تم التصويت للاعب ليو يوناتيني
__________

تم التصويت

.....

دائما جمهور الزعيم هو الرقم الصعب

إقتباس الرسالة الأصلية كتبت بواسطة هلالي والباقي اسامي لا بالله منب مصوتله هذا لاعب يصوتله ماغير مرافس وتوطية كورة هذا الي مرجعنا ورا لاعب مايستاهل ولا ريال اروح العب علي نفسي وصوتله الي يبي يزعل بكيفه

مع الاسف هذا عينه من الجماهير اللي تحلطم بسرعه البرق وهذولا اللي يصايحون ضد لاعبين فريقهم في المدرجات ويسبون ويسخطون

جماهير فرق ثانيه عندهم كديش ويوصلونهم السما. ويجيك يقول مافيه روح

جماهير الانديه المنافسه يصوتون لكل شي يخص ناديهم . وانتو خلوكم على المثاليه يامثاليين ( جمهور عجيب والله اكثر جمهور ينتقد واكثر جمهور مايدعم واكثر جمهور مايحضر) انتو ياجمهور الهلال الجيل الجديد جالسين خلف الاجهزه وهات يانتقاد ولاكن كل الامل في الشقرديه الاوفياء هم من يقدرون الشعار هم راح يصوتون لليو وهم راح يحضرون في المدرج وانتو اجلسو انتقدو خلف الاجهزه . ليتكم تتعلمون من باقي جماهير الانديه الاخرى 10و20سنه بلا بطوله ومدرجاتهم فل هذا هو العشق تحياتي للشقردية الاوفياء

أنا فرحت أحسبه تصويت على بقاء او الاستغناء عنه طلع تصويت على افضل لاعب

نتمنى نجحفل نتيجة التصويت ونقلبها لمصلحة لاعبنا

اكثر ماكان يميز الهلال وجمهوره هو رقي تفكير المنظومه كامله سواء لاعبين او جمهور ولم يكن في عقولهم سوى الانتاجية والابداع في الملعب وحصد البطولات
وبطولات التصويت والترشيح والضحك على العقول تركناها لغيرنا
ولكن للاسف منذ سنتين تقريبا بدئنا ناخذ تفكيرهم ونتغنى بالتصويت والكلام الفاضي ونحن نعلم انها خرطي لاتودي ولاتجيب
نعم انا مثالي ولن اصوت لمثل هذا اللاعب فمن الظلم انه يرتدي الشعار ويحجز مركز وفيه افضل منه ياجماعه هذا لاعب على الواقف اللي يشوفه يقول عمره تجاوز الثلاثين

والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين

اصوت له ليه ؟ وش الي حققه مع الفريق حتى الآن عشان أصوت له ؟

إقتباس الرسالة الأصلية كتبت بواسطة هلالي متعصب اصوت له ليه ؟ وش الي حققه مع الفريق حتى الآن عشان أصوت له ؟

طيب بكيفك صوت لفواز القرني واللي ماهوب بحاجتك وراه جمهور يخلي الكديش نجوم ماهوب مثلك ومن هم على شاكلتك...

التصويت يتعلق بجماهيرية الانديه قبل اللاعبين ،،،، وياليت اللي مايبي يصوت يتحفنا بسكوته حتى لايؤثر سلبيا على باقي الجماهير الهلاليه العاشقه لكل ماهو ازرق وابيض.

بصراحة يوم شفت ليو اللي كنه ناقة فاطر ..
إكتشفت إني كنت ظالم ألميدا !!
والله يا طيب الذكر ( محمد العنبر ) إنه كان
أصرف من ليو .. على الأقل ما كان أجنبي ..
ضيعنا خانة أجنبي على لاعب فاااشل ..!

أحترم وجهة نظرك .. لكن ماهو مفروض نعطي اللاعب
أكبر من حجمه لمجرد إنه هلالي !!
مفروض ما يصوت له إلا اللي مقتنع فيه وبإمكانياته ..
أما إنك تهاجم أي مشجع هلالي مايصوت له فهذا خطأ منك ..
طيب إنت بتصوت له لمجرد إنه هلالي .. ليه ما تحترم اللي
يخالفونك بالرأي وهم هلاليين ؟!!

تقديري لك ..

: : :