لما يجي واحد يقول لك ترى الفريق منظومة متكاملة .. ويحاول الدفاع عن إحداها
تراه صديق راعي هاك المنظومة المظلومة .. أو يا حيل الله معجب به وهو ضايع .. أو ممكن نقول مدفوع له

لما يكون في المنظومة المتكاملة مركز " حارس " خيقي بيقي
ما نلوم المدافعين !

لما يكون في المنظومة " صانع لعب " ما يؤدي دوره
مانلوم المهاجمين !

تقولون لي وش الزبده ..
سلمان الفرج ما ينفع لا طبخ ولا شوي .. أنا أشوف إنه أسوأ لاعب يربط الوسط بالهجوم
وأسوأ لاعب يمرر بالسرعة المطلوبة- برود عجيب غريب -
وأسوأ لاعب ممكن تطلب منه تنفيذ الضربات الركنية ( نصها بزعمه موزية برى .. مهوب عاقل رفلينو )

ولاحظت لأكثر من مرّة بأنه محب للفلاش والتصوير والإعلام ( في المناسبات الهلالية المفرحة ) .. وحتى التصوير الجماعي للمناسبات العامة الوطنية .. ولعل هذا ما يفسر كثرة إحتكاكه بالحكام لعلمه بأن الكاميرا ستكون هناك!!

الله يصلحه ويهديه ويوفقه .. ويبعده عن الهلال
من جد حوّم كبودنا ترى !

ملاحظة هامة :
يجب التفريق بين إخفاق مؤقت وإخفاق متكرر

مثال : البريك والشهراني وخربين وريفاز وإدواردو مع تسجيله للهدف وحتى أسامه
لم يكونوا في الموعد .. في مباراة الإتحاد مثلا
ويحصل أن ننتقدهم على أداءهم في تلك المباراة .. عادي جدا

أما صاحبك .. عارفين إنه نكبة وورطة .. منذ أعلنت بعض المصادر مشاركته وقبل أن تعتمد التشكيلة !

ما وقفت على الفرج واللي يقرأ كل الردود يقول مودريتش على غفلة... ترى البديل موجود واجهز
مشكلة الهلال في الوسط والهجوم
بالنسبة للوسط رغم تكدس لاعبين إلا إن فاعلية الوسط أصبحت صفر في الآونة الأخيرة.. كيف؟
الفرج بارد وبطيء وخيبري اغلب وقته واقف نواف مهو نواف اللي نعرفه و عطيف صار مثلهم.. جيب لك عموري بجنب ميلسي وخذ لك فريق
بالنسبة للهجوم والعقم التهديفي شي محير فعلا إضافة أن الكوتش في مباراة الإتحاد حاط ريفاس جناح أيسر وخربين أيمن!!!
ياخي خربين رجله اليسرى ضعيفه يعني حط إدوارد يمين وخربين يسار وريفاس رأس حربة وانتهينا وتخيل عندك خلفهم عموري
انا بقولها ولا همني احد تمنيت عدم التجديد لخربين كان رجعناه لناديه وجينا بداله عموري وجناح اجنبي مميز سريع وتسديدات من طينة وليهامسون
بالنسبة للاظهرة في اليمين البريك والشهراني بالتناوب والاجهز هو اللي يلعب وفي اليسار كادش والزوري يتناوبون
وافتكينا من ماتياس وجبنا مدافع شرس
ويكتمل فريق اضمن لك نص درزن أهداف في كل مباراة

نعم كلامك صحيح ..
إدواردو لاعب عالة فقط يركض و يسدد و يسجل أهداف ويصنع كور و يقروش الفريق اللي قدامه و أفضل منهي هجمة بالفريق بس ولو مهب زين و يركض كثير ..
والشهراني لاعب محسوب على الهلال لاعب نقص يخلي .. شفت تمريرته بالدقيقة 83 أخطأ فيها؟ .. المفروض مايخطي أبد تقل كمبيوتر ..
وخربين .. هذا حرام يلبس الشعار .. هذا المفروض يعيرونه لضمك .. صح سجل في أغلب المباريات اللي لعبها .. بس ضمك ينتظره ..
والحبسي ؟؟ .. جايبينه مزهرية؟ ديكور؟ أثاث؟ .. ماجازت لي صلعته الصراحة .. مايستحق الشعار لأنه محلق شعره زيرو ..
العابد .. هذا هداف بلنتيات .. بس يفرفر مكانه .. لا يستحق الشعار ..

إلاااا .. الفرج ..
الفرج هذا اللاعب المغوار .. صاحب التمريرات السحرية .. دينمو خط الوسط الهلالي ..
بفضل الله ثم بفضله حقق الهلال الدوري بعد غياب سنوات .. حيث صنع 14 هدف و حقق 18 هدف الموسم الماضي ..
الفرج المايسترو الآسيوي .. هذا اللاعب يحق له يخطيء و يمسك الكورة بنص الملعب في كل مباراة و الكل يصرخ .. ناول ناول .. مشي الكورة .. وهو يسوي حركة زيدان ثم ينقلب تقل فرجار ويتدحوس بالأرض شوي وتنقطع الكورة و تصير مرتدة ..
يحق له سلمان العز .. هذا اللاعب منذ قدومه للهلال و الهلال يحقق البطولات بفضل أقدامه الذهبية ..

وباقي الفريق كلهم لا يستحقون الشعار ..

كلامك سليم

مواضيع عجيبة غريبة ..!!


بالتوفيق للزعيم الملكي ..

هو اسوء لاعب في الهلال حاليا واتمنى يكون احتياطي وتعطى الفرصه لغيره
لعب مباراة الاتحاد ولا جديد هجمات يعطلها +كوره مقطوعه وفلسفه في ملعب الهلال وكرت اصفر في النهايه

إقتباس الرسالة الأصلية كتبت بواسطة عاشق الزعيم505 ما وقفت على الفرج واللي يقرأ كل الردود يقول مودريتش على غفلة... ترى البديل موجود واجهز مشكلة الهلال في الوسط والهجوم بالنسبة للوسط رغم تكدس لاعبين إلا إن فاعلية الوسط أصبحت صفر في الآونة الأخيرة.. كيف؟ الفرج بارد وبطيء وخيبري اغلب وقته واقف نواف مهو نواف اللي نعرفه و عطيف صار مثلهم.. جيب لك عموري بجنب ميلسي وخذ لك فريق بالنسبة للهجوم والعقم التهديفي شي محير فعلا إضافة أن الكوتش في مباراة الإتحاد حاط ريفاس جناح أيسر وخربين أيمن!!! ياخي خربين رجله اليسرى ضعيفه يعني حط إدوارد يمين وخربين يسار وريفاس رأس حربة وانتهينا وتخيل عندك خلفهم عموري انا بقولها ولا همني احد تمنيت عدم التجديد لخربين كان رجعناه لناديه وجينا بداله عموري وجناح اجنبي مميز سريع وتسديدات من طينة وليهامسون بالنسبة للاظهرة في اليمين البريك والشهراني بالتناوب والاجهز هو اللي يلعب وفي اليسار كادش والزوري يتناوبون وافتكينا من ماتياس وجبنا مدافع شرس ويكتمل فريق اضمن لك نص درزن أهداف في كل مباراة

كنت تتمنى عدم التجديد لخربين

و انت جلست تتباكى و قلبتها مناحة على رحيل ليوو محبووبك

تناقض عجيب

ههههههههههههههه

اقترح على ادارة المنتدى تمنع من هم تحت 500 مشاركة من كتابة المواضيع

موضوعك كله مغالطات للحقائق

اجل خربين ومليسي ماينفعون

هههههههههههه ضحكتني على هالصبح يا فادي

إقتباس الرسالة الأصلية كتبت بواسطة سعيد الحمادي مقال غريب جداً الهدف منه الدفاع عن لاعبك الفرج على حساب الجميع. يكون في علمك ان الفرج اسوأ لاعب هلالي من نفس نوعية عزوز الدوسري اذا جلس على الدكة راح يرتاح منه الفريق ويراجع نفسه ويتعدل رغم اني ما أتوقع.

اخ لو يعينوك مستشار لمدرب المنتخب بروسيا ابصم بالعشرع منتخبنا يجيب كاس العالم

إقتباس الرسالة الأصلية كتبت بواسطة المعلم15 بالفعل خربين كان عاله على الزعيم في اخر مباراتين ... اتمنى ان يتدرب على انهاء الهجمه بسرعه اما بالنسبه للفرج ارى ان هناك حمله قويه جدا عليه .. مع انه يقدم مستوى ممتاز و هناك تركيز عليه بشكل غريب جدا ... يعني اذا انقطعت منه كوره مره وحده تشوف انتقادات كثيره عليه و هناك من يطالبه بالاعتزال بسبب هذا بينما خربين يضيع 3 اهداف محققه بسبب بُروده و ماتشوف انتقادات عليه ... امر محير جدا يعطيك العافيه

خربين مبارات مبارتين قل ثلاث و مستواه متراجع

لكن الفرج له ثلاث مواسم او اكثر و هو يرثع في الفريق

تقارن هذا بذاك !!!! ؟

مقارنة ظالمة و في غير محلها

عيبه قاتل ويودي بداهيه >>>>>>>>>>>>>>>>>>>>>>>>>>>>>>>>>>>>>>>>> الفرج

إقتباس الرسالة الأصلية كتبت بواسطة المجهر سلمان الفرج هو اللاعب الذي يقدم اسلوب يناسب اسلوب الهلال المفترض ... راقب لعبه ومعه الكره .. ( ينوع ) = بين اسلوب التمرير + الحجز + المراوغه والتجاوز + التمرير الطويل ....لايعطيك رتم واحد ... ينوع بين هذه الاساليب بالتساوي ... يصبح الضغط عليه من الخصم لاينجح ....ليت لاعبي الهلال يقتبسون منه هذا الاسلوب المتساوي المحير للاعب الخصم ... عنده اخطاء عنده ماننكر مثل كل اللاعبين الباقين وهي : تساهله في منطقة القوس لايخلص بسرعه .. كما انه لايجرأ على الدخول والتسجيل ..واذا وصل لتلك المناطق المتقدمه تقل ثقته نوعا ما ..... لكن ... في وسط الملعب ...فهو مفتاح اللعب السوبر ستار امام الخصوم العنيده والديربيات ...يحتاج فقط من اللاعبين الهلاليين ان يقتبسوا اسلوبه ... سلمان الفرج لاعب هلالي مهم جدا للفريق الهلالي ...واهميته تكمن في ((( اسلوب لعبه ))) كما ذكرت صفته اعلاه ..

أنت ألحين تمدحه ولا تذمه !!
أنت تقول ما ملخصه بأنه ( لاعب خطر في منطقة القوس دفاعياً !! وجبان في مناطق الخصوم إختراقاً وتسجيلاً )

وش بقى .. ؟
أنا أضيف إنه داج في صناعة اللعب أيضاً .. حركات تلميس الكوره برجل ورجلين وتثبيت مع رقصه يمين ويسار ترى ما تلزمنا .. الثنيان بعزّه إنتقدناه مهوب ذا

إما يصير رجال ويعقل ( ولا يهون العابد ) !! .. بنمدحه ونحطه فوق روسنا
بيخنبق مثل العادة ما راح نفكه لين نفتك منه !

هذا الهلال نادينا .. مهوب نادي شيوخ وأخويا ..