01/03/2017, 12:51 AM
|
| زعيــم مميــز | | تاريخ التسجيل: 18/03/2003 المكان: حصه بنت محمد
مشاركات: 2,195
| |
المعيوف , الفرج , ميليسي , ليو
رباعي من بداية الموسم و هم نكبة .. نكبة يعني وجودهم نقص .. لا هم اللي قايمين بأدوارهم ولا هم اللي فاكيننا من شرّهم
الأول المعيوف : لا هو اللي يطلع على العرضيّات و ينهي خطورتهم.. ولا اللي مميّز بصد الكور اللي تحتاج مرونة و سرعة استجابة ..
النتيجة وش ؟ .. أهداف ما تدخل على جدتي ..
الثاني الفرج : لاعب ما أدري وش أقول .. لكنه مايستحي .. أخطاءه المتكررة .. واستهتاره بالجمهور .. وعناده ومكابرته ..
والنتيجة وش ؟ .. تفنن بالكور في غير محله .. أخطاء بالاحتفاظ بالكورة .. 50% من أهداف الخصوم بسبته ..
تعطيل الهجمات و الون تو .. تمرير طويل أكثر من اللازم .. في كور تحتاج ون تو سريع .. يحضّن على الكورة ويرسلها طويلة للطرف .. !
أتعبني الفرج .. والله جاب لي الضغط و احتمال أقطع المباريات علشان صحتي بسبّته ..
يقهرني ويستفزّني المستهتر اللي يكرر الخطأ مليون مرة ..
الثالث ميليسي : لاعب مجهتد .. يراكض و يدابتس مع اللي يراكضون و يدابتسون .. عطيل قعوس .. اللي يروح و يجي لاهو اللي شال شيء و لا اللي جاب شيء .. مركزه مفلل ناس أفضل منه مستوى .. الخيبري و عطيف و الرويلي .. كلهم ممكن يقومون بأدواره و أفضل .. وهو أخف الرباعي رفعاً للضغط .. بس مكانه أجيب لاعب أجنبي عليه الكلام و القيمة .. لو أجيب لاعب معطوب بس مميز بالفاولات كان استفدت أكثر من خوينا ..
الرابع ليو :
هاللاعب ما أدري كيف دخل مجال الكورة .. من أول مباراة .. و أنا أدري إن ماعنده شيء يقدمه .. لأن الكتاب باين من عنوانه ..
لاعب كنترول صفر .. سرعته صفر .. يبي له خمس لاعبين مختصين بتجهيز الكور وقراءة عقل ليو المهاجم ذو الإحتياج الخاص لصانع لعب وظيفته يخليه يسجّل .. ويبي لهم إجتماع قبل كل مباراة عنوانه " كيف نخلي ليو يسجّل " ..
لاعب يفتقر لكل المهارات المطلوبة في لاعب كرة قدم .. مابالك إنه محسوب أجنبي و محترف !
إدواردو طايح مستواه .. و الكل عارف هالشيء .. لكن لأنه موهبة حقيقية .. تلقى منه لمسة في كل مباراة .. ياهدف يا صناعة ..
لأن أبجديات الكورة يعرفها .. لكن هالماخوذ وش بيسوي ؟ .. يعني بالأساس ماعنده أي مهارة .. كيف لو طاح مستواه !
أجزم لو الهلال لعب بياسر أساسي وهو في أواخر عمره .. بيقدّم لك أفضل من هالحلزونة .. تمثال الشمع ..
لو أخلي المعيوف هجوم مستعد أتراهن معكم على اللي تبون إنه بيقدّم مستوى أفضل من ليو .. ! ..
أقل شيء نشيل المعيوف عن الحراسة ونضرب عصفورين بحجر.. أو على قولة المعلق " المعيرف " :]
وسترجعُ يوماً يا ولدي .. مهزوماً مكسورَ الوجدان
وستعرفٌ بعدَ رحيلَ العمرِ .. بأنكَ كنتَ تطاردُ خيطَ دخان |