في الاخطاء اللي ذكرتها وهي مسؤلية الجهاز الفني ولا ندور اعذار وفريقنا ميت فنيا

####ابعاد الحوطي والوهيبي البرقان اول الحلول

الفرج انا مراهن عليه هو والصالح من العام والان وجود صويلح والعنبر والحراس الغامدي والجبلي بالاضافه للاعبين الاولمبي المستقبل ممتاز لكـــــــــــــــــــن اذا فيه مدرب ياسسهم