فرحتنا بالسلامه اهم من النقاط - نادي الهلال السعودي - شبكة الزعيم

osama1111 · #1 05/03/2017, 11:08 PM

الحمد لله على سلامة لاعبينا ويارب لك الحمد والشكر على نهاية المباره ولاعبينا سالمين و بخير ما ادري رايحين نلعب كوره والا هم فاهمين انها حلفة مزمار حجازيه وقلبوها مضاربه بالعصي
لا جمهور يحترم ضيوفه ولا يوجد عنده اي ادراك لمعنى المنافسه والتشجيع.. و فريق متهالك عوض الفشل باساليب المعروفه خشونه وضرب ومشاكل لما يحس بالعجز وقلة الحيله زي العاده ولاجديد في لاعبيه.. ونشوف لجنة الانظباط وش بتسوي في احد اكبر المهازل اللي عرفتها مدرجات الرياضه السعوديه

الحمد لله على السلامه اولا ومبروك تاكيد الصداره

عذب السجايا · #2 05/03/2017, 11:47 PM

فعلاً
لجنة الانضباط يجبان تقوم بعملها لكن بعد نهائي ولي العهد
احس انهم بيستعجلون عشان يمهدون للنصر
الحمد لله على سلامة لاعبينا وصدارتنا

hilalicanada · #3 06/03/2017, 12:00 AM

بدون إسقاط على احد

عادات وتقاليد جميع مناطق المملكة نفتخر بها ونحترمها

جميع مناطق المملكة بها رجال وكل منطقه لهم "عرضتهم الرسمية للرجال" بمختلف مسمياتها طبعاً

وتركنا لغيرنا الرقص والهز ولله الحمد

شي واجب عليك تحترمه

SWiSHE · #4 06/03/2017, 12:01 AM

الله يردهم بالسلامة والي خايف عليه هو باص الهلال واللاعبين الي فيه يتعرض لهدوم في طريق العودة للمطار

اذا قدام وسائل الاعلام كلها يسووون هالافعال المخجلة فما بالك بالخافي

الله يردهم لنا سالمين يا رب

@الز عاشق عيم@ · #5 06/03/2017, 12:40 AM

ايه والله الحمدلله على السلامه
وان شاء الله يرجيع الكل طيب
وشكرا لجمهور الهلال الي ساند فريقه من المدرجات 1000 شكرا و1000تحيه

نارالنشاما · #6 06/03/2017, 12:49 AM

الف مبروك يازعماء الفوز المستحق والصداره ...والحمد لله على سلامة اللاعبين ..
مباراة ناريه ودق خشوم لهم وغيرهم ... ويجب أن نسمي الأمور بمسمياتها ....الزعيم واجه جمهور من الرعاع ولاعبين لايجيدون سوى الضرب والإنبراش ... ومن ينكر ذلك فليراجع تاريخ هذا النادي في اللعب العنيف والإنبراشات ..

فالكم الدوري يازعماء

إبن الملوك · #7 06/03/2017, 12:50 AM

الاعتداء على ادواردوا من عدنان فلاته بعد الهدف الاول للهلال
الاعتداء من العكايشي على خريبين والشهراني بعد الهدف الاول
دخول عنيف على ادواردو من اكثر من لاعب اتحادي
رمي القوارير وغيرها من جمهور الاتحاد بعد كل هدف هلالي وعند الاوتات
دخول عنيف من عدنان فلاته على نواف العابد
الاعتداء على نواف العابد من كهرباء
لو جلسنا نحسب ماخلصنا صراحة مباراة كانت نقطة سوداء بتاريخ الاتحاد رياضيا ً

يعني بالله كل هذا مسوينه وزعلانين على هدفنا الاول ولاعبهم طايح بسبب حارسهم الحول طاب عليه
المباراة فيها اكثر من 3 كروت حمراء للاتحاد بدون مبالغه لكن عداها الحكم

عموما نبارك لنا كزعماء ونقول هاردلك للاتحاد وجماهيره
لكن والله ماكان العشم منكم ياجماهير الاتحاد انهزمنا منكم مباراة الذهاب والموسم
اللي رايح فايزين علينا ذهاب واياب ماسوينا مثلكم بالعكس باركنا لكم بكل روح رياضية

واخيرا
مبرووووووك الدوري مقدما يازعماااااء

رضي من رضي وابا من ابا

mxo · #8 06/03/2017, 01:34 AM

الاتحاد كالعاده
اذا عجز بالملعب اتجه للخشونة

انغام هلاليه · #9 06/03/2017, 02:59 AM

نادي وضيع منبطح دائماً للجار الصغير

تررركي2007 · #10 06/03/2017, 04:17 AM

مبروك فوز الهلال المستحق...حضرت عدالة التحكيم الأجنبي فطرد لاعب اتحادي كعادتهم واحتسبت ضربة جزاء باخر دقيقة ضدهم ولو كان الحكم محلي لما تجراء على احتسابها بهذا التوقيت...
الحمد لله على سلامة لاعبي الهلال من فريق المجازر والحواري والبلطجه!
أتمنى حضور حكام أجانب بكل مباريات الهلال وخصوصا امام فريق النصر وفريق البلطجه..
لسلامة لاعبينا ولسلامة روح المنافسه...
حقيقة لاعبي الاتحاد وجمهوره ليسوا الا جماهير ولاعبي شغب وخشونه وشغل حواري لا اقل ولا اكثر..

CHARIZMA · #11 06/03/2017, 06:47 AM

حفلة مزمار حجازيه قلبوها مضاربة بالعصي
تقليد اهل الغربيه مثلها مثل رقصة السيوف بالجنادريه ورقصة الينبعاويه
وكل منطقه لها تقاليد

اتمنى تغير الاسلوب والطرح في موضوعك وكأن تسقط على اهل الغربيه

والنعم في كل اهل السعوديه واهل الغربيه في العين وعلى الراس

abubadr98 · #12 06/03/2017, 05:41 PM

الله يعطيك العافية
وبالتوفيق للهلال الزعيم الملكي

مين غيرك زعيم · #13 06/03/2017, 06:41 PM

حاول تنتقي كلماتك قبل صياغة موضوعك وأترك عنك الهمز واللمز والايحاءات العنصرية ولاتربط حادثة جماهيرية بشريحة من المجتمع السعودي وتستغلها للاسقاط عليهم والمساس بعاداتهم وتقاليدهم
لاتشوهوا المنتدى بمثل هذه الأطروحات

HAKEEM2 · #14 06/03/2017, 06:50 PM

إقتباس

الرسالة الأصلية كتبت بواسطة تررركي2007


	مبروك فوز الهلال المستحق...حضرت عدالة التحكيم الأجنبي فطرد لاعب اتحادي كعادتهم واحتسبت ضربة جزاء باخر دقيقة ضدهم ولو كان الحكم محلي لما تجراء على احتسابها بهذا التوقيت... الحمد لله على سلامة لاعبي الهلال من فريق المجازر والحواري والبلطجه! أتمنى حضور حكام أجانب بكل مباريات الهلال وخصوصا امام فريق النصر وفريق البلطجه.. لسلامة لاعبينا ولسلامة روح المنافسه... حقيقة لاعبي الاتحاد وجمهوره ليسوا الا جماهير ولاعبي شغب وخشونه وشغل حواري لا اقل ولا اكثر..

لا والله ماحضرت العداله مع هذا الحكم بالذات

العداله طرد ثلاثه من لاعبين الاتحاد من البدايه

تساهل الحكم كثير مع لاعبين الاتحاد في الدخول المتعمد مع رفع الرجل وتعمد ايذاء لاعبي الهلال
اعطى خربين كرت اصفر مع انه ماله اي علاقه بالعكس كان يحاول يهدي وبدل مايعطي المتسبب فلاته الذي ضرب اداودردو كرت احمر عطاه كرت اصفر ّ!!! وين العداله ؟؟؟