إقتباس الرسالة الأصلية كتبت بواسطة hamodinho الصياح و السب و الشتم و التقليل ما يمثل مشجعين الهلال ..

اذا هذا اللي انت فهمته من ردي فارقد بدري وراك طابور الصبح

والله مااقول إلا ربي يوفق الزعيم الملكي وجميع محبيه فوق كل ارض وتحت كل سماء وكل زمان ومكان اللهم آمين يارب العالمين

بسم الله الحمن الرحيم
اولا ي شباااب هذه لعبه كرة قدم ليست للشتم والسب الذي يعود بالذنب عليك وانما للتسليه وملئ الفراغ
ثانيا اللاعبين ماقصروا اكيد ماااحد يحب ينهزم لكن قدر الله وماشاء فعل مقسوم للهلال انه ينهزم الليله
ثالثا والاهم انكم تشجعون الزعيم وليس اي نادي فاحمدوا ربكم الله يعين الانديه الثانيه وانتم ادرى
غيركم كل يوم هزيمه وتعادل ولا وصل ربع ماوصل له الزعيم ومع ذلك يشجعوووون ومستانسين وانتم ماتبون ولا هزيمه ولا تعادل مو معقول الهزيمه وارده والتعادل والخروج من المسابقات كل ذلك بديهي في عالم المستديره ولولا هذه التقلبات لما صار لها نكهه
اللي انا مستغربه من جماهير الزعيم انهم يحسبون للطقطقه الف حسب ومن مين من جماهير انديه مالها تاريخ نهائي عجيب امركم
لوماكان الزعيم بالمقدمه لما خرجت جماهير كل الانديه السعوديه عند هزيمته حتى انهم يفرحون بهزتئمه من انديه ماعرفوها الا من خلال الزعيم
اخيرا منيشجع الهلال للهلال يبقى ومن يشجعه للفوز فقط يبحث عن نادي لايقهر والانديه السعوديه التي لاتقهر بالحكي كثيره
اعذروني ع الاطاله لكن اول رد زعلني وفيه غيره من الجماهير التي لاتفقه شب انهزم سبينا وشتمان فاز مدحنا
اولا واخيرا اتق الله فيما تكتب يمينك فانك ستسأل
✋✋✋✋✋✋✋

الاول شي حظ اوفر

ثاني شي لااعلم اين سوف نذهب مع المدرب

اولا التحيه لكم جميعا

مايحدث في الهلال حاليا شيء يستحيل حدوثه ابدا ولا يقبله منطق او عقل

فريق بحجم واسم الهلال يتعثر في مباريات متتاليه ويخرج من كاس الملك

وحتى عند الفوز يكون فوز هزيل بطعم الخساره

لن احمل دياز مسؤلية ما يحدث رغم تحفظي على بعض قراراته

ولكن اغلب اللوم على ادارة الهلال واللاعبين المتخاذلين

مادور فهد المفرج في الهلال <<<<< كاتم اسرار النادي

اي اسرار وتشكيلة الهلال تتصدر الصحف قبل المباراه بيومين وتعاقدات الهلال

لاعبي الهلال يبغالهم اداري يأدبهم ويعرفهم يعني ايش تلعب لشعار الزعيم

وبعدين الاعمى يدري ان اجانب الهلال كلهم ماعدا الحبسي سبايك وعندك لاعبين مصابين

ليش التاخر في التعاقدات المفروض انك اول يوم في فترة التسجيل مخلص

فترة التسجيل مو معناها انك تبدا تدور في نفس الفتره خلص امورك من بدري

كل الفرق استفادت الا الهلال الفريق اللي لا يعاني بقدر ما تعاني الفرق الاخرى ماليا

نواف بن سعد شوف لك حل

مبروك للقادسيه الفوز وهاردلك يالهلال وجماهير الهلال الوفيه
واتمنا من المدرب التركيز على الدوري والبطوله الاسويه وللمعلوميه
ترون الانديه اللي حققت كاس اسيا حطت جل اهتمامها بطولة اسيا وضحت
بالبطولات المحليه ماعاد نادي الهلال يقارع على كافة البطولات المحليه
والقاريه ومن المفترض ان الهلال يركز كل عام على بطوله واحده او بطولتين
لان كثرة المشاركات تشتت الذهن لذى نرجو من كافة الجماهير تقليل الضغط على
الاعبين والاداره فالفريق يمر بعاصفه قويه وخاصه من بعد الخروج من الاسويه
وارا ان الاعبين في مباراة القادسيه ماقصرو ولكن القادسيه لعبت ولانهضم حقها
وفالنهايه كل التوفيق لفريق الهلال فالبطولات المحليه والقاريه واتمنا للجميع التوفيق

الحمدلله على كل حال ...


الجود من الماجود هذا حال الهلال في الوقت الحالي ...
صار عندنا احساس ان اللاعبين يريدون ان تنتهي ال 90 دقيقة ...
انا من يوم شفت اسامة الكابتن القائد وهو يسلم كورة بدون مايتحرك وانا غاسل يدي من المباراة ...
القادسية مقفل وهوساوي يسلم الكوره بدون مايتحرك وياخذ خطوات الى الامام مريح راسه ويسلم الكوره وهو واقف في مكانه وبدون اي احساس بالمسؤولية هذا القائد والكابتن ...صحيح ماهي ادوارة لكن الهلال كان مخنوق في النص
نجي للكويس في المباريات السابقة .جحفلي واول دقيقتين خير دليل بلنتي واضح على الحبسي وكله من عدم جدية في باص من الجحفلي .حتى الكويس صار بالبركة يلعب .


الهلال يعتمد على العب مع الاطراف اوكيه بس في العادة اللي يلعب مع الاطراف مفروض الشوط الواحد ما يقل عن 7 الى 9 عرضيات بس لم نشاهد هذي العرضيات بالمجمل شاهدنا 3 الى 4 اوفرات واكثرها بدون فائدة يعني مافيه تمرين على النقطة هذي بالخصوص في لعب الكوره العرضية كل العرضيات اجتهادات من الاظهرة ولا اعتبرها عرضيات اعتبرها ياتصيب ياتخيب ... الدوري مسالة وقت ويلحق بطولة اسيا وكاس الملك .... الهلال من بعد مباراة الشباب اللى اضاعها المدرب في الدوري 1-1 والهلال في وضع لا يحسد عليه هذا حال المتعالي على الكووووووره الهلال دخل مباراة الشباب بكل غرور التشكيلة لم تكن بالشكل المطلوب واستهتار قبل مباراة اسيا وضاعة المباراة وضاعة اسيا وضاع كاس الملك والدوري في الطريق الكورة تحترم من يحترمها ولا تعرف هلال او فريق دوري مناطق وراح ابصم بالعشره اذا صدقة الاخبار ان سالم الدوسري راح يذهب الى فيا ريال الاسباني هذي اللحظة راح اقول هاردلك واحسن الله عزانا في الدوري النص مافيه الا سالم الدوسري ويروح سالم اقنعني ان الفرج راح يلعب بنص روح سالم واقنعك ان الدوري هلالي ....


الهجوم كل المهاجمين لا يستفاد منهم اتمنى ان يتدارك الهلال الموقف ويمشي ريفاس على الاقل ...
بكل صراحه هلال باهت والهلال يدفع ثمن المجاملات ماحط في باله انه راح يمر في هذي المرحلة الصعب من والاصابات اللى ماهي على البال ولا في الحسبان المفروض (( ياسر القحطاني - الشلهوب -ماتياس -ريفاس - الدرويش )) جامل الهلال والله حطه في هذا الموقف تخيل لو مكان ريفاس وماتياس محترفين من طراز عالى في المنتصف او الهجوم وبدال المحلين مصعدين كم لاعب اولمبي وتم اعطائهم اكثر من فرصه راح يكون شكل الهلال غير لكن احب اقول الدنيا دروس والذكي اللي يستفيد من درسه ....... نثق في الهلال ورجال الهلال وان شاء الله يرجع الهلال بكل قوة ولكن الهلال راح ياخذ وقت حتى يستعيد عافيته وبعد فوات الاوان

‏مبروك فريق القادسية هاردلك ‏جمهور الهلال ‏‏وينك يا هلال

الله يعطيكم العافية
وبالتوفيق للهلال الزعيم الملكي