السلام عليكم ورحمة الله وبركاته
بداية ارجوا ان يعذرني الجميع عندما أكون صريحا وواضحا إذا كان الموضوع يخص (عشقي) الهلال
كلنا يعلم ان الواسطه قاتلها الله موجوده بكل زمان ومكان ولكن ان تحضر الواسطه و(وسع الوجه) فهذا نادرا ما يحدث
أن يبقى فهد المفرج مديرا لفريق بحجم الهلال فهذه كارثه كتب عنها إعلاميين هلاليين وجمهور محب وواضح وصريح ولكن مالم يخطر ببالي كمنتمي للهلال أن يصل به الأمر إلى تصعيد أخيه متعب من فريق الناشئين الى الشباب الى الاولمبي إلى الفريق الأول خلال موسمين لم يقدم خلالها ما يشفع له بممارسة كرة القدم بل تسبب في هجر مواهب هلاليه لكرة القدم لما يرونه من واسطه تدمر كيان من أجل شخص أو (واسطة المفرج) ولو افترضنا أن فهد المفرج مفروض على الإدارة فما المبرر لوجود أخيه كلاعب فيمكن تعيينه مساعدا لمدير النادي أو أي شي عدا أن يكون لاعب كرة قدم وينادي الهلال ويكفي بقاء فهد وعبدالعزيز كلاعبين سابقا .
قمة الجبن أن يصمت إعلام الهلال عن ضم متعب للفريق الأول وعدم إعلان اسمه في بيان البعثه الهلاليه .
من ابعد الجوعي والشريد وريان وآخرون من أجل بقاء متعب المفرج لم يدفع ريالا ولم يحضر من شتى مناطق المملكة لحضور مباريات الهلال بل يكون اسمه ضمن اسماء البعثات ويتقاضى عائدا ماديا وتذاكر وسكن ...
لا بارك الله بكرة قدم يكون معيار الوجود فيها للواسطه وإذا لم يقوم رئيس النادي بأبسط واجباته في حماية فريقه و لاعبيه من عبث (المفرج إخوان) فهو ليس جديرا بالبقاء يوما واحدا بالنادي
ولجميع الزعماء كامل الاحترام

انا اتوقع الخطه هي انه يساعد اخوه ويصعده لكي يتم اعارته الموسم القادم ويبدا من هناك .
انا بالنسبه لي الاهم اني لا اراه يشارك مع الفريق الأول .. لا أساسي ولا احتياط . والله يوفقه

متعب ليس المدافع المنتظر نحتاج مدافعين بقوه جسمانيه وصلابه وسرعه.
خانه قلوب الدفاع هي لاجنبي ومدافع صلب محلي من الموسم القادم خسرنا مباريات سهله بسبب الدفاع والحارس بطرق غريبه ومضحكة بنفس الوقت.

هل هذا ثابت؟

اذا لم يكن خيار المدرب فاسميه فساد غير مقبول في نادي الهلال

يمكن انه شارط جلوسه بتصعيد اخوه....

اخو فهد المفرج وبصراحه ما ادري اصلا كيف لعب للفئات السنية في الهلال

لاعب اقل ما يقال عنه مستواه عااااااادي واقل من العادي جدا


لكن هي الواسطة التي ابقت المفرج بمكانه هي نفسها التي صعدت أخوه

عموما

فلندع هالكلام جانبا حتى ينتهي الموسم وسنبدأ حملة لإقصاء آل مفرج من الهلال

اخواني هذه المواضيع ضررها اكثر من نفعها الان

نريد التركيز والدعم للكيان لانه وقت الحصاد

وفي نهاية الموسم لكل حادث حديث ولكم تحياتي

والله الواسطه طيرت مستقبل الهلال بالظهير الأيسر فهد غازي برا النادي !

وقريب بتشوفها بالفريق الأول لمن تلقى الي يحرثون الملعب "الشهراني و البريك" إحتياط !

حسبي الله على الي كان السبب في التفريط بأبناء النادي "مواهب الهلال"

إقتباس الرسالة الأصلية كتبت بواسطة aommasi اخواني هذه المواضيع ضررها اكثر من نفعها الان نريد التركيز والدعم للكيان لانه وقت الحصاد وفي نهاية الموسم لكل حادث حديث ولكم تحياتي

قد يكون الوقت غير مناسب لمناقشة موضوع عادي لكن مستقبل الهلال يبدأ من هنا يبدأ من الوقوف جميعا ضد تحويل الهلال إلى مركز تسلية لعائلة المفرج وسيتسبب بفقدان لاعبين مميزين وايضا سيجعل جميع اللاعبين يائسين لأن معيار وصولك للفريق الأول وجود اخوك مدير عام كرة قدم ووجود رئيس لا يقدر حجم الكارثه المقبله والتي ربما يكون بسببها موسمنا أو الموسم القادم سيئا

كثير أشوف أعضاء ينادون بعدم فتح المواضيع مثل هذي .. و إن الفريق بحاجة لمساندة ووقوف ..
ياشباب .. تراه منتدى و لا فيه أي لاعب بحياته قد دخل يقرأ وش تقول ووش أقول ..
هي مجرد فضفضة كنك باستراحة والا بجلسة .. من باب مشاركة الناس رأيك و قناعاتك ..

بالنسبة لي .. أشوف الواسطة بكل الأندية .. مهب بس بالهلال ..
كثير من اللاعبين في الفئات السنية يلعبون بواسطة ..
وأنا أتكلم عن واقع خبرة و معاشرة لناس إداريين في أندية و لاعبين سابقين ..
كثير منهم تكلّم عن هالشيء ..
مستحيل تلقى لاعب في الفئات السنية ماجاء عن طريق أحد ..
يا أخوه .. يا ولد عمه .. يا رفيق أخوه .. أو رفيق ولد عمه

أذكر لاعب حواري فلتة بكل ماتحمله الكلمة .. لاعب يحب الكورة حب أقشر .. مركزه وسط ..
واللاعبين اللي مثل هالنوعية نوادر و صعب تلقى مثله .. مهب بس بالكورة .. في أي مجال المبدع نادر ..
المهم كان وقته في أواخر الطعشات .. بعد إصرار منا على إنه يروح لنادي ..
راح هو وثلاثة يجربون حظهم .. واحد من هالثلاثة أخوه يعرف عضو شرف ..
راحوا للنادي المذكور .. وتدربوا يجربونهم ..
فقط واحد منهم اللي قبلوه .. اللي له معرفة بعضو الشرف ..
والله بوقته إنه يجي يلعب معنا بالحواري تكملة عدد .. نصير ناقصين نجيبه .. وفعلاً دخل النادي

خوينا الفلتة .. الحين عمره بأواخر الثلاثينات .. ومازال يلعب بالحواري .. ومازال فنان بكل ماتحمله الكلمة من معنى ..
اللهم كريشة بسيييييطة طلعت له ..
وأنا كل ماشفته أتحسّر كيف مثل هذا مالعب في نادي كبير ! ..

نرجع لموضوعك ثاير
المفرج قدم بعض المباريات الملحمية .. لكنه بالمجمل كان تكملة عدد و يصلح إحتياط ..
تواجده في النادي الآن بعد اعتزاله واسطة قوية .. وإلا فيه ناس أحق منه في هالمركز ..
مثل التيماوي .. أبوثنين .. التمياط .. و كثير من أساطير لهم شخصية و لهم إنجازات تخلي اللاعبين يحترمونهم ..

نفس الواسطة اللي خلّت الفرج يلعب أساسي و هو مبربس بالفريق ..
ونفس الواسطة اللي خلّت اللاعبين يلعبون كن الفريق فريق أبوهم ! .. لا احترام للعقود ولا للجماهير ..

اقسم بالله من يوم اعلنوا ان المدرب راح يضم عشرة لاعبين من الاولمبي توقعت المفرج من ضمنهم وفعلا تم ضمه عني ما اعرف مستواه لكن ضمه اكيد واسطه

اما بالنسبة للمفرج الكبير والله انه جاثوم ع الهلال الله يفكنا منه مدير كورة سلبي لابعد حد

يعطيك العافية

الله يعطيك العافية
وبالتوفيق للهلال الزعيم الملكي