الله يعطيك العافية
وبالتوفيق للهلال الزعيم الملكي

ماله داعي الاستعجال ... بالتاكيد ان الاعبين المهمين سيتم التجديد معهم و لكن بدون استعجال ... الدنيا مهيب طايره

شكرا لك

إقتباس الرسالة الأصلية كتبت بواسطة المعلم15 ماله داعي الاستعجال ... بالتاكيد ان الاعبين المهمين سيتم التجديد معهم و لكن بدون استعجال ... الدنيا مهيب طايره شكرا لك

اخوي كيف ماله داعي للاستعجال !!!!

تدري ان ياسر الشهراني وعبدالله عطيف بأمكانهم من اليوم لو جاتهم عروض يوقعون مع اندية ثانية

لامزايدات بين الاندية على اللاعبين

لان جميعهم موقعين على ميثاق الشرف

مدرعم وطاير بالعجه

باقي على حسم الدوري تقريباً 360 دقيقة ..
لا أعلم ما فائدة طرح مثل هذه المواضيع في هذه الفترة
الحرجة .. ؟؟
إقالة دياز .. تجديد عقود .. إقالة المفرج .. قائمة اللاعبين
المسجلين بالآسيوية .... اللاعب الفلاني مقلب ...... الخ
كل هذه المواضيع لا تخدمنا بشئ الآن ..
التركيز مطلوب .. مهما حاول ( البعض ) جر الهلال إلى خارج
الملعب من أجل تشتيت الإنتباه والتركيز فيجب علينا كجماهير تحفيز
اللاعبين و تشجيعهم وزرع الثقة فيهم وعدم نشر إلا المواضيع الهادفة
والمحفزه ... يجب أن لا نخرج من الملعب إلا بعد نهاية الجولات الأربع ..

وبعد نهاية الموسم أكتبوا ما تشاؤون .. هاجموا الإدارة والمدرب واللاعبين
على راحتكم ..


تقديري للجميع ..

::::::::::::::::::

التركيز على الدوري والمباريات الاسيويه وان شاء الله الباقي من تجديد عقود وغيرها بتصير باذن الله

إقتباس الرسالة الأصلية كتبت بواسطة هلالي جداوي السلام عليكم ورحمة الله وبركاته اخواني الزعماء هل يعقل افضل لاعبين حاليا في الفريق ياسر الشهراني وعبدالله عطيف دخلو فترة السته اشهر من وقت طويل من غير تجديد ؟؟؟؟!!!!! هل تشوفون هذا عمل احترافي ومميز من رئيس النادي ؟؟؟ العام الماضي مفاوضات ماراثونيه للتجديد لسلمان الفرج استمرت اشهر نشف فيه ريقنا وضاقت صدورنا الى ان تم التجديد هذا شي غير مقبول يا ناس ياسر الشهراني لاعب لايفرط فيه ابدا افضل لاعب خليجي في فتره مضت لاعب ما يحتاج اشرح كيف تاثيره على نتائج الفريق وكيف غيابه مؤثر لو لاسمح الله انتقل لنادي اخر من اهمال النادي له عبدالله عطيف الكل حاليا يتغنى به ويشيد بمستواه والاشاده تجيه من المنافسين قبل العاشقين بالاضافة ان عمر اللاعبين حاليا 25 سنه ويعطونك خمس سنوات بالراحه اضف على ذلك متبقي شهر واحد على دخول نواف العابد لفترة السته اشهر ؟؟؟ المفترض من ادارة النادي تجدد للاعبين المميزين قبل نهاية عقدهم اقل شي بسنه منها تحسسه بقيمته في الفريق وثانيا تقطع الطريق عن الفرق المنافسه بضمه سواءا المحليه او الخليجيه سمو الامير نواف بن سعد نحبك ونحترمك بسبب احترامك وتقديرك لجمهور النادي ولكن يكفي الصدمه الاولى وهي اعلان هيئة الرياضه بدعم النادي حوالي 100 مليون ضنا منا انها منك ومن اعضاء الشرف والشركات الراعية يعني حتى اشرف بن شرقي وسيروتي كانت دعم من هيئة الرياضه الشي المميز الوحيد في ادارتك كانت جلب كنو والحبسي للنادي وليتهم حتى قاعدين يلعبون اساسيين في النهاية هذا عتب محب لك ونقدر كل شي تعمله للنادي ولكن الجمهور اصبح واعي وفاهم ومن حقه ابداء رأيه في بعض الامور تحياتي للجميع

ب ارد على نقطتين ..

النقطه الاولى .. كنو لاعب اقل من عادي و أرى ان جلبه للهلال كان غير موفق

ثانيا .. التجديد مع عطيف و ياسر الشهراني هذا مطلبنا و بكل تأكيد مطلب الاداره ايضا

الا ان سياسه الرئيس نواف بن سعد هي "التأكد من وجود المستحقات" ثم الابرام في الصفقه

بمعنى .. لو اتفقوا على العقد و المبلغ المتواجد كان النصف فقط .. لن يجدد معه الرئيس

خشيه دخول الهلال في نفق الديون .. و كلنا نحيي نواف بن سعد على الفكر العالي هذا و اللي بكل تأكيد يحفظ فيه الهلال عن السقوط في الديون و العقوبات

الخلاصه .. باذن الله راح نجدد مع عطيف و ياسر الشهراني

لاتستعجل الله يصلحك العام غير والسنه ذي غير وين يروح يعني مافيه الا الاهلي ومكتفين وهذولا اللاعبين مايبون يطلعون من الهلال يعني جالسين باذن الله حتى لو وقعوا بدون مايستلمون فلوسهم
اطمئن ولا تفتحون مواضيع تسبب البلبله على اللاعبين وحنا باخر الموسم انا صراحه اتعجب من هذه المواضيع في هذا الوقت بالذات مو وقته ابد والاداره ادرى خلونا نشجع ونستمتع بالرحله ��

الى متى نكران الجميل كل اللي عمله نواف بن سعد ومقصر
لا وهذا عتب محب
انتوا خليتوا فيها محبة بكرة مباراة مهمة اسيوية وانت تتكلم عن عقود لاعبين
اللي بجدد مع الزعيم على العين والراس واللي ما يبى الله يوفقه وين ما يروح
باقي كم مباراة على الدوري لا تشغلون الناس بمواضيع نشتت الأفكار