السلام عليكم
كما هو موضح في العنوان الهلال امامه ثلاث نهائيات ليحقق الدوري الأن الكره في مرمى اللاعبين ويحتاجون الدعم والمسانده والتشجيع فرصه لنا كمشجعين الوقوف والحضور والمؤازره ورفع الروح المعنويه للفريق لدينا فرصه ذهبيه يارجال يجب عدم التفريط بها او التهاون.بإذن الله نحتفل بتحقيق الدوري لنفرح سوياً.

نعم أتفق معك 100% والله يوفق الهلال لكن سنصمت الأن من أجل الكيان فقط ولكن لن ننسى العبث الذي حدث

يارجل وش تنتظر من رئيس شغال يدير النادي بالمراسلات لا يحضر تماري ولا يحاسب اداريين ولا يناقش مدرب همه الظهور الاعلامي والتصاريح الغير موفقة اللي تأثر على نفسية اللاعبيين وتبينا ندعمه اذا استمر الرئيس معناها بتشوف خمسات في كل المبارايات المتبقية

والله ماني ناقص ضغطي وسكري يرتفعون كفاية مباراة التعاون وبعدها انتهيناااا

انت تطلب المستحيل وانا اطلب مقاطعة الجماهير لحضور الملاعب خل ابو اثارة واللي جابة يشوفون كيف القيمة السوقية للدوري راح تتأثر بعدم وجود جماهير الزعيم

الاكيد بن فيصل وسامي والمفرج ثلاثتهم لا يستحقون البقاء أو قيادة الزعيم وبإذن الله ينتخب الأمير نواف أو الأمير سعود بن تركي أو غيرهم من الأسماء التي تحب الهلال وتعمل بصمت
اما الحضور بإذن الله بنحضر وبنشجع وبإذن الله يفوز الزعيم وتحتفل في كل مكان

مانذبحنا إلا من السكوت ..
من أول ماخنبق زوران و ريّسه قلنا ياناس زوران لازم يطس و الكل قالوا اسكتوا وادعموا الفريق ..
و لعب زوران بالفريق لعب و خسرنا جميع البطولات اللي نلعبها و صار انحدار رهيب لكل النجوم ..
وصارت الجماهير تهاجم النجوم المساكين اللي مقيدين بأدوار ماهيب من اختصاصهم ولا هي من نقاط قوتهم ..
وبعدها وش صار؟ .. كرشوه بآخر شيء بعد خراب مالطة .. طيب من الأول وحنا وش كنا نقول؟ .. وش فايدة الدعم و النفخ بالقربة المشقوقة؟

الدعم لهالأشكال راح يخليه يستمر سنة و سنتين .. ممكن نخسر كل شيء هالسنة بس يمشي ولا نخسر كل شيء وحنا ندعم و يقعد على قلوبنا سنة ثانية لأنه يحسب شغله صح ..