احمد الفريدي يرغب بالعوده للهلال بسم الله الرحمن الرحيم من حق اي لاعب في العالم ان يبحث عن مصلحته في العروض المقدمه له واختيار منها المناسب له ولاشك ان اللاعب له حرية الاختيار جميعكم تعلمون الطريقه اللتي خرج بها الفريدي من الهلال بعد المزايدات الكاذبه واغرائه بمبالغ طائله لا اساس لها من الصحه وتوقيعه لنادي الاتحاد في احد الفنادق القريبه من الحرم ومن بعدها ظهرت المشاكل الماليه ولم يستطيع الاتحاديين الوفاء بعقده فاشترى القيمه المتبقيه من عقده وتنازل عن مستحقاته مقابل انتقاله الى نادي النصر وبذات الطريقه سينهي عقده مع النصر في حال لم يستطيعو الوفاء بمستحقاته المتبقيه اللتي تزيد عن 4 ملايين كدفعه مستحقه حسب الاتفاق المبرم بينه وبين نادي النصر وفي حال لم يتوصلو الى اتفاق فسيتقدم اللاعب بشكوى للمطالبه بحقوقه المتأخره وان وصلو لطريق مسدود سيشتري عقده ويصبح لاعبا حرا وربما يعود للهلال مجددا بعد ان تتقارب وجهات النظر والفريدي لا انكر انه لاعب مميز وخلوق ولحد يقول مستحيل يرجع هذا اسامه هوساوي انتقل للاهلي وعاد مجددا للهلال بعد ان وجد العرض المناسب فهل يحتاجه الهلال فعلا. |
تمنيت سابقا عدم رجوع هوساوي والفريدي للهلال لكن وبما ان هوساوي رجع فأنا مع رجوع الفريدي اسوه بهوساوي يظل ابن من ابناء الهلال |
إقتباس:
وبنفس طريقتهم استرجعناه وانا صراحه ماتوقعت يرجع ابدا |
الفريدي مزاجي وغير صالح لنا واتركه يعرف قيمة الزعيم الملكي |
تصعيد لاعبين من الاولمبى افضل لنا وارخص واصغر |
إقتباس:
صعدنا القحطاني والكعبي الى الفريق الاول بعد ان كانو نجوم بالاولمبي فقام بإعارتهم ومخالصتهم القوي والقوي الله سبحانه ماقول غير حسبي الله ونعم الوكيل. |
الفريدي للامارات على حسب الاخبار |
الفريدي لاعب مزاجي فجأة تتصل عليه مقفل جواله وبعد يوم أو يومين يرد عليك ويقول لك أحس ما عندي شيء أقدمه للفريق ... الحمدلله تخلصنا منه ولا فيه مجال للمقارنه بينه وبين أسامة هوساوي المنضبط واللي يعمل فارق كبير بمستواه ... لو يجي ويلعب بلاش ما نبغاه لاعب وجحد المعروف وأنكر أهل الفضل فضلهم عليه بعد الله ولو في قلبه ذرة تقدير ووفاء للهلال كان جدد مع الهلال وانتقل لأي فريق ما راح نقول لا الأهم إن الفريق يستفيد .. يا خي رادوي سواها وهو ماله إلا سنتين بالهلال ولاعب أجنبي يعني يفترض إنك ما تلومه على أي شيء يسويه لأنه يبحث عن مصلحته لكن مثل الفريدي همه الأول والأخير مصلحة نفسه ... لكن لعبوا عليه وطيروه بالعجه وبالأخير كل يوم والثاني يدور له نادي ... |
حده يوقع عقد 3 سنوات مقابل كراون فكتوريا مستخدم ويخب عليه بعد |
لاعب اصاباته كثيرة ومادي درجة أولى ولا له خاتمة بعد ماجحدوه الاتحاديين و النصراويين قام يدور على الهلال يرجع للانصار ابرك له |
لاعب مزاجي وكثير الإصابات يبدع في مباراتين ويغيب 20 مباراة ..يفكر في الفلوس أكثر من الكوره .. ....تورط مع الفقر ويبحث عن مخرج ..الله يوفقه بعيد عن الهلال |
إقتباس:
أنتقل للإتحاد والنصر وهما الآن لم يتأهلا للبطوله الآسيويه |
عندنا نفس الموديل سالم الدوسري نفس الاصدار بالضبط من برود وفلسفة ولو انفرد بالباب رجع وحاور خويه خلنا على سالم يكفينا ويزيد والفريدي في نظري غير مفيد ناهيك عن اخلاقة الي تغيرت 180 درجة طبعا ولا داعي لذكر الاسباب |
إقتباس:
والحين يطارد ورا خبيلان يدور حقوقه كتب نهايته بالفقر |
خروجه من الهلال .. هو حر ويبحث فيما يراه افضل له عودته غير مجدية ابدا فمركزه عند الهلال مثله وافضل وهو لاعب قربت نهايته فهو خرج من المنتخب واخر مباراة له مع النصر قدام الاتحاد وهو يعلن افلاسه ويرمي بنفسه في منطقة الجزاء افضل له يروح للخليج يمكن يلقى بيئة تناسبه |
الله لا يقولها ويرجع للزعيم لو فيه خير مارماه الطير الاعب اصبح عديم الفائده وعودته للزعيم ماراح تفيدنا شخصيإ لا اتمنى عودته خصوصآ انه عاش فتره في بيئة نادي سيئه وهي بيئة نادي الفقر لذلك عودته لن تكون مفيده |
لااعتقد ان من يطرح امر عودة الفريدي يتكلم باحترافية قد تكون العاطفة حضرت عنده لمجرد تسديد واحدة للنصر لكن كمستوى او كلمة شرف فهذان لايملكها الفريدي للاسف كنت من اشد المطالبين بعدم التجديد معه فهو لاعب مزاجي مصلحجي يعطيك خمسدقائق ويرفع ضغطك عشر مباريات وحين تعامل معه بن مساعد بداعي الصداقة وتركه حتى يدخل الفترة الحرة وهذا بلاشك خطإ من بن مساعد لكن قابله الفريدي بجحود رغم ان بن مساعد اعطاهمايفوق قيمته الفعلية بثلاثة اضعاف حتى اكون منصف للفريدي فمباراة الاهلي حين كان مع الهلال ومباراة امام النصر هي كل تاريخه الرياضي اما بقية المباريات فيشهد الهلال هبوط في الاداء حين ينزل كبديل هذا الكلام يوم كان بعزه وتبونه الحين بعد مالفظته كل الاندية مافي مقارنة مع هوساوي رغم اني كنت ضد اعادته لكن اسامه ذكر انه لن يجد للهلال مهما كان المبلغ لرغبته في الاحتراف الخارجي او اللعب في جده محلياً وبعد موسمين مع الاهلي عاد بوضوح مع الهلال ومع الاهلي الهلال عانى من الظهير الايمن لاكثر من عشر سنوات بعد رحيل الدوخي ومع ذلك لم يستعيده الهلال ورفضه لان اسلوبه في مغادرة النادي لاتليق بالهلال رغم انهااحسن من طريقة الفريدي |
بالنسبه لي شخصيا واحترم اللاعب لكن رجوعه للهلال غير مفيد. |
يعني اذا رجع هوساوي نرجع الفريدي المفروض اي واحد يطلع من الهلال بدنفسه مايرجع. شف كروم اش يسوي مع الرايد وانسى الفريدي. |
إقتباس:
اللاعب رفض اكثر من مره عقد خمسه مليون بالسنه لمده اربعه سنوات وكان وقتها توجه ابن مساعد وضع سقف اعلى للرواتب السنويه وكانت الحد الأعلى خمسه مليون بالسنه اللاعب رفض الخمسه مليون واراد الزياده الى ان وصل العرض الاخير سته مليون ونصف لمده سنتين ورفض اللاعب ويريد ثمانية مليون بالسنه وهذا ما وجده من عرض الإتحاد وبلغ قيمه الصفقه 35مليون براتب سنوي قريب تسعه مليون اما بخصوص المستوى الفني للفريدي فنيا جيد جدا ولكن مزاجي ولاعب الان قرب من سن التقاعد الكروي وكثير الاصابات وماراح يعطيك اكثر من سنتين الهلال حاليا مايحتاجه بسبب كبر سنه والهلال يحتاج لتقليل العمر للاعبين لخدمه الفريق لسنوات طويلة |
لا مكان لرجل الجليد في الهلال، خل اللي غره ينفعه. |
إقتباس:
اعجبني التعليق بصراحه والفريدي لا اريد عودته ابدا لاعب في المنعطف الاخير من العمر ثانيا فستقي يا فستقي الرجال بزنس ماطق للشعارات خبر |
الفريدي فرط فيه المثالي كما فرط في كل لاعبي الهلال عبر تحوليهم الي نجوم استعراض |
السلام عليكم ورحمة الله وبركاته قد اختلف مع اخواني الاعضاء في ما يخص عودة الفريدي ،، ان كان يرغب في العودة للزعيم بشرط ان لا يكون عقده مكلف ، اكثر من سالم ،، ولايزيد عن سنتين الفريدي فنياً ،، اذا كان في كامل عافيته ، وخلوه من الاصابات سيكون مفيد جداً للفريق ، لانه يتمتع بالمهارة الفردية ومثلها صناعة اللعب وعلى الاقل ،، سيكون عند الجهاز الفني ، عدة خيرات في التشكيل ، ودكة البدلاء والفريق يحتاج اكثر من لاعب في الموسم القادم ، في حال تأهلنا الى الادوار المتقدمة في الاسيوية ،، باذن الله فيما يخص مزاجيته ،،، بامكان الجهاز الفني والاداري ،، التشديد عليه واخد التعهدات عليه بالالتزام مع تمنياتي لفريقنا بالتوفيق |
انا ضد عودت الفريدي للهلال فهوا لاعب مزاجي واللي يتكلم عن اخلاق الفريدي انه اخلاق لم نشاهد اخلاقه وللمعلوميه هوا الان غياب في نادي النصر وبدون عذر والاعب لايحضر التمارين الابمزاجه ولاعب لايصلح للهلال وان رجع للهلال فسوف يكون شليليات فالنادي وسوف يعاني النادي منه كثير ولاعب باع الهلال في ضروف صعبه وفي النهايه هذا راي |
هي ما هي سواليف اللاعب لا يقدم ما يوازي قيمته المرتفعة وراح يكون حمل ثقيل على النادي |
لاعب مادي بالدرجة الأولى ولايمتلك ذرة وفاء اللي قهرني من جد آخر مباراة قدام الهلال قام يكسر زملاءه في الهلال بشكل حاقد ولايهمه الهلال ولامشاعر جماهيره أول مباراة لعبها أمام الهلال لما راح الإتحاد لبس شارة الكابتن ، معناه ناوي لكم نية يالهلاليين عكس لما راح للنصر وسجل هدف في الإتحاد رفض أن يحتفل إذاً اللاعب عاشق للإتحاد . لما كان مع الهلال كان يرفع الضغط اذا أنطلقوا بهجمة مرتده يموّت اللعب ويعطله وطريقة لعبه قديمه ماعاد أحد يلعب بها إلا هو عنده إصابة رباط صليبي وأتوقع بتجيه إصابة رباط ثانية الأمير عبد الرحمن راح وحضر زواجه في بيته في المدينة وبعدها بفترة زار الأمير أبو الفريدي في المدينة وطلب منه يقنع أحمد بالتجديد مع الهلال ولاقدر قيمة الأمير عبد الرحمن ولا زيارته لبيته ولاشي ماعمري شفت إنسان بهذي الوقاحة وقلة الحياء والذوق. الحين فرصة ان الهلال يرفض عودته علشان يعرف قيمة الزعيم الملكي ويشوف من الفريق اللي بيوقع معه يمكن يروح للوحدة ، وتخب عليه بعد. |
من طلع من داره .. قـل مقداره الفريدي لاعب مزاجي ولا نرغـب في عودته للزعيم الملكي |
نفس الكلام سمعناه عن هوساوي دفاع الهلال هذه السنه بالارقام افضل بوجود اسامه والاهلي شوارع السنه هذه |
شبعان كوره مزاجي منتهي وتذكر كلامي مع الاحترام والتقدير |
الفريدي مزاجي وبعض المرات نكبة ،،،،، للهلال مايصلح اللاعب ثقيل |
إقتباس:
هدف التعادل للوحدة الاماراتي أسامه اللي جهزه قدام اللاعب وسجل فينا هدف شبيه بالإهانة للهلال مافيه مدافع يخلص الكورة بالراس أمام المهاجمين . أسامة رائع بس غلطة الشاطر ب 10 |
من باعنا مرة يبيعنا الف مرة اتمنى عدم التوقيع معاه و ضد عودة انذار لاي لاعب في المستقبل يزايد على الزعيم و فوق هذا لاعب بارد و يعطل الهجمات و حنا مو ناقصين بربسة |
على حسب ماسمعت ان الفريدي في طريقه للأهلي .... والله اعلم الاعب لم يستلم رواتبه مع فريقه منذ9 شهور والان يفاوضهم لشراء ماتبقى من عقده |
إقتباس:
ليه زعلان واذا ماعجبك الموضوع لاتشارك فيه. |
ليس الزعيم من يرجع للأرشيف ، ، الله يوفقه وين ما يروح |
ان تبي الصراحة كنا ضد عودتهم جميعا ان كان هو ولا هوساوي لان رجوعهم راح يعطي غيرهم فرصة متى ما حب يطلع من النادي يطلع ومتى ما حب يرجع يرجع هذا غير اخلاقه المعفنه اللي ما تناسب لاعبينا يكفيه زي ما ذكر ان الهلال حقق له جميع طموحاته وهذا اكبر شرف له يعطيك العافية |
قل غيرها أي لاعب مثل النصر لا مكان له بالزعيم الملكي كائناً من كان |
اللاعب اذا رجع لايؤدي مثل ماكان سابقا!! الهوساوي رجع ولكن بنفس المستوى المعيوف عاد وليته ماعاد!! نيفز عاد ولم يقدم المأمول!! اذا الهلال ليس في حاجة من يتركه حبا للمال ورجوعه لايقدم شيئا!! والأفضل له يبقى مكانه والايروح لفرق الوسط!! |
لاعب منتهي ، وليس له أي فائدة. |
انتم براحتكم :s2: ولكن عن نفسي اتمني يرجع :alzaeem:علي الاقل احسن من لاعبين كثر علي الدكه واحسن من عوض خميس والراهب::gunbandan |
قبل أي شيء يقدم اعتذاره لجماهير الهلال على إساءته للفريق عدة مرات وخاصة في بعض التصريحات الإعلامية بعدها ممكن نتقبل وجوده أن كانت وجهة نظر الإدارة بأنه يخدم مصلحة الفريق . بالنسبة لي شخصيا اتمنى دعم النجوم الواعدين في الفريق مثل السواط بعد الإعارة و المنيع بعد الإصابة وتصعيد بعض نجوم الأولمبي أفضل من إعادة المستهلكين. هوساوي لا يقارن بالفريدي.. أسامة يبقى أفضل مدافع سعودي ولم يظهر أفضل منه والدليل ثباته في تشكيلة المنتخب عكس الفريدي. |
إقتباس:
رحل هوساوي ولم تعوض خانته بلاعب آخر خطأ اداري بحت |
الله يعطيك العافية وبالتوفيق للهلال الزعيم الملكي |
لا نريده ما دام تشرب ثقافة الفقر وطعموه بفايروسهم |
لا لرجوع الفريدي للهلال لاعب يقول انا ماعندي شي اقدمه للهلال يكفيه تكريم الاتحاد له بالكبتنيه ونور موجود في مباراتهم ضد الهلال |
إقتباس:
لو هو يستاهل كان ما قبل الكبتنية |
ياليت الاداره ترفض خله في النصر نادي البطولات و مثل ماقال ابحث عن فريق انجازات خله مكانه |
(الفريدي) إبن عاق .. خرج من بيته ..وتلطّم يمنّة ويسارى.. والآن عرف أنه أخطاء في حق والده (الملكي) وعرف أنّه كان تائه .. لذلك أقول له ؟ هل أستوعبت هذا الدرس جيداً ؟ ..وتعود كما أنت أبننا الجاد!!! .. إذا كنت كذلك فمرحباً بك؟. |
لاعب مزاجي ومشاكله كثير واي وقت ما تعطيه راتبه يسحب عليك فكووووووننا منه 🤗 |
المسالة احتراف لكل لاعب قيمة معينة وارقام ( cv ) ارقام الفريدي اقل من عادية لدينا رقميا افضل منه بالارقام وكذلك بالمهارة والمزاجية وتغيير النتيجة سالم افضل منه مهاريا ولازال لديه الكثير ليس هناك في الدوري السعودي من يستحق ان تقول له انت لاعب محترف من الاجانب عمر السومة فقط ارقامه تنصفه ومهاراته المتنوعة ترفعه ( ضربات حرة - تسديد بالراس - يستخدم القدمين - ضربات الجزاء - تمركز ممتاز - مستواه ثابت ) هذا اللاعب الذي يستحق ان تدفع فيه 10 مبسون في الموسم ولا تبالي ولو ان الضروف المالية تسمح لتعاقد معه الهلال ( بتقديمها عرض مغري للاهلي ) عمر خربين لا باس اتمنى ان توفق الادارة في شراء عقده اللاعب جيد ويحتاج للوقت لفهم لعب الهلال |
لا نريده ولا نريد ان تخطو رجله الى النادي معاد عنده شي ولو حتى عنده كثرت فلوسه والسعودي الى كثرت فلوسه صار الشيخ فلان مكانه زين خله مايستمتع بالراحة والهدو الذى كان يعيشه فى الهلال |
من باعنا بالرخص بعناه ببلاش ما نبغاه |
الله يكتب ما فيه خير للزعيم الملكي |
نحترمه كـ لاعب ، لكن فنيا لا أعتقد أن الهلال بحاجته أو سيجني منه فائدة .. الخانة يوجد من هو أجدر وأحق بها من . كل التوفيق للزعيم وللكابتن أحمد |
كان معزز بناديه من طلع من داره قل مقداره |
بسم الله والحمد له ولا إله إلا الله ما شاء الله تبارك. اللهم لك الحمد حتى ترضى ولك الحمد بعد الرضى ولك الحمد إذا رضيت. أَشْهَدْ أَنْ لَا إِلَهَ إِلاَّ اللهْ وَأَشْهَدُ أَنّ مُحَمّدًا رَسُولُ اللهْ. لا إله إلا أنت سبحانك إني كنت من الضالمين. أستغفر الله والحمد لله ولا إله إلا الله والله أكبر ولا حول ولا قوة إلا بالله. {(إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا)} اللَّهُمَّ صَلِّ وَسَلِّمْ عَلَى نَبِيِّنَا مُحمَّد وَعَلَى آلِهِ وَصَحْبِهِ أَجْمَعِينَ. الزعيم الملكي يقول في كل زمان ومكان الأرض أرضي والزمان زماني. الله يعطيكم العافية على النقل والتغطية الرائعة. لاعب ليس له خاتمه يكفي لما خرج من الملكي نذكر ما قاله الملكي لا يقوله جاحد من اللي أخرجك وعرفك بنفسك ألا هو الملكي، أقول أفضله يتابع محلاته والملكي غني عنه لاعب لا يفيد أستعراضي أكثر من أنه يفيد الفريق.</B> </B></B></B></B></B></B></B>شــــــــــعارنا دائماً </B>:ba::ba1::ba:( يداً بيد من أجل الزعيم ):ba::ba1::ba: :ba::ba1::ba:أحترامك الخصم تحصل على الفوز:ba::ba1::ba: :ba::ba1::ba: اللهم وفق الهلال فوق كل أرض وتحت كل سماء :ba::ba1::ba: لـــقــــــطـــــــة الــــمـــــــوســــــــــم</B> </B>http://files.alhilal.com/images/1806...7853080408.jpg http://www.hilalcom.net/wp-content/u...04/image62.jpg http://www.hilalcom.net/wp-content/u...04/image98.jpg http://www.hilalcom.net/wp-content/u...11/image30.jpg |
لا قابله .. مافي مقارنة بينه وبين خروج اسامة هوساوي هذا طلع طمعاً بالمال رغم عرض الهلال طيب وهذا طلع احتراف خارجي . |
الفريدي نعم لاعب مميز بس الهلال مو محتاجه مانبي نعبي الفريق لاعبين مثل غيرنا وبعدين سنه مايخدمنا عند شباب مميزين كفو ومن باعنا مايلزمنا خليه يشوف له فريق تاني |
لاعب مزاجي وبارد يقتل اي هجمه الهلال لعبه سريع عك كروي مافيه |
الوقت المعتمد في المنتدى بتوقيت جرينتش +3.
الوقت الان » 03:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd